Туғилган санаси: 1914 йил 22 февраль
«Ливерпул»даги дебюти: 30.12.1933
Туғилган жойи: Ходнет, Англия
Сўнгги ўйини: 04.07.1947
Вафот этган: 20 декабрь 1969 йил
Жами ўйинлар/голлари сони: 69/1
Сотиб олинган: «Шрусбери»
"Ливерпуль" билан шартнома имзоланган: 1933 йил март
Ғалабалари коеффициенти: 36,23%. Ғ:25 Д:22 М:22
Уруш давридаги ўйинлари/голлари: 35/1
Лигадаги ўйинлари/голлари: 61/1
Жами ўйинлари/голлари: 69/1
Ўйнаган бошқа клублари: «Шрусбери» (1929-33); «Брайтон», «Лидс Юнайтед» ва «Фулхэм» (уруш пайтида)
Уильям Томас Буш 1914 йилда Шропшир шаҳрида туғилган. Унинг оиласи кейинчалик Ливерпулга кўчиб ўтди ва у ерда отаси кичик бир меҳмонхонанинг эгасига айланди. Линебаккер Буш Иккинчи Жаҳон уруши пайтида фаолияти тўхтатилган кўплаб ўйинчилардан бири эди. У илк бора 1933 йил декабрь ойи охирида "Ливерпул"нинг асосий жамоасида "Вулверхэмптон" билан 1:1 ҳисобида дуранг қайд этилган баҳсда майдонга тушган.
Дебют ўйинидан сўнг футболчи ҳақида шундай ёзишади: "У жуда совуққон эди ва ўз позициясини яхши эгалларди, лекин кучли ва ишончли ҳимояга қарши тажрибаси камлик қилар эди. Унинг фаолиятидаги иккинчи ва ҳужумчи сифатидаги охирги баҳси 1934 йилнинг янги йил куни бўлиб ўтади. “Ливерпуль” 9:2 ҳисобида мағлуб бўлган машҳур Сент-Жеймс ўйингоҳини у анчагача унута олмаган. Буш ўзининг учинчи ўйинини икки йил-у тўққиз ойдан кейин ўтказади!
1939 йил сентябрь ойидан бошлаб Иккинчи жаҳон уруши учун жанговар ҳаракатлар бошланган пайтда у 65 та ўйин ўтказган. Афсуски, Буш уруш тугаганидан кейингина "Энфильд"га қайтишга муваффақ бўлди. Футболчи бутун дунё бўйлаб ваҳшийлик тугаганидан хурсанд эди, лекин ўзини мудҳиш фожиа кутиб турганидан хабари бўлмаган.
"Ливерпул"нинг 1946/47 йилги мавсумолди тайёргарлик жараёнлари Америкада бўлиб ўтди, Том ўшанда қизи билан учрашишни ҳам мақсад қилганди. Хурсандчилиги узоққа чўзилмаган Буш учун катта синов бошланди.1946 йил 29 майда унинг қизи тўққиз ойлик Кристин Энн Буш фожиали тарзда вафот этди. Янги мавсумда "Ливерпуль" ички лигани ютишга муваффақ бўлади, бироқ депрессия ҳолатидаги футболчи бутун мавсум давомида атиги учта ўйин ўтказади холос.
1946-1947, 1-дивизион ғолиблари
Унинг лигадаги 61 ўйини фаолиятидаги энг охиргиси бўлиб қолди. 1947 йил 7 апрелда "Престон"га қарши баҳсда дебютидан 13 йил ўтиб, футболчи ушбу клубдаги сўнгги учрашувда майдонга тушди. Унинг клубдаги ягона голи 1938 йил 17 декабрда "Сандерленд"га қарши баҳсда киритилган. Буш футболчи сифатида фаолиятини тугатгандан сўнг, кўп йиллар давомида "Ливерпул"да ёшларни тайёрлаш билан боғлиқ тизим бўйича иш олиб борди. Академия тарбияланувчиларини асосий жамоага тайёрлашда унинг ҳиссаси катта эди.
Шунингдек, у биринчи жамоанинг маъмурий масалалари билан шуғулланган. Саёҳатлар ташкил қилиш, овқатга буюртма бериш ва футбол клубининг кундалик ишларидаги каби вазифаларни бажарган. Бироқ унинг кўплаб фойдали ишлари "Энфильд"дан узоқда амалга оширилди. У клубга олиб келмоқчи бўлган ёш ўйинчиларнинг ота-оналарига мурожаат қилиш чоғида бош скаут Жефф Твентиман билан яқиндан ҳамкорлик қилди.
Бушнинг энг ғурурли куни 1965 йилда "Ливерпуль" Англия кубогини қўлга киритган пайти содир бўлган эрса ажаб эмас. Асосий таркибда ўшанда унинг ўсмирлар жамоасидан камида беш нафар ўйинчиси майдонда иштирок этган эди: Рожер Хант, Иан Каллаган, Томми Смит, Томми Лоуренс ва Герри Бирн. Ҳарбий хизматдан ташқари, у клубда 37 йилини ўтказган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
