Рўзиқул Бердиев: «Ички чемпионатда ютқизишга ҳаққимиз йўқ»
"Насаф" - "Истиқлол" ўйинидан сўнг матбуот анжумани иккинчи қисмида "Насаф" жамоаси бош мураббий Рўзиқул Бердиев иштирок этди.
Рўзиқул Бердиев: - Бугунги ўйинда "Истиқлол" ҳақли равишда ғалаба қозонди. Биз бугун бир нечта етакчиларимизсиз ҳаракат қилдик. Бугун майдонга тушган ҳамма ўйинчиларимиз ҳам ишончни оқламади, ўйинчилар савияси борасидаги фарқ билиниб турди.
- ОЧЛДаги муваффақиятсизлигимизда асосий сабабларини нимада деб ўйлайсиз?
- Аввалам бор мусобақа бошида кўплаб хатоларга йўл қўйдик, кейинчалик ҳам ўзимизни унглаб ололмадик. Бу йилги ОЧЛ бизга тажриба мактаби вазифасини ўтаб берди.
- Ички чемпионатда "Насаф"дан яхши ва юқори натижаларни умид қилсак бўладими?
- Албатта биз ОЧЛ мусобақаларидаги омадсизлигимиздан сўнг бор эътиборимизни ички чемпионатга қаратганмиз. Биз бир нечта етакчи ўйинчиларни ички чемпионатдаги учрашувлар учун заҳирада қолдирдик, биз миллий чемпионатимизда юқори мақсадларни қўзлаяпмиз.
- Ҳозирги кучимиз билан "Бунёдкор" жамоасини мағлуб эта оламизми?
- Биз "Бунёдкор" ёки "Пахтакор" жамоаларидан кучсиз эмасмиз. ОЧЛдаги мағлубиятлар сабаб уларга ютқизишга ҳаққимиз йўқ!
Манба: www.voha.uz
Киритилди: 22:18, 16.05.2012. Ўқилди: 5011 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).