Darakchi.uz: ЎзМТРК ЕВРО-2012 намойишини 1000 доллардан сотмоқда
ЎзМТРК Польша ва Украина давлатларида бўлиб ўтадиган "Евро-2012" мусобақаларини Ўзбекистон ҳудудида телетранслация қилиш ҳуқуқини сотиб олганидан хабарингиз бор.
Шундан келиб чиқиб, ЎзМТРК рухсатисиз кафелар, ресторанлар, чойхоналар, кинотеатрлар ва бошқа жамоат тўпланадиган жойларда тижорат мақсадида Европа чемпионати учрашувларини намойиш этиш таъқиқланади. Айни кунларда шу мазмундаги эълон давлат телевидениеси каналлари орқали ҳам намойиш этилмоқда.
Darakchi.Uz нашрининг хабар беришича, МТРК трансляцияларни 1000 ва 500 АҚШ долларига сотади.
Darakchi.Uz мазкур масала юзасидан компания реклама бўлимига мурожаат қилди. Бизга маълум қилишларича, 8 июндан 1 июлгача давом этадиган футбол чемпионатини тижорат мақсадида намойиш этмоқчи бўлган тадбиркор ва ишбилармонлар Тошкент шаҳри учун 1000 АҚШ доллари, вилоятлар учун 500 АҚШ доллари миқдорида тўловни амалга оширишлари талаб этилади. Бунинг учун Тошкент шаҳри, Навоий 69 га, вилоятлар учун компаниянинг вилоятлардаги ҳудудий телерадио тармоқларига мурожаат қилиш мумкин.
Манба: www.darakchi.uz
Киритилди: 19:08, 18.05.2012. Ўқилди: 10433 марта. Фикрлар: 32 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).