Премьер-лига мавсумининг ақл бовар қилмайдиган якунидан сўнг ҳаммага ўзига келиб олиш учун бироз вақт керак бўлди. Бу ҳақиқатан ҳам драматик ва ҳиссиётлар бой якун эди. Ва бунинг энг яхши томони шундаки, шоу давом этади.
Бир нарса аниқки, “Манчестер Сити” ва “Ливерпуль” ўртасидаги рақобат ҳозир Европа футболидаги энг яхшиси бўлиб қолмоқда.
Сўнгги тўрт мавсумни оладиган бўлсак, иккитасида чемпионлик сўнгги турда ҳал бўлган. Ва "Сити" 2018/19 йилги чемпионатда "Брайтон" билан ҳеч қандай муаммога дуч келмаган бўлса ҳам, интрига сўнгги дақиқаларгача сақланиб қолган. "Ливерпуль" ёки "Сити" учун сезиларли устунлик ўзига хос тақвим ва Covid давридаги чемпионатларида эди.
Ўша тўрт мавсумнинг учтасида "Сити" ва "Ливерпуль" 90 очкодан кўп очко тўплашди, улардан иккитасида буни биргаликда уддалашди. Ва бу, албатта, барқарорлик ва ҳукмронликнинг ажойиб кўриниши. Таққослаш учун: бунгача АПЛ тарихида уч очколик тизимга ўтгандан сўнг 90 ва ундан кўп очколи марра бор-йўғи етти марта кесиб ўтилган: “Манчестер Юнайтед” – 1999/00 ( 91), "Арсенал" - 2003/04 (90), "Челси" - 2004/05 (95), "Челси" - 2005/06 (91), "Манчестер Юнайтед" - 2008/09 (90), "Челси" - 2016/17 (93) ва " Манчестер Сити" - 2017/18 (100).
Кейинчалик шундай бўлди: 2018/19 йилги мавсум - "Сити" (98) ва "Ливерпуль" (97); 2021/22 мавсум - "Сити" (93) ва "Ливерпуль" (92).
Ва ниҳоят, қизиқарли арифметиканинг сўнгги қисми: тўрт мавсумдаги барча очколарни жамласангиз, "Сити" 358 очко тўплаган, "Ливерпуль" эса 357. Ажойиб натижа шундай эмасми.
Европа футболида бундай эпик қарама-қаршилик анчадан бери бўлмаган. Балки бош ролларда Лео Месси ва Криштиану Роналду ўйнаган 2010 йиллардаги Испания Класикоси бундан пастроқ бўлиши мумкин. "Реал Мадрид" ва "Барселона" ўртасидаги тўқнашувлар ажойиб томошага айланиб кетарди ва бутун дунё эътиборини тортарди, аммо 2009 ва 2018 йиллар оралиғида (2014 йилги "Атлетико" чемпионлик мавсуми бундан мустасно) чемпионлик интригаси сўнгги тургача бор-йўғи 3 марта сақланиб қолган.
Ва энг муҳими, биз ушбу шоунинг давомини яна кўрамиз. Премьер-лигада "Сити" ва "Ливерпуль" билан рақобатлашадиган ҳеч ким йўқдек. "Челси" эгасининг ўзгариши ва у билан бирга келадиган ўзгаришлар даврини бошдан кечирмоқда ва август ойида "Стемфорд Бридж"да қандай жамоа бўлиши ҳозирча аниқ эмас. Эрик тен Хаг "Манчестер Юнайтед" билан узоқ йўл босиб ўтади.
Бу жамоаларга қандайдир тарзда таъсир қилиши мумкин бўлган ягона нарса ноябрь ва декабрь ойларида бўлиб ўтадиган Жаҳон чемпионати. Ҳеч ким бундай тажрибага эга бўлмаган ва вазият ҳар қандай тарзда ўзгариши мумкин, айниқса Қатардаги иқлимни ҳисобга олган ҳолда. Футболчилар терма жамоалардан қачон ва қандай ҳолатда қайтишлари муҳим. Нима бўлган тақдирда ҳам Англия футболи бизни зериктириб қўймаслиги аниқ!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
