Моуриньо ҳар бир еврокубокда ғалаба қозонган илк мураббийга айланди. У икки марта Чемпионлар лигаси ва Европа лигасини, шунингдек, кеча Конференциялар лигасида ҳам тенгсизлигини кўрсатди. «Рома» «Фейеноорд»ни мағлуб этди (1:0) ва Конференциялар лигасининг илк ғолибига айланди.
Барча Жозедан ушбу тарихий натижани кутган эди. Португалиялик мутахассиснинг ўйин бошланишидан анча олдин ғалаба қозониши шартдек баҳоланди.
«Биз бу тарихий саёҳатнинг якуний босқичида турибмиз. Ушбу еврофиналга чиқиш орқали тарих ёздик, аммо энди биз янгисини ёзиб, ғалаба қозонишимиз ҳам керак. Менимча, менга финалдан муҳимроқ нарса йўқ. Бу мен учун асосий приоритет. Бу борада ҳеч нарса ўзгармаган. Аввал ҳам бундай онларни туйганман. Агар ғалаба қозона олсак, мен Европанинг барча совринларини биринчи бўлиб қўлга киритган мураббий бўламан», — деганди Моуриньо. Жозе айтади ва уни бажаради.
Буюк португалнинг олдинги ғалабаларини ёдга олиш вақти келди.
«Порту»да Моуриньо икки йил ичида иккита еврокубокда ғолиб чиқди. 2002 йилнинг январида мураббий ўша пайтда чемпионатда бешинчи ўринни олган ва кубокдан чиқиб кетган «Порту»ни қабул қилиб олди. Кейинги мавсумда у 11 очколик устунлик билан чемпионликни қўлга киритди ва УЕФА кубогини ютиб олди. Финалда эса Дерлининг дубли ва Аленичевнинг голи португалияликларга ғалаба келтирди.
Россиялик ярим ҳимоячи Жозенинг навбатдаги муҳим финалида катта роль ўйнади. Бир йил ўтиб, «Порту» Чемпионлар лигасида ғалаба қозонди. Финалда Моуриньо шогирдлари «Монако»ни мағлуб этишди (3:0), Аленичев ҳисобига турнирдаги сўнгги гол ёзилди.
«Интер» билан требл
Португалиядан кейин у Премьер-лигада ажойиб натижалар қайд этди, аммо «Челси» билан мураббийнинг еврокубокларда омади чопмади. Иккинчи мавсумдаги Чемпионлар лигасида эса у «Интер» билан бош титулни ютишга ҳаракат қилиб кўрди. Португалиялик қўл остида жамоа жуда ёрқин хотиралар билан ёдда қолган. Милито, Снейдер ва Это'О билан бирга требл ютган мавсум ўзгача руҳда ажралиб туради.
Жозе «Интер»ни 38 йил ичида биринчи марта Чемпионлар Лигаси финалига олиб чиқди ва Италия клуби учун тарихда биринчи марта бир мавсумда учта йирик совринни қўлга киритган мураббийга айланди. «Бавария»га қарши финалда ўша йили ҳаммасини Милитонинг дубли ҳал қилган.
Ғалабанинг эртасига Жозе ўзининг яқин орада кетишини эълон қилиб, миланлик мухлисларни хафа қилди: «Бу ачинарли ҳолат бўлмоқда, лекин бу менинг «Интер» билан сўнгги ўйиним бўлганга ўхшайди. Агар «Реал»ни бошқармаганимда фаолиятимда бўшлиқ бўлган бўлар эди», - дейди Моуриньо.
«Манчестер Юнайтед» клуб тарихидаги илк Европа лигаси совринини қўлга киритди. «Реал Мадрид»да ва «Челси»га иккинчи ташрифи чоғида Моуриньо Европадаги муваффақиятларига эриша олмади. Аммо у «Манчестер Юнайтед»да учта совринни қўлга киритишга муваффақ бўлди, Фергюсон кетганидан кейин ҳеч қайси мураббий клубнинг шонли тарихини қайтара олмади. Мукофотлардан ягонаси Европа лигаси бўлди. «Юнайтед»нинг ўша пайтдаги ягона соврини. Финалда Погба ва Мхитаряннинг голлари «Аякс»ни мағлуб этишга ёрдам берган.
Ўшанда Генрих Мхитарян биринчи бўлимдаги жароҳати туфайли алмаштирилди, аммо бу унинг «Рома» билан кубокни олишига бу сафар тўсқинлик қилмади. Аммо финалга чиққандан сўнг, Жозе шундай деди: «Агар менга рухсат берсангиз, мен дўстим, буюк мураббий Карлеттога («Реал Мадрид» устози Карло Анчелотти) бир хабарни айтмоқчиман. Келинг, финалда бирга ғалаба қозонамиз!»
Жозе келишувнинг бир қисмини бажарди. Энди навбат Анчелоттига!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Брюгге
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
