XXI асрда юқори дивизион футболчиларининг атиги чорак қисми қуйи лигага тушиб қолмаган холос.
Қуйида ушбу қизиқ воқелик ҳақида сўз юритамиз. Ҳатто сиз кутмаган топ клублар ҳам қуйи лига ҳавосидан «баҳраманд бўлган».
Англия чемпионати
Англияда 21-асрда қуйи лигага тушиб кетмаган (6 та жамоа бор): «Ливерпуль», «Манчестер Юнайтед», «Челси», «Тоттенхэм», «Арсенал» ва «Эвертон».
Бу «Манчестер Сити» мухлисларини ажаблантириши аниқ, ҳатто, шафқатсиз ҳазил сифатида ҳам эшитилиши мумкин. Англия Премьер-лигасининг ҳақиқий «кучли олтилиги» шундай кўриниш олган. 2000/2001 йилги мавсум охирида «шаҳарликлар» Премьер-лигадан тушиб кетди ва бор-йўғи бир йилдан сўнг чемпионшипда биринчи ўринни эгаллаб қайтган.
Аммо «Эвертон» муносиблар қаторида, гарчи бу мавсумда «ирисчилар» 68 йил ичида биринчи марта қуйи лигага тушиб кетишга жуда яқин эди. Фрэнк Лэмпард жамоаси мавсумнинг сўнгги туридан бир ўйин аввал «Кристал Пэлас» устидан иродали ғалаба (0:2, 3:2) қозониб, жон сақлаб қолишга муваффақ бўлди.
Финал ҳуштаги янграгандан сўнг мухлислар ўз жамоасини худди Чемпионлар лигасида ғолиб чиққандек кутиб олишди, бу жуда эпик тарзда таассурот қолдирди. «Эвертон»нинг бир мухлиси ҳатто рақиблар мураббийи Патрик Виейрани ҳам ғазаблантира бошлади. Дарвоқе, 21-асрда АПЛнинг 6 нафар барқарор иштирокчисидан фақат «Эвертон» ва «Тоттенхэм» бу асрда чемпион бўла олмади.
Испания чемпионати
21-асрда қуйи лигага тушмаган 4 та жамоа бор: «Реал Мадрид», «Барселона», «Атлетик», «Валенсия».
Умумий тарих бўйича қараганда бор-йўғи уч клуб Ла Лигани тарк этмаган холос: «Реал Мадрид», «Барселона» ва «Атлетик» Билбао, шу сабабли бу жамоалар ўртасидаги ўйинлар Испанияда «классик» баҳслар ҳисобланади. Биз буни «Эл Класико» деб атаймиз. Агар 21-аср ҳақида гапирадиган бўлсак, у ҳолда трио тўртликка кенгаяди, улар орасида «Валенсия» ҳам бор. Жамоа охирги марта 1980 йиллар охирида Сегундага тушиб кетган, бироқ 1987/88 йилги мавсумдан бошлаб нисбатан стабилроқ савияда ўйнай бошлади ва аср бошида икки марта Чемпионлар Лигаси финалида ўйнади.
«Валенсия» сингари «Атлетико» ҳам Чемпионлар лигаси финалида мағлуб бўлган, лекин УЕФА кубогини (ҳатто учта) ютиб олди. Диего Симеоне билан «матрасчилар» икки марта Испания чемпионига айланди. 1999/2000 йилги мавсум охирида «Атлетико» олий дивизион билан хайрлашди. «Реал Мадрид»нинг қўшнилари Чемпионлар Лигасидаги ғалабани нишонлаганида, «Атлетико» Сегундага олган йўлланмасини нима қилиш ҳақида ўйлар эди. Энг қизиғи, элитага қайтиш учун уч йил керак бўлди, шунинг учун янги асрдаги биринчи юқори даражадаги ҳаракат 2002/03 йилги мавсумда содир бўлди дейиш мумкин. Ва кейин жамоанинг натижалари фақат яхшиланиб борди.
Италия чемпионати
21-асрда қуйи лигага тушмаган 5 та жамоа бор: «Милан», «Интер», «Лацио», «Рома», «Удинезе».
А Сериянинг барча мусобақаларида фақат «Интер» истисносиз тарзда иштирок этган ва 21-асрда Италия чемпионатининг асосий таянчини «Милан» ва Рим клублари ҳамда уларга қўшилган «Удинезе» ташкил этади.
Агар 2000 йилларнинг ўрталарида футболни кузатмаган ва ўша пайтда Италия футболига қизиқмаган мухлис бўлса, А Сериянинг доимий иштирокчилари орасида «Ювентус» йўқлигидан ҳайратда қолиши турган гап. Ахир Италия чемпионатидаги энг сермаҳсул жамоа қандай қилиб лигани тарк этиши мумкин?
Гап шундаки, коррупция можароси туфайли Турин клуби иккита чемпионлигидан маҳрум қилинди ва қайта тарбияланиш учун Б Серияга тушириб юборилди. Ўшанда жамоани аксарият футболчилар тарк этган. Фақатгина асосий юлдузлардан Алессандро Дель Пьеро ва Жанлуижи Буффон қолган холос. Шу билан бирга, бир мавсумда «Ювентус»ни элитага қайтарган Дидье Дешам ҳам мураббийлар штабида эди.
Германия чемпионати
21-асрда қуйи лигага тушмаган 4 та жамоа бор: «Бавария», «Боруссия Д», «Байер», «Вольфсбург».
Ҳа, бу номлардан ҳайратланишингиз мумкин. Айнан Бундеслигада бир нечта гранд жамоалар қуйи лиганинг ҳам ҳавосидан туйиб келишга мажбур бўлишган.
Шунингдек, «Вердер» ва «Штутгарт» номлари ҳам диққатни ўзига жалб этиши мумкин. «Мусиқачилар» 2003/04 йилги мавсумда Бундеслигада ғолиб чиқишган, швабияликлар эса 2006/07 мавсумда чемпион бўлишган.
Ўшандан бери «Штутгарт» қуйи лигага тушиб кетган ва кейинчалик икки мавсумни элитада ўтказди. «Вердер» эса бир йил олдин иккинчи Бундеслигани забт этган эди, аммо бу мавсум охирида «Шальке»нинг ўрнига Бундеслигага қайтди. Аммо 2018 йилгача немис футболининг асосий «динозавр»и ҳисобланган «Гамбург» ҳали Бундеслигага қайта олмади, гарчи бу мавсумда бунга анча яқин келган бўлсада.
Франция чемпионати
21-асрда қуйи лигага тушмаган 5 та жамоа бор: «ПСЖ», «Марсель», «Ренн», «Лион», «Лилль».
Аммо яқин вақтгача бу рўйхат олтита эди. Охирги ўриндаги «Бордо» 31 йил ичида биринчи марта Лига 1ни тарк этди ва қуйи лигага тушиб кетди. Бу маълум бир спорт сабабларига кўра эмас эди. «Жирондачилар» чемпионатда 10-ўринни эгаллаган, аммо юқори дивизон учун бюджет камомади туфайли иккинчи дивизионга йўл олишга мажбур бўлди. Мухлислар бу сафар «тозаланиш» ишлари тез бўлишига умид қилмоқда.
Ўтиш ўйинларида «Осер»га мағлуб бўлган «Сент-Этьен»ни алоҳида таъкидлаб ўтиш жоиз. Мухлислар яқин вақтгача Франциянинг энг номдор бўлган футболчиларини деярли эслашмади. Энг қизиғи, бу мавсумда «ПСЖ» Лига 1даги ғалабалар сони бўйича «Сент-Этьен»га энди етиб олди. Мана, қандай жамоа элитани тарк этмоқда! «Яшиллар» 2003/04 йилги мавсумда охирги марта 2-лигада ўйнаган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
