Немис марказий ҳимоячиси 2021/22 йилги мавсум якунида “Челси”ни тарк этди УЕФА Чемпионлар Лигаси ғолиби билан тўрт йиллик шартнома имзолади. Бир йил муқаддам Антонионинг ўзи “кўклар” билан Чемпионлар лигасида ғалаба қозонган, бу йил баҳорда эса чорак финалда бўлажак клубига ютқазиб қўйган ва унга қарши жавоб ўйинининг иккинчи таймида гол уриб, умумий ҳисобни 3:3 кўринишига олиб келганди. Ўшанда "Челси" олдинга чиқиб олган, лекин қўшимча вақтда мағлуб бўлганди.
Қизиғи шундаки, Рюдигернинг "Сантяго Бернабеу"даги голи унинг Чемпионлар Лигасидаги 34-учрашувидаги биринчи голи бўлди, гарчи у Англия Премьер-лигасида 133 ўйинда 9 марта гол урган бўлса-да. Антонио дарвозабон майжончаси атрофида жуда хавфли ва "Челси" учун энг эсда қоларли гол икки ой олдин “Брентфорд” дарвозасига узоқ масофадан йўллаган зарбаси билан киритилган бўлса-да, ажойиб зарба хотираси ўша учрашув натижаси билан тўйинган. 10 кундан сўнг Рюдигер "Реал Мадрид" дарвозасига гол урди, бу ҳодисалар энди уни илҳомлантирмоқда:
"Реал Мадрид" аъзоси бўлишимдан фахрланаман. Мени кутаётган барча қийинчиликлардан жуда ҳаяжондаман. Мен бу буюк клубдаги илк ўйинларимни ўтказишни сабрсизлик билан кутаман.
Рюдигер "Реал Мадрид" тарихидаги 11-германиялик ва ҳозирги таркибдаги "Челси"нинг учинчи собиқ футболчиси.
Антонио Мадридда бир қанча танишлари билан учрашади. "Челси"дан кетган у Куртуа ва Азарни топди, бир мавсумни Тибо билан, иккитасини Эден билан бирга ўтказди. Белгияликлар "Реал Мадрид"да жуда фарқ қилади, гарчи Азар кейинги мавсумда яхшиланишни, клуб ва мухлисларни яхши ўйин билан қувонтиришини ваъда қилмоқда. Қизиқ, Рюдигер қайси бирига ўхшар экан? Дарвоқе, Куртуанинг Мадриддаги биринчи мавсуми ҳам омадсиз чиқди, бироқ объэктив омиллар кўп эди – мураббий билан муносабатдан тортиб Кейлор Навас билан ортиқча рақобатгача. Қандай бўлмасин, биз "Челси"нинг собиқ ўйинчиларига одатда Испанияда мослашиш учун вақт кераклигини биламиз.
Рюдигерга нафақат Азар ва Куртуа, балки Германия терма жамоасида биргаликда кўп ўйин ўтказган Тони Кроос ҳам ёрдам беради. Айтганча, Кроос Чемпионлар лигасининг 5 карра ғолиби бўлган. У “Галактикос” таркибида 364 та ўйинда майдонга тушгани учун "Реал Мадрид" сафида ўтказилган ўйинлар сони бўйича немислар орасида рекордчи ҳисобланади. Рюдигер "Қироллик клуби"даги 11-немис футболчиси бўлади ва одатда германияликлар Мадридда ўзларини яхши кўрсатишади: Нетцер, Брейтнер, Штилике, Шустер, Иллнер, Хедира, Ўзил "Реал Мадрид"да яхши ўйинлар ўтказишган.
Рюдигер Пепени ўзига намуна деб атайди
Антонио "Реал"га қанчалик тез кириб боришини ва янги клубида нимага эришишини билмаймиз, лекин у кундалик ҳаётга ёрқинлик ва шафқатсизлик қўшиши аниқ. Майдонда ва майдон ташқарисида шов-шувли йигит: иштиёқ билан футбол ўйнаш, кийиниш хонасида кулгили рақсга тушиш ва интервью пайтида ажойиб мимикалар биламиз. Одатда бундай одамларда мослашиш билан боғлиқ муаммолар йўқ ва мухлислар шоуменларни яхши кўрадилар ва хатоларини кечиришга тайёр. Албатта, Рюдигер идеал ҳимоячи эмас, лекин у ҳеч қачон мухлисларни унутмайди. У олдинга қараб томошабинларни хурсанд қилишни яхши кўради, дуел ва қийин ўйинларда майдонга тушишни истайди. Ўтган йили берган интервьюсида Антонио Пепега шундай дегани ажабланарли эмас:
“Агар тарихдаги исталган марказий ҳимоячини жамоадошим ва ҳимоячи сифатида танлаганимда, албатта Пепени танлаган бўлардим. Менга бу йигитнинг ҳаракатлари ёқади. У ҳар бир эпизодда ўз имкониятлари чегарасида ва баъзан керак бўлгандан кўра кўпроқ мотивацияга эга. Менга Пепе футболчи сифатида жуда ёқади, у зўр. Кўпчилик уни шунчаки тажовузкор деб билади, лекин ростини айтсам, унинг ўйин услуби... бу ажойиб ва унга эргашиш жуда ёқимли.”
Рюдигернинг келиши Карло Анчелоттининг ҳимояни шакллантиришдаги имкониятларини кенгайтиради.
Рюдигер келиши билан Мадриднинг ҳимояси, эҳтимол, Европадаги энг яхшисидек кўринади. Ҳеч бўлмаганда "қоғозда" ва номи билан. Чемпионлар лигаси финалидаги ва бутун мавсумдаги ўйинлари билан Лев Яшин мукофотига сазовор бўлган Тибо Куртуа ўтиб бўлмас дарвоза олдида. Бельгиялик футболчи “Олтин тўп”га даъвогарлар рейтингида худди Карим Бензема каби рақибларидан анча олдинда. Ҳимоя марказида келажаги порлоқ Эдер турибди, унинг энг яхши мавсумлари ҳали олдинда, чунки бразилиялик футболчи эндигина 24 ёшда. Қанотларда мустаҳкам Карвахал ва Менди бор, Начо ва Алабанинг кўп қирралилиги эса ҳимоя тузилмасини бир-бирига маҳкам ёпиштиради.
Мавсум охирида мадридликларни Марсело тарк этди ва Рюдигернинг келиши Давид Алаба энди чап қанот ҳимоясида тез-тез ўйнай олади, у ердан ҳужумларга кўпроқ уланиши мумкин бўлади. Бундай вариант, албатта, ўтган мавсумда курашган чуқур ҳимояланган рақибларга қарши "Реал Мадрид"га фойда келтирган. Рюдигернинг ўзи ҳам ҳужумкор футболчидир.
Рюдигернинг кетиши "Челси" учун катта йўқотиш бўлгани аниқ, чунки немис майдонда дадил, кийиниш хонасида эса етакчилардан эди. "Реал Мадрид" эса ҳимоя марказини текинга кучайтириб олди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
