Дунёнинг энг кўзга кўринган ҳужумчиси сифатида, Карим Бензема катта моашга эгалик қилади. Шу сабаб, унинг уйидаги гаражда дунёнинг етакчи брендлари томонидан ишлаб чиқилган машиналар бўлиши табиий, албатта. "Реал" юлдузи айни дамда умумий қиймати 6 миллион фунтга тенг бўлган автомобиллар коллекциясига эгалик қилади. Бугун 34 ёшли Франция терма жамоаси ҳужумчиси гаражига қисқа саёҳат қиламиз.
Ўтган йили Бензема қиймати 2,5 миллион фунтга тенг бўлган "Bugatti Chiron" харид қилганди. Унда шунингдек, худди шу бренднинг "Veyron" модели ҳам мавжуд ва унинг нархи 1,5 миллион фунтни ташкил этади. Футболчи ушбу автоларини ўз Instagram саҳифасида намойиш қилганди.
"BUGATTI"нинг "Veyron" модели, тезлигини соатига максимум, 261 километргача чиқара олади. Хусусан, суперкар атиги 2,5 сонияда 186 километр/соат тезланишга эришган. Бу дегани, "Veyron" – гипермашина!
Бенземанинг гаражидан ўрин олган яна бир автонинг номи "Mercades-Benz"дир. Авто ишлаб чиқарувчининг "SLP" модели 750 минг фунт-стерлинг атрофида туради. Унинг "Stirling" версияси 3,5 сонияда 60 км/соат тезланишга чиқиш имконига эга.
Футболчи зоти борки, "Ferrari" машиналарини севади. Бензема ҳам бундан мустасно эмас. Ҳужумчи доимий Мадрид кўчаларида айнан шу автоконсерннинг "Spider 458" модели билан ҳаракатланади. Ушбу машинанинг нархи эса 200 минг фунтдир. Шунингдек, айнан шу турдаги суперкарни Месут Ўзил, Фрэнк Лэмпард ҳамда Тео Уолкотт каби бошқа машҳурлар ҳам минган.
Корпоратив ҳомийлик битими футболнинг ажралмас қисмига айланиб улгурган. Бу борада футболчиларга мазза. Айниқса, "Реал Мадрид" футболчиси бўлсангиз, немис бренди бўлган "Audi", сиз учун ўз маҳсулотини тақдим этишга тайёр туради. Бензема эса ушбу бренднинг икки моделидан фойдаланган. 2017 йилда француз ҳужумчиси "PS6"нинг 90 минг фунтлик вариантида кўриниш берганди. Шунингдек, стандарт, "Q5" автомашинаси ҳам Бенземага хизмат қилган. Унинг нархи 40 минг фунт атрофида эди.
Футболчининг Мадрид шаҳридаги кошонасида хилма-хил автоуловларни кўришимиз мумкин. Шулардан бири инглиз бренди бўлган "Rollce Royce" ҳисобланади. Бензема бренднинг "Wraith" моделига эгалик қилади. Унинг баҳоси эса 250 минг фунтни ташкил этади.
Каримнинг коллециясидан италянларнинг "Lamborghini" бейджи ҳам ўрин олган. Бренднинг "Gallardo" номли тури, ўта машҳурларидан биридир. Бензема эса уни сотиб олган. Бу супер автомобилнинг топ-тезлиги 202 км/соатга тенг. Бензема – сўнгги моделдаги машиналар шайдоси. Шунинг учун дунё бўйича атиги 450 дона ишлаб чиқарилган "Bugatti"дан сотиб олган. Бу гиперкар 267,8 км/соат тезликда ҳаракатлана олади. Ана шунақа гаплар...
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
