Аввал хабар берганимиздек, «Реал Мадрид» президенти "El Chiringuito"га интервью берди. Перес билан суҳбатнинг иккинчи қисмини эътиборингизга ҳавола этамиз.
«Реал» ҳамда «Реал»га алоқаси бор шахслар ҳақида: Биз ёш ўйинчиларни таркибга қўшиб олган ҳолда жамоани босқичма-босқич тиклаяпмиз ва буни давом эттирамиз. Карлодан жуда миннатдорман. У ажойиб ишламоқда. Модрич, Бензема, Куртуа… Уларнинг барчаси етакчилар ва ёшларга катта ёрдам берадиган фахрийларимиз. Бир кун келиб Винисиус «Олтин тўп»ни қўлга киритади. Винисиус билан шартномани узайтиришда муаммо бўлмайди. Унга бир нечта таклифлар бор, бироқ у фақат Мадридда қолишни истаётганини аллақачон айтган.
Карим Бензема «Олтин тўп»ни қўлга киритади.
«Атлетико» бизга чемпионлик йўлакчаси ташкил қилмагани ҳақида? Мен «Атлетико»ни ҳурмат қиламан, улар ўзлари хоҳлаган нарсани қилишлари мумкин. Бу аҳамиятсиз. Ҳар кимнинг ўз урф-одатлари ва қадриятлари бор.
Зидан ПСЖда? Мен у билан бу ҳақда гаплашмадим. Унинг юрагида «Реал Мадрид» ва Франция терма жамоаси борлигини биламан. Ёзда бошқа трансферлар амалга оширамизми? Янги ўйинчилар учун жой бўлмасада, рўйхатимизда жуда кўп ўйинчилар бор. Аммо ҳали вақт бор, ҳамма нарса бўлиши мумкин. Ҳозирча биз янги ўйинчиларнинг келиши устида ишламаяпмиз.
Серхио Рамос - «Реал»да мен эга бўлган энг яхши ҳимоячи. Унинг Лиссабондаги голи унутилмас. Рамос клубга қайтадими? Бу унинг футболчилик фаолиятидан сўнг нима қилишни хоҳлашига боғлиқ.
Мен Бэйлни жуда яхши кўраман. У клуб учун кўп иш қилди. Бэйлнинг Мадрид тарихидаги ўрнини вақт кўрсатади. У ажойиб футболчи. Унинг жамоага қилган яхшилиги ҳар доим ҳамма нарсадан устун туради.
Янги «Бернабеу» 2022/2023 йилги мавсум охиригача 100% тайёр бўлади. Биз янги «Бернабеу» Европадаги энг ажойиб майдон бўлишини истаймиз.
Азарга омад кулиб боқмади. «Реал Мадрид»га ўтганидан сўнг кўп ўтмай термадаги жамоадоши томонидан жароҳатланди (собиқ "ПСЖ" футболчиси Менье назарда тутилмоқда). Лекин у келаси йил унинг йили бўлишига ишонмоқда. Ҳаммамиз Азарга ишонишимиз керак.
Мухлисларимизга раҳмат айтишим керак. Бу йилги ҳар бир байрам мен учун энг яхши мукофот бўлди. Мени бирор бир аниқ сўз билан эслаб қолишларини хоҳламайман. Мен президентликдан сўнг, клубимиз фондида ишламоқчиман. Болаларга ёрдам беришни хоҳлайман", — деди Перес.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
