Йўл-йўлакай келадиган шуҳрат, машҳурлик ва мукофотлар сизни чалғитмасин!
Кечаги ўйиннинг завқи бўлак. Баҳс ниҳоясига етгач ўйингоҳга киролмаган мухлислар футболчиларимиз автобусини кутиб тургани ҳам ҳарорат ва ҳислар ўзгача бўлганини кўрсатади.
Мухлисларсиз стадионда ўйнаш қийин. Бу аниқ. Лекин учрашувдан сўнг ярим ҳазил, ярим чин оҳангда бош мураббий футболчилар овозимни кўпроқ эшитишди, деди.
Очиғи, мураббий масаласи алоҳида. Тимур Кападзе ақлли мутахассис эканини яна бир бор исботлади. Матбуот анжуманида ундан қандай сабаб билан дастлаб Ҳожимат Эркинов, сўнг Жасур Жалолиддиновни захирага олгани ҳақида сўрашади, деб кутгандим. Кўринишидан бундай савол янграмаган.
Бундай вақтда ўйинда асосий вазифани бажараётган футболчиларни алмаштиришга унча-бунча мураббий жазм этмайди. Аслида шарҳ мобайнида маэстро бунинг изоҳини айтиб кетди. Даврон Файзиев айтгандай, Кападзе ихтиёрида захирада ҳам алоҳида функцияли кучли футболчилар мавжуд. Содиқов, Жиянов, Одилов ва Файзуллаев ўйинга захирадан қўшилар экан, мураббийнинг аниқ ҳисоби билан қўшилди. Қандайдир оддий — "бу чарчади ва олиш керак" қабиладаги ўзгариш эмаслиги сезиларди. Натижада ўриндошлар ўйинга силлиқ қўшилди. Етакчиларни майдондан олиб янглишмади мураббий.
Эйфорияга берилгим йўқ. Бу йигитларнинг асосий мақсади Париж-2024 эканини биламиз. Бироқ кўряпмизки, улар ҳар бир ютуғига характер кўрсатиб эришмоқда. Тасодиф ёки бошқа факторлар минимум.
Финалда турнир доирасида ҳали гол ўтказмаган Саудия Арабистонига қарши ўйнаймиз. Кўринишидан улар барча ўткизилажак голларни улгуржисига Ўзбекистон терма жамоаси вакиллари учун сақлаб қўйишган. Насиб қилса, биз мезбон сифатида қабул қилаётган бу турнирда ғалаба қозонамиз.
Финалдаги натижа қандай бўлишидан қатъи назар футболчиларга айтар сўзим бор: Илтимос, ўсишдан тўхтаб қолманг. Биз "олтин авлод"ларни йўқотавериб чарчаб кетганмиз. Йўл-йўлакай келадиган шуҳрат ва машҳурлик, эҳтимол катта мукофотлар сизни чалғитмасин! Қанчалик қийин бўлмасин охиригача боринг!
Париж олимпиадаси, Шимолий Америка мундиалларигача боринг! Тўхтаманг! Тўхташга ҳаққингиз йўқ!
Ориф Толипов.
Манба: https://t.me/tolipovuz
Киритилди: 11:00, 16.06.2022. Ўқилди: 2651 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
