Жоване (баъзи манбаларда мен исмнинг "Жиованни" деб ёзилишини учратганман, аммо бу европача талаффуз) Бразилиянинг Парана штатида жойлашган Лондрина шаҳрида туғилган. Бу ерда у маҳаллий футбол клуби мактабида машғулот қила бошлади ва 18 ёшида Европага жўнади.
“Милан”
У ўша йилларда ҳақли равишда дунёнинг энг кучли клуб жамоаси ҳисобланган Италиянинг "Милан"ига кетди. Тўғрисини айтсам, бу трансфернинг маъносини ҳалигача тушунмаяпман. Бизнинг давримизда "ўсиш учун" истиқболли футболчини сотиб олиш ғайриоддий нарса эмас. Шу билан бирга, чет эллик ўйинчилар учун чеклов мавжуд эди, Миланда учта "хорижий" ўринни буюк "Голландия триоси" мустаҳкам эгаллади ("ортиқча" чет эллик ўйинчилар Миланда фақат 1992-1993 йилги мавсумда пайдо бўлади).
Элбер нафақат "Милан" учун бирорта ҳам расмий ўйин ўтказмаган (бу тушунарли), балки у ҳеч қачон қайдномага ҳам киритилмаган ва 1991-1992 йилги мавсумда у “Грасшоппер”га ижарага юборилган.
Швейцарияда Элбер ўз қобилиятини тўлиқ намойиш этди. Соф бразилиялик техникага қўшимча равишда, бу ҳужумчи яхши тезликка эга эди, елкама-елка курашда ва "иккинчи қаватда" яхши ўйнарди. Элбер 1991-1992 йилги мавсумда 13 гол, бир йилдан кейин 31 гол, 1993-1994 йилги мавсумда 26 гол уришга эришганди.
Шунингдек у Швейцария чемпионатининг энг яхши тўпурари бўлди, энг яхши хорижлик футболчи деб топилди ва “Грасшоппер” чемпионат кумуши ва мамлакат кубогини қўлга киритди.
“Штутгарт”
1994-1997 йиллар
Жоване Элбернинг Бундеслигага ўтиши жуда табиий кўринди. Бразилиялик биринчи йилни мослашиш учун ўтказди (24 ўйин, 8 гол), аммо кейинги икки йилни энг юқори даражада ўтказди. 1995-1996 йилги мавсумда Штутгартда мухлислар "сеҳрли учбурчак" деб атаган мавсум арафасида келган Элбер, Фредди Бобич ва Красимир Балаковлар тимсолида ҳужумкор гуруҳ шаклланган эди.
Ушбу учлик ўйини 1996-1997 йилги мавсумда "Штутгарт"нинг камтарона таркибига Бундеслигада 4-ўринни эгаллаш ва Германия кубогини ютиш имконини берди. Финалда швабияликлар Коттбуснинг “Энергия” жамоасини 2:0 ҳисобида мағлуб этишди, ҳар иккала гол ҳам бразилиялик ҳужумчи ҳисобига ёзилди.
Айтганча, Штутгартда "Жокер" лақаби Элберга берилган, бунга футболчининг ҳазиллари ва ғайриоддий ҳаракатлари сабаб бўлган.
"Бавария"
1997-2003 йиллар
"Бавария"да Элбер яхши мавсумлар ўтказган (биринчи мавсумда 21 та гол), жамоада бўлганининг иккинчи йилида у Карстен Янкер билан энг яхши тўпурар бўлди ва кейинчалик бу унвонни фақат бир марта қўлдан бой берди (1999 йил - мавсум). Айтганча, бу унинг мюнхенликлар сафидаги биринчи бор 20дан кам гол уриши эди.
"Бавария" билан Жоване Элбер 15 та совринни қўлга киритди, жумладан, 4 та чемпионат ва 2000-2001 йиллардаги Чемпионлар лигаси. Элбер ҳар бир ўйинда гол уриб (1:0 ва 2:1) “Бавария”нинг “Реал” устидан ярим финалдаги ғалабасини самарали таъминлади.
Дарвоқе, бундан икки йил аввал “Бавария” ҳам Чемпионлар лигаси финалига чиққан, бироқ у ерда “Манчестер Юнайтед”га 1:2 ҳисобида имкониятни бой бериб, қўшиб берилган вақтда иккита гол ўтказиб юборганди. Элбер жароҳати туфайли ўйинда иштирок этмади, агар у майдонда бўлганида, Европанинг асосий кубоги тақдири бутунлай бошқача бўлиши мумкин эди.
“Лион”
2003-2005 йиллар
2003-2004 йилги мавсум бошланишидан олдин "Бавария" голландиялик ҳужумчи Рой Маккайни сотиб олди (ўша пайтда бу трансфер клуб тарихидаги энг қиммат трансфер эди). 31 ёшли Элбер беихтиёр ўз келажаги ҳақида ўйлади ва ўз вақтида келган "Лион" таклифини қабул қилди.
Жиоване Францияда ҳам яхши мавсум билан бошлади. 39 ўйинда 15 гол (жамоада Пеги Люйиндуладан кейинги иккинчи натижа) ва чемпионлик унвонига ҳам эга чиқди. Бироқ, кейин ҳаммаси чаппасига кетди ва ўша мавсум ҳужумчи фаолиятидаги сўнгги тўлиқ мавсум бўлди.
2004 йил август ойида Элбернинг тўпиғи синган. Операция унчалик муваффақиятли ўтмади, бунинг учун бразилиялик шифокорларни айблади ва клуб раҳбариятига хабар бермай Мюнхенга иккинчи операцияга жўнаб кетди. У бундай ўзбошимчалик учун кечирилмади ва Элбер 2004-2005 йилги мавсум учун рўйхатга кирмади.
Бошқа клублар
"Боруссия Менхенгладбах" - 2005 йил.
Крузейро - 2005-2006.
Элбер 2005 йилнинг январида, Мёнхенгладбахнинг "Боруссия"си таркибида майдонга тушди. Аммо у учун атиги 5 та ўйин ўтказди (бирорта ҳам гол эмас) ва жамоа мураббийи билан можаро туфайли шартномани муддатидан олдин бекор қилди.
33 ёшида Элбер илк бор Бразилия чемпионатида ўзини синаб кўрди. У “Крузейро” сафида яхши мавсум ўтказди (40 та ўйин, 18 та гол), бироқ унинг охирида олдинги жароҳат таъсири туфайли фаолиятини якунлашга мажбур бўлди.
Жоване Элбер Бразилия терма жамоасида
1998-2001 йиллар
Бразилия терма жамоаси сафида Элбер бор-йўғи 15 та ўйин ўтказиб, 7 та гол урди ва нафақат жаҳон чемпионатлари, балки Жанубий Америка кубогининг финал босқичида ҳам қатнашмаган. Ўша йилларда Селесао ҳужум чизиғидаги рақобат чекловли бўлган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
