Хабарингиз бор, футболимиз тиббиёти самарадорлигини янги савияга олиб чиқиш, барча терма жамоалар, футбол академиялари тиббий ходимларининг малакасини ошириш, уларнинг фаолиятини замон талабига мос равишда мувофиқлаштириш мақсадида ЎФА қошида Тиббий қўмита ташкил этилди.
Бугун мазкур қўмитанинг навбатдаги йиғилиши бўлиб ўтди. Унда ЎФА раҳбарияти, терма жамоалар шифокорлари ҳамда масъуллар иштирок этди. Йиғилишда кун тартибига кўра, биринчи ярим йиллик бўйича терма жамоаларнинг тиббий йўналиш бўйича фаолияти таҳлил қилинди.
Йиғилишда иштирок этган ЎФА биринчи вице-президенти Равшан Ирматов футбол тиббиётини тизимли ривожлантириш борасида қилиниши керак бўлган ишларга тўхталиб ўтди. Бу борада олдинга қадамлар ташланганлиги, бироқ соҳада ҳали қилиниши керак бўлган ишлар кўплиги айтилди.
Бугунги кунда тиббиёт соҳасига тўғри ёндашиш спортдаги муваффақиятнинг асосий қисмини ташкил этади. Шу сабабли миллий терма жамоа билан бир қаторда, ҳар бир ёш тоифасидаги терма жамоаларимиз, аёллар ва футзал терма жамоаларига шифокорлар ва массажчилардан иборат доимий тиббий штаб бириктирилди. Шифокор футболчиларнинг соғлиғини ҳар доим мониторинг қилиб бориши, таҳлил қилиши ва жароҳатларни олдини олиш ишларини амалга ошириши кераклиги таъкидланди.
Йиғилиш давомида барча ёшдаги терма жамоаларимиз шифокорларини зарур тиббий ускуналар, дори-дармонлар, витаминлар билан таъминлаш, мавжуд камчиликларни бартараф этиш бўйича тегишли кўрсатмалар берилди. Академияларда малакали тиббий хизматни ташкил қилиш, тарбияланувчиларнинг мунтазам равишда тиббий кўрикдан ўтказиб боришни йўлга қўйиш бўйича масъулларга топшириқ берилди.
Шунингдек, футбол тиббиётига янги кадрларни жалб этиш, мутахассисларнинг малакасини доимий ошириб бориш ва улар фаолиятини мукаммаллаштириш борасида қилиниши керак бўлган ишларга тўхталиб ўтилди. Бундан ташқари, У-23 Осиё кубоги давомида тиббиёт соҳасида орттирилган тажрибаларни ички мусобақаларимизда қўллаш, ОФК стандартлари асосида тиббий-ташкилий ишларни йўлга қўйиш бўйича топшириқ берилди.
Йиғилиш давомида мутахассислар фикрлари тингланиб, келгуси режалар муҳокама қилинди. Иштирокчилар кун тартибидаги масалалар юзасидан ўзларининг таклифларини билдириб ўтдилар.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
