Одатда трансфер ойнаси ёпилишига бир неча кун қолганида кутилмаган ва катта трансферлар амалга оширилади. Клублар бу сафар ҳам қизиқарли трансферлар билан бизни зериктиришмаяпти. Қуйида эса сўнгги кунлар "футбол бозори"да қандай трансферлар амалга оширилди ва яна нима гаплар бўлаётгани билан танишасиз.
Антони 100 миллион евро эвазига "Манчестер Юнайтед"га ўтади
Бу содир бўлди: "Аякс" вингери Антони "Манчестер Юнайтед"га ўтади! De Telegraaf хабарига кўра, клублар ниҳоят 22 ёшли бразилияликнинг трансфери бўйича келишиб олишган, келишув бонуслар билан бирга 100 миллион еврони ташкил этади. Аввалроқ “Аякс” Антони учун “Манчестер Юнайтед”нинг бир қанча таклифларини, жумладан, 90 миллион евролик таклифни ҳам рад этган эди.
Футболчининг ўзи билан "қизил иблислар" аллақачон 5 йиллик шартнома бўйича келишиб олишган. Эслатиб ўтамиз, ушбу мавсум оралиғида бош мураббий Эрик тен Хаг ва ҳимоячи Лисандро Мартинес аллақачон "Аякс"дан "Манчестер Юнайтед"га ўтишган.
Белотти Римда
Италия терма жамоасининг 28 ёшли ҳужумчиси, Евро-2020 ғолиби Андреа Белотти "Рома" билан 2023 йилнинг ёзига қадар мўлжалланган шартнома имзолади.
Белотти бунгача “Торино” таркибида 7 мавсум ўйнаган ва 251 ўйинда 113 та гол урган. Андреа шу ёзда эркин агентга айланганди.
La Gazetta dello Sport: Роналду фаолиятини "Наполи"да давом эттиради
"Манчестер Юнайтед" ҳужумчиси Криштиану Роналду "Наполи"га ўтишга рози бўлди. La Gazetta dello Sport хабарига кўра, итальян клуби португалияликни ижарага олади ва "Манчестер Юнайтед" унинг маошини тўлиқ қоплайди. Ўз навбатида 23 ёшли ҳужумчи Виктор Осимҳен Неаполдан "Олд Траффорд"га ўтади. Унинг учун "қизил иблислар" 100 миллион евро тўлайди - худди Антони каби.
"Атлетико" Форестга жўнаб кетган Лоди ўрнига "Реал Мадрид" тарбияланувчиси Регильонни олиб келади
2022 йилги трансфер ойнасининг асосий янгиликларидан бири Ноттингем Форест "Атлетико Мадрид" чап қанот ҳимоячиси Ренан Лодини сотиб олишга яқин турибди. Инсайдер Фабрицио Романонинг сўзларига кўра, "ўрмончилар" 24 ёшли бразилияликни 5 миллион еврога ижарага олишган, уни 30 миллион еврога сотиб олиш ҳам шартномага киритилган.
Лоди ўрнига "матрасчилар" "Реал" тарбияланувчиси бўлган, "Тоттенхэм" сафида тўп тепаётган 25 ёшли Серхио Регильон билан шартнома имзолайди. Регильон Диего Симеоне жамоасига сотиб олиш ҳуқуқисиз ижарага берилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
