Ёз давомида амалга оширилган трансферлар тарихда қоладиган бўлди. Унда бир-биридан қизиқ ва аҳамиятга молик кўчишларга гувоҳ бўлдик. Айрим футболчилар эса жамоасидан кета олмади. Улар ичида Роналду ва Мбаппелар ҳам бор. Левандовски эса йиллар давомида фақат қарши ўйнаган жамоаси, "Барселона"га ўтди. 2022 йилнинг ёзида, шунингек, бир нечта кутилмаган бурилишларни ҳам кузатдик. Яъни бир футболчи ўзи билан музокараларда узоқ вақт бўлган клубга эмас, балки, бошқасига йўл олди. Қуйида мана шундай ҳолатларнинг айримларига тўхталиб ўтамиз.
Лисандро Мартинес ("Аякс"дан "МЮ"га)
Ёз кириб келар экан, Линсандро Мартинес атрофида миш-мишлар кўпая бошлади. Унинг қаерга ўтиши кўплаб баҳс-мунозараларга сабаб бўлган эди. Мартинес ўзининг кўпфункцияли экани билан ҳаммани эътиборини тортган эди. Англияда эса унга "Арсенал" ҳамда "МЮ" даъво қила бошлади. Хусусан, Лондон жамоаси унга узоқ вақтдан буён эътибор бериб келди ва биринчилардан бўлиб, Мартинес учун "Аякс"га 29 миллион фунт таклиф этди. Аммо бу таклиф дарров рад этилади. "Арсенал"нинг иккинчи таклифи 35 миллион фунт бўлиб, ўз ичига бонусларни ҳам олган. Афсуски, бу сафар ҳам "тўпчилар"нинг омади келмаган. Бу орада "Манчестер Юнайтед" ҳам ҳаракатга тушади. Эрик тен Хаг жамоаси Мартинесни жалб этишда кескин ўзгариш қилди ва самарали ишлади. Охир-оқибат, анча баланд нарх таклиф этган "МЮ", Лисандронинг имзосига эришади. "Қизил иблислар" аргентиналик учун 56,7 миллион фунт тўлаган. Шундай қилиб, узоқ вақт ҳаракат қилган "Арсенал", ўз нишонидан қуруқ қолади.
Рафинья ("Лидс"дан "Барселона"га)
Рафинья учун пойга, ёзнинг энг қизиқарли мусобақасидан бирига айланганди. Бразилиялик ҳужумчига кўплаб клублар қизиққан. Аммо иккита номзод жиддий таъқибчига айланади. Улардан бири "Барселона", иккинчиси эса "Челси" эди. Дастлаб, лондонликлар илк юришни амалга ошириб, Рафинья учун 55 миллион фунт таклиф қилади. "Барселона"да эса молиявий муаммолар бор эди. Клуб уларни ҳал қилишни уддасидан чиққан. Шундан сўнг, Хави Рафиньяни сотиб олишга эришган. "Челси" эса катта ишонч ва ҳаракатларига қарамасдан, ўзи хоҳлаган футболчидан қуруқ қолганди.
Жюль Кунде ("Севилья"дан "Барселона"га)
Кунде дунёнинг энг яхши, ва айни дамда энг ёш ҳимоячиларидан биридир. Марказий ҳимоячи "Челси" учун зарур футболчи эди. Чунки жамоа, муҳим вакиллари бўлган Кристенсен ҳамда Рюдигерни йўқотганди. Уларнинг иккиси ҳам Ла-лигага йўл олди. "Челси" "Наполи"дан Кулибалини харид қилди. Аммо жамоага яна бир марказий ҳимоячи зарур эди. Шу сабаб, "Севилья"га француз ҳимоячиси учун 55 миллион фунт таклиф қилган. Бу таклиф клуб андалусияликлар томонидан қабул қилинган. Бироқ, "Барселона" яна зимдан иш бошлайди. Испан гиганти 50 миллион евро эвазига Кундени қўлга киритади. Бу миқдор "Челси"никидан камроқ, албатта. Аммо футболчининг ўзи "Барса"ни маъқул кўрган.
Кейинчалик, "Челси" "Лестер"дан Веслей Фофанани олиб келди. Аммо барибир Кунде раҳбариятнинг устувор мақсади эди. Шундай қилиб, ёз давомида "Барселона" ва "Челси" икки бор тўқнаш келди. Якунда эса инглизлар ҳар иккисида мағлуб бўлди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
