"Реал Мадрид" мухлислари учун хушхабар: клуб қайдномасида Европа Иттифоқи паспорти бўлмаган футболчи учун битта жой бўшади. Винисиус Испания фуқаросига айлангани туфайли барча расмий тартиб-қоидалар сентябрь ойи бошида якунланди.
Винисиус икки йил олдин имтиҳонларни топширган, аммо эндигина паспорт олди. Баскетбол жамоасининг етакчисига у тезроқ берилганди.
Бразилиялик футболчи 2018 йилдан бери “Реал Мадрид” сафида тўп тепади – Испания қонунчилиги Бразилия ва Аргентина аҳолисига мамлакатда икки йиллик яшашдан кейин паспорт олиш имконини беради. Шу сабабли, 2020 йилда Винисиус ариза топширди ва иккита имтиҳондан ўтди - тил ва миллий маданият. Ҳаммаси яхши ўтди, лекин шундан кейин ғалати бир сукунат пайдо бўлди.
Клуб миллий фуқароликни бериш билан шуғулланадиган Испания Адлия вазирлигига даъво қилган - бошқа чет эллик спортчилар ҳеч қандай муаммосиз паспорт олишган (масалан, америкалик баскетболчи Лоренсо Браун - ҳозирда у Испания терма жамоасида ҳаракат қилмоқда) аммо Винисиус ҳақида ҳеч қандай янгилик йўқ эди.
Мадрид клубининг асосий даъвоси оддий эди: Испания ҳукумати билан Винисиусга қараганда камроқ боғланган ва бразилияликдан кечроқ мурожаат қилган бошқа хорижликлар тезроқ паспорт олишди.
Қолаверса, "Реал Мадрид"нинг муаммоси япониялик Такефуса Кубо ва яна бир Винисиус - "Кастилья" футболчиси Тобиасни рўйхатдан ўтказиш эди. Иккаласини ёки ҳеч бўлмаганда биттасини асосий жамоага ўтказишнинг иложи йўқ эди - Европа Иттифоқидан ташқаридаги ўйинчилар учун учта жойни Винисиус Жуниор, шунингдек, Эдер Милитао ва Родриго эгаллаган. Натижада Винисиус Тобиас ҳамон ёшлар жамоасида ўйнамоқда, Такефуса Кубо эса кутишдан чарчади ва бир неча ижарадан сўнг “Реал Сосьедад”га тўлиқ трансфер қилинди. Дарвоқе, ижара асосида ўйнаган Рейнер ҳам худди шу сабаб билан "Реал"да ўйнамайди.
Ҳозирда Винисиус Жуниор ниҳоят Испания фуқаролигини олди. Милитао ва Родриго билан боғлиқ вазият ҳам ҳал қилиниши кутилмоқда - испан ОАВларининг ёзишича, бу кўпи билан бир неча ойлик масала.
Инсайдер Фабрицио Романонинг ёзишича, ёзда Мадрид клуби Габриэл Жезус трансфери бўйича "Манчестер Сити" билан келишиб олган эди. Аммо ҳудди шу бюрократия сабаб бу трансфер амалга ошмади, бразилиялик "Арсенал" билан шартнома тузди.
"Реал Мадрид" Габини Карим Бенземага рақобатчи деб ҳисоблаган, аммо трансфер амалга ошмагач, улар бошқа ҳеч ким билан шартнома имзолашмаган.
Агар янги паспортлар билан ҳаммаси режа бўйича кетса, "Реал Мадрид" қишки трансфер ойнасидаёқ янги трансферларда анча эркин бўлиши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ал-Муҳаррақ
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
