"Реал Мадрид"нинг аргентиналик футболчилари "Қироллик клуби" тарихида муҳим роль ўйнаган. Аслида бу давлат ва клублар ўзаро парадоксга ўхшайди. Аммо "қаймоқранглилар" учун "кумуш диёр"да туғилиб клуб афсонасига айланган футболчилар етарли.
Гонсало Игуаин
Жамоадаги йиллари: 2007-2013.
Кубоклар: учта ички лига чемпионлиги, кубок, иккита Испания Суперкубоги.
Гонсало Игуаин «Наполи» ва «Ювентус»да ҳам тўп тепгани билан машҳур. У жуда ёш пайтиёқ "Реал Мадрид"га келган ва голли вазиятларнинг қотили сифатида шуҳрат қозонган.
Бироқ олти ярим мавсумда аргентиналик футболчи «қаймоқранглилар» сафида 264 та ўйин ўтказиб, 121 та гол урди ва “қироллик клуби” тарихидаги тўпурарлар рўйхатида 14-ўринни эгаллаб турибди. Натижа унчалик ёмон эмас.
Хорхе Вальдано
Жамоадаги йиллари: 1984-1988 йиллар.
Кубоклар: учта ички лига чемпионлиги, Испания лига кубоги, иккита УЕФА кубоги.
Хорхе Вальдано, аксинча, «Реал»га 29 ёшли тажрибали футболчи сифатида келди. Бир йил ўтиб жамоада Уго Санчес пайдо бўлди ва машҳур трио шаклланди: Валдано - Санчес - Бутрагуэно.
Мана шундай ҳужум билан Мадрид клуби 1985-1986 йилги мавсумда олти йиллик танаффусдан сўнг яна лига чемпионлигини қўлга киритди ва уни беш йил ушлаб турди.
Эктор Риаль
Жамоадаги йиллари: 1954-1961.
Кубоклар: тўртта ички лига чемпионлиги, бешта еврокубок, қитъалараро кубок.
Эктор "Реал Мадрид"га ёшлигидан таниш бўлган Альфредо ди Стефано туфайли келди. Сантяго Бернабеу ҳужумни кучайтирмоқчи бўлганида, ди Стефанодан кимни ҳамкори сифатида кўришни ҳоҳлашини сўраганида, Алфредо иккиланмасдан Риални танлаган.
У ишончнни оқлади ва дунёнинг энг яхши чап қанот ҳужумчиларидан бирига айланди. Риаль «Реал» сафида 167 та ўйин ўтказиб, 83 та гол урган. У Чемпионлар кубоги финалида икки марта гол урди - 1956 йилда у «Реймс»га қарши (4:3) «дубль» қилди ва икки йилдан сўнг «Милан» билан ўйинда ҳисобни тенглаштирди ва ўйинни қўшимча вақтга ўтказди, у ерда "Реал Мадрид" мағлуб бўлди.
Фернандо Редондо
Жамоадаги йиллари: 1994-2000 йиллар.
Кубоклар: иккита ички лига чемпионлиги ва Испания Суперкубоги, иккита Чемпионлар лигаси, Қитъалараро кубок.
1992 ва 1993 йилларда «Реал» кетма-кет икки марта чемпионликни қўлдан чиқарган, сўнгги турда «Тенерифе»га ютқазган. Мадридда улар муаммони тубдан ҳал қилишди - «Тенерифе»ни бошқарган Хорхе Вальдано "Реал Мадрид" мураббийлик курсисига таклиф қилинди, шу билан бирга улар канарейкалар етакчиси Фернандо Редондони қўлга киритишди.
Аргентиналик ярим ҳимоячи "Реал Мадрид" майдонининг марказини мустаҳкамлади ва 1994-1995 йилги мавсумда "Қироллик клуби" «Барселона»нинг чемпионатдаги беш йиллик гегемонлигини тўхтатди ва уч йилдан сўнг Чемпионлар лигасида узоқ кутилган ғалабани қўлга киритди. Кейинчалик Редондо "Реал Мадрид" сардори бўлди.
Альфредо ди Стефано
Жамоадаги йиллари: 1953-1964.
Кубоклар: саккизта ички лига чемпионлиги ва Испания кубоги, бешта еврокубок, қитъалараро кубок.
1950 йилларнинг ўрталарига қадар "Реал Мадрид" бор-йўғи иккита чемпионлик унвонига эга эди. Сантяго Бернабеу президентликка келганидан сўнг клуб буюк бўлди, унинг асосий хариди аниқ Альфредо ди Стефано.
Аргентиналик футболчи ўн йил давомида жамоа етакчисига айланди - у ҳужумларни бошлади, голли узатма берди ва гол урди. Ди Стефанонинг ўзига хослигини унинг "Реал Мадрид"нинг еврокубок финалларининг бештасида ҳам гол уриши тасдиқлайди. Ҳозиргача Альфредо Мадрид учун афсона бўлиб қолмоқда.
Миржалол Пардабоев таржимаси.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
