Биласиз, "Наполи"нинг Диего Марадона билан алоҳида уйғунлиги бор - стадион унинг номи билан аталган, ёдгорликлар очилган, унинг шарафига формалар чиқарилган, аммо энди клуб аргентиналик тимсолидан тижорат мақсадида фойдалана олмайди. Бунинг сабаблари бор.
Футболчининг меросхўрлари суд орқали клубга тақиқ эълон қилишди. Эслатиб ўтамиз: ўтган мавсумда "Наполи" ва Джорджо Армани EA7 бренди шу қадар яқин ҳамкорлик қилганки, улар 10 дан ортиқ тўпламларни чиқаришган эди. Улар орасида Марадона вафотининг бир йиллигига бағишланган махсус тўпламлар ҳам бор. Ноёб шакл учта рангда ва чекланган нашрда чиқарилди. “Наполи” 2021 йилнинг ноябрь ойини ушбу дизайннинг турли хил вариантларида ўтказди.
Футболкаларда Диегонинг юзи бармоқ изи шаклидаги қолипга бириктирилган. Маъноси - жамоанинг ҳар бир мухлиси генида Диего мероси мавжуд. Улар "Верона"га қарши ўйинда бу формада дебют қилишди. Бу “Интер”га қарши баҳсда ҳам давом этди. Хотира марафонини “Лацио”га қарши ўйин билан якунладилар. Жамоа бу билан тўхтаб қолмади - 2022 йил март ойида қизил версияли форма ҳам чиқарилди.
Хўш, муаммо нимада?
"Наполи" футболчиларнинг ҳуқуқлари ҳақида қайғурмади - клуб Марадона билан унинг ўлимидан бир неча ой олдин шартнома имзолаган бизнесмен Стефано Чечи билан келишиб олди. У расмни сотишдан олинган фойданинг 50 фоизига эгалик қилиш ҳуқуқига эга эди. Тўғри, Чечи "Наполи" билан атиги 22 500 евро эвазига шартнома тузди. Кейинчалик клуб олти мингта футболка сотилишидан 900 минг евро ишлаб олди.
Марадоналар оиласи ўтган йилги хотира футболкаларини қадрламаган. Афсонанинг болаларига ҳеч ким улар билан боғланмагани ёқмади ва Чечи ҳуқуқларни жуда арзон нархга сотди.
"Отам шарафига футболка чиқиши - бу ғурурдир, аммо "Наполи"нинг эътиборсизлигидан ҳафсалам пир бўлди", - дейди Диего Армандо Марадонанинг ўғли. “Биз, қонуний меросхўрлармиз ва бу ҳаракатдан четда қолдирилдик, ҳеч қачон бу тарздаги ўзбошимчаликка рози бўлмаганмиз. Шартномани отамнинг менежери Стефано Чечи имзолаган. Бундай рухсатномани фақат биз, меросхўрлар имзолашимиз мумкин”.
Оила судда клубдан 450 минг евро талаб қилди - бу клуб футболкаларда ишлаб топган 900 мингнинг ярми деганидир. Неапол суди якунда Марадонанинг меросхўрлари манфаатларига зарар етказган қарори учун Чечидан 150 минг евро ундирди. Энди Чечи имидж ҳуқуқлари бўйича келишувга эришишдан олдин футболчининг оиласи розилигини олиши керак бўлади.
"Наполи" ҳам бундан жабр кўрди ва барча маҳсулотларда Марадона суратидан фойдаланиши тақиқланди. Ўтган йилги коллекциялар аллақачон сотилган, аммо клуб бу мавсумда ҳам Диего сурати туширилган либос кийишни хоҳлашини эълон қилган эди. Кўринишидан, энди режалардан воз кечиш керак.
Ёки неаполликлар аргентиналикнинг оиласи билан келишиб бир қарорга келишига тўғри келади. Чунки афсонанинг сурати аллақачон ўтган йили клуб автобусига тушириб бўлинган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
