Бир футболчи ўз маҳоратига таяниб гол уриши жуда қийин, шунинг учун улар жамоадошларидан ёрдам излайдилар. Тўпни рақиб керакли нуқтага етказиш учун жамоага аниқ узатмаларнинг устаси бўлган футболчилар керак. Замонавий футболда техник ўйинчилар кўп, лекин баъзилари алоҳида ажралиб туради.
Келинг, бугунги кунда дунёнинг энг яхши бешта ассистентини кўриб чиқамиз:
Трент Александр-Арнольд (“Ливерпуль”)
Трент мавсумни яхши бошлагани йўқ, ҳимоядаги ўйини учун кўп танқидга учради.
Шунга қарамай, Трент Юрген Клопп жамоасида асосий ижодкор бўлиб қолмоқда. Футболчи узоқ масофаларга тўп узатишлар бўйича мутахассис, биз буни фақат энг элита ярим ҳимоячиларда кўришга одатланганмиз. Шунингдек, у ўйинни ўқиш учун ажойиб қобилиятга эга ва дунёдаги энг яхши ҳужумкор ҳимоячилардан биридир.
Тони Кроос ("Реал Мадрид")
Тони Кроос - "Реал Мадрид" ярим ҳимоясидаги "немис машинаси". Кроос - замонамизнинг энг техникали футболчиларидан бири. У тўпни узоқ масофага ҳам яқин масофага ҳас жуда аниқ ва енгил узатиб бериши билан ном қозонган. У ҳар доим тўп узатишга ҳаракат қилганда майдондаги бўш жамоадошини топа олади.
32 ёшли Кроос "Мадрид"нинг мавсум бошидан бери ўтказган 7 ўйинида 94,8% тўп узатиш аниқлигига эришди ва иккита голли узатмани амалга оширди.
Лионель Месси ("ПСЖ")
Лео ёшлигидан Хави ва Иньеста каби узатмалар усталари ёнида ўсди. У ҳозирги кунда бу кўникмалардан жуда моҳирона тарзда фойдаланяпти, десак муболаға бўлмайди.
Аргентиналик футболчи Ла Масианинг энг машҳур тарбияланувчиларидан бўлиб, сўнгги йилларда бироз тезликни йўқотган, аммо аниқликни эмас.
Лео плеймейкер ролига мослашди, унинг ўйинни кўриши ва аниқ пас бера олиши "ПСЖ" муваффақиятининг асосий сири.
Жорий мавсумда у "ПСЖ" сафида Лига 1 ва Чемпионлар лигасининг 10 та учрашувида 8 та голли узатмани амалга оширди.
Лука Модрич ("Реал Мадрид")
Лука Модрич сўнгги 14 йил ичида Лионель Месси ва Криштиану Роналдудан бошқа "Олтин тўп"ни қўлга киритган ягона футболчидир. Хорватия терма жамоаси сардори дунёнинг энг яхши ярим ҳимоячиларидан бири, шунингдек, энг яхши пас узатувчилардан бири.
Лука пас қанчалик имконсиз бўлиб туюлмасин, буни амалга оширади. Маестро чизиқ ораларида ўйнаш санъатини ҳам билади ва кўплаб ассистлар муаллифи ҳисобланади. Жорий мавсумда унинг Ла Лига ва Чемпионлар лигасида тўп узатиш аниқлиги 90,8 фоизни ташкил этади.
Кевин Де Брюйне (“Ман Сити”)
Кевин ярим ҳимоянинг исталган жойида ўйнай олади ва ҳужумчи ёки вингер каби самарали. У кутилмаган узатма билан бирданига бир нечта ҳимоячиларни ўйиндан чиқариб юборишга қодир.
Де Брюйне ҳозиргача энг яхши ҳужумкор ярим ҳимоячи. У ўз даврининг энг илғор футболчиларидан бири, унинг ёнида ҳар бир ҳужумчи ўзини эркин ҳис қилиши мумкин, Холанд бунга ёрқин мисол.
31 ёшли бельгиялик футболчи жорий мавсумда 9 ўйинда 8 та голли узатмани амалга оширди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
