Эрик тен Хаг "Манчестер Юнайтед" ҳужумчиси Маркус Рэшфордни мақтади.
“Унинг иқтидорли эканлиги дарҳол маълум бўлди. У билан ишлаш имконига эга бўлганимдан жуда хурсандман. Унинг ўйинга қандай таъсир қилиши мумкинлигини аллақачон билардим. Унинг салоҳияти бор. Буни ҳар бир учрашувда, унинг майдонда қабул қилаётган ҳар бир қарорида кўриш мумкин.
Маркус яхшироқ ўйнай бошлаганидан жуда хурсандман ва ундан худди шу руҳда давом этишини кутаман. Биз бунга ижобий муносабатдамиз. Кейинчалик нима бўлишини кутишимиз керак.
Мен унга: "Мен ҳар куни табассумингни кўришни хоҳлайман", дедим. Биз яхши машғулотлар тайёрлаяпмиз, кейин ҳаммаси футболчига боғлиқ. Қачонки сиз машғулотлардан завқлансангиз ва бор кучингизни берсангиз, албатта, яхшироқ ўйнай оласиз”, - деди “Манчестер Юнайтед” бош мураббийи.
Рэшфорд жорий мавсумда “Манчестер Юнайтед” сафида 6 та ўйинда 3 та гол урди ва 2 та голли узатмани амалга оширди. Ўтган мавсумда у жамоа сафида барча мусобақаларда 32 ўйинда 5 та гол урган.
Матнда хатолик топсангиз, ўша хатони белгилаб, бизга жўнатинг (Ctrl + Enter).