Ўтган дам олиш кунлари Криштиану Роналду яна ўзини ҳаммага эслатиб қўйди: "Эвертон"га қарши Премьер-лигадаги жорий мавсумдаги дебют голи унинг клуб даражасидаги 700-юбилей голга айланди. 37 ёшида Англиянинг энг кучли клубларининг бирида асосий таркиб учун курашни давом эттираётган буюк футболчини ҳурмат қилишга яна бир сабаб. Аммо буларнинг барчаси Криштианунинг ҳақиқий ҳолатини баҳолашда фикрни хиралаштирмаслиги керак.
Роналдунинг тен Хаг қўл остидаги муаммолари ҳақида жуда кўп мақолалар ва хабарлар ёзилган. Криш прессингда етарлича фаол эмас, қанотда керакли миқдордаги ютуқларни бера олмайди ва ҳаракатчанлик борасида ҳужум марказидан жой учун курашда Решфордга ютқазади. Ва ёзда "Манчестер Юнайтед"ни тарк этиш истаги ҳақидаги ҳикоя португалияликнинг позициясига устунлик қўшмади. Manchester Evening News нашрининг ёзишича, Криш клубдан трансфер ҳақидаги илтимосини қайтариб олмаган. Демак, унинг нияти ўзгармаса керак.
Роналду юбилей голини урди, бу ажойиб. Лекин, аслида, бунгача у захирада бошлаган АПЛда кетма-кет 5та ўйин ўтказган ва мавсумнинг 10та ўйинида атиги 2та гол ва 1та голли узатмани амалга оширган. 37 ёшли футболчи учун ёмон статистика эмас, лекин, бу жаҳон юлдузининг мақоми ва маошига тўғри келмайди. Роналду “Манчестер Юнайтед” билан қишки трансфер ойнасига катта савол билан яқинлашмоқда, яъни у жамоа билан ҳамкорликни давом эттирадими?
"Манчестер Юнайтед" билан ҳаммаси озми-кўпми аниқ бўлиб улгурган. Daily Star хабарига кўра, қишда клуб португалиялик билан 11 миллион евро эвазига хайрлашишга тайёр. Эрик тен Хагнинг айтишича, у Роннии сақлаб қолишни хоҳлайди, аммо бу баҳсли ҳолатни кучайтирмаслик учун мураббийларнинг одатий иборасига ўхшайди. Ҳа, ва Криштианунинг кетиши клубга янги келганлар учун иш ҳақи бюджетини жиддий равишда туширишга имкон беради. Албатта, Роналду ротацияда бўлган ҳолда ҳали ҳам фойдали бўлишга тайёр ва эҳтимол бир мавсумда 10 та гол уриши мумкин. Бу солиқларни ҳисобга олмаганда 31 миллион еврога тенгми, деган савол туғилади.
Аммо Роналдунинг ўзи учун дилемма янада жиддийроқ. Танлов оддий топ-клуб таркибидаги жой учун курашиш ёки бошқа клубга ўтиб фаолиятини чиройли тугатиш. Миш-мишларга кўра, Девид Бекхэм Криштиануни АҚШга чорламоқда ва уни ўзининг "Интер Маями"сида ўйнатмоқчи. Бу вазиятда маош борасида Роналдунинг фойдасига қарор қилинади ва ҳатто ҳозирги иш ҳақидан кўпроқ пул таклиф қилинган йилига 34 миллион евро. Албатта, Роналдунинг Европада қолиши мумкинлигини инкор этиб бўлмайди. Масалан, журналистлар Тодд Боэли қишда Криштиану билан шартнома имзолашни хоҳлаётгани ҳақида ёзишмоқда, аммо бу кўпроқ спорт ютуқларини эмас, балки клубнинг тижорат кўрсаткичидаги яхшилашга бўлган уринишга ўхшайди.
Бу орада португалиялик дунёнинг энг яхшиларидан бири мақомини йўқотмоқда. Уэйьн Руни тўғридан-тўғри Роналду энди 22 ёшидагидек эмаслигини, Кассано Криш фаолиятини якунлаш вақти келганига ишончи комил, Қатардаги жаҳон чемпионати ташкилотчилари эса уни 32 та энг яхши футболчилар рўйхатига киритмасликка қарор қилишди.
Келгуси ойларда Роналду фаолиятини қандай якунламоқчи эканлигини ҳал қилиши керак. Бу ажойиб ҳикоя гўзал нуқтага лойиқдир. Криштиану фаолиятининг чўққисида кетмасликка қарор қилди, унинг энг яхши формаси ўтмишда қолди. Лекин ҳеч нарса унга Ибрагимович каби футболчи сифатидаги сўнгги кунгача топ-клубнинг марказидан жой учун курашишга тўсқинлик қилмайди. Савол шундаки, унга бу керакми?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
