Кеча Осиё футбол конфедерацияси бош котибининг ўринбосари, футбол федерациялари ва ҳудудий ассоциациялар билан ишлаш департаменти директори Воҳид Кардани бошчилигидаги ОФК вакиллари Ўзбекистон футбол ассоциациясида меҳмон бўлиб, ЎФА раҳбарияти билан учрашишди. Учрашувда ОФК ҳамда ЎФА ўртасидаги ўзаро ишончга асосланган кенг қамровли ҳамкорликни янада ривожлантириш ва мустаҳкамлаш юзасидан фикр алмашилди.
Дастлаб Ўзбекистон футболида амалга оширилаётган ислоҳотлар ва ўзгаришлар, қўлга киритилаётган сезиларли ютуқлар ҳақида сўз юритилди. ЎФА ҳамда ОФК ўртасидаги ўзаро ҳамкорлик муносабатлари ишонч ва ҳурмат асосида қурилган эканлигини алоҳида таъкидланди.
ЎФА биринчи вице-президенти Равшан Ирматов Осиё футбол конфедерацияси билан яқин ҳамкорликда кенг кўламли ҳамкорлик дастурлари ва лойиҳаларини амалга оширилишдан ҳар доим мамнун эканлигини айтди:
“ОФК билан ҳамкорлигимиз янги босқичга чиқаётганидан хурсандмиз. Ўзбекистонда футбол ривожига катта эътибор қаратилади ва мухлислар учун ҳам футбол биринчи рақамли спорт тури ҳисобланади. Юртимиз жамоатчилиги Осиёнинг бир нечта муҳим турнирлари мезбонлигини катта хурсандчилик билан қабул қилди. Бу тажриба келажакда қитъа миқёсидаги ҳар қандай мусобақаларни юқори савияда ташкил этишимизда биз учун катта имконият тақдим этади. Бу борада мусобақалар географиясини ошириб бормоқдамиз. Ҳудудлардаги инфратузилма эса халқаро стандартларга мувофиқлаштириляпти. Ишонамизки, кейинги йилнинг март ойида бўлиб ўтадиган U-20 Осиё кубогини ҳам кўтаринки руҳ ва юқори савияда ўтказамиз”, деди Ирматов.
Ўз навбатида Воҳид Кардани юртимизда футболни ривожлантириш, инфратузилмасини яхшилаш, терма жамоалар учун зарур шароитлар яратиш борасида амалга оширилаётган ишларни юқори баҳолаб, Ўзбекистон Осиёда ОФКнинг энг ишончли ҳамкорларидан эканини эътироф этди.
Бундан ташқари, суҳбат давомида оммавий футбол, аёллар футболи ва ОФКнинг таълим йўналишига оид лойиҳалари юзасидан фикр алмашилди. Дастурларга ўзбекистонлик мутахассисларни жалб қилиш таклифи илгари сурилди. Шунингдек, Марказий Осиё минтақасида футболни янада ривожлантириш масаласида маълумот алмашилди.
ОФК вакиллари ўзбекистонлик футболчиларнинг халқаро майдондаги иштирокларини юқори баҳолаб, футзал бўйича бронза медалини қўлга киритган Ўзбекистон футзал миллий терма жамоаси ва Жаҳон чемпионати совриндори Ўзбекистон ампутантлар терма жамоасининг натижасини эътироф этди ҳамда жамоаларимизга кейинги турнирларда ҳам омад тилади.
Учрашув самимий ва конструктив руҳда ўтди ва томонлар ҳамкорликни кенг қамровда давом эттиришга келишиб олишди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
