ХХI асрнинг асосий футбол баҳси ким яхшироқ, Месси ёки Роналду? Кўпчилик аргентиналикни нафақат оёқларидаги сеҳри, балки камгаплиги туфайли ҳам яхши кўради: ғазабланган Криштиану камтарона Леога қараганда тез-тез жанжаллашади.
Бироқ, баъзида Месси ҳақида унчалик ёқимли бўлмаган фактлар пайдо бўлади. Улардан бири унинг таржимаи ҳолида "Реал Мадрид"нинг собиқ захира дарвозабони Ержи Дудек томонидан таъкидланган. Польяк 2007 йилдан 2011 йилгача Мадрид клубида тўп тепган ва «қаймоқранглилар» таркибида бор-йўғи 12 та ўйин ўтказган, аммо, афтидан, у кўп нарсани эшитган.
Дудек Месси, Роналду ва Мадриднинг яна бир афсонаси Раулга қисқача таъриф берди. Агар кўп одамлар Кришнинг агрецияси ҳақида аллақачон билган бўлса, Лео унинг олдида кўпинча "оппоқ" кўринган.
Криштиану ва Раул ҳақида: “Раул жуда такаббур, лекин умуман олганда оддий йигит. Криштиану жуда эгосентрик ва ғалаба қозониш истагида ёнадиган футболчи. Ишончим комилки, у иштирокисиз 5:0 ҳисобидаги ғалабадан кўра 1:0 ҳисобидаги ғалаба ва ўша голни ҳам ўзи уришини афзал кўрган бўларди. Агар бу омилни инобатга олмасангиз, Криштиану ҳам оддий йигит, лекин мен уни ташқаридан турлича гапиришлари мумкинлигини тушунаман.
Месси ҳақида: “У ўзини жуда провокацион тутади, худди Хосеп Гвардиола ва мен уларга қарши ўйнаган пайтларимдаги бутун «Барселона» каби. Улар ҳар доим бизни безовта қилишга тайёр эдилар ва кўпинча улар муваффақиятга эришдилар. Мен Мессининг Пепе ва Серхио Рамосга нисбатан жуда қўпол сўзларни айтганини кўрганман ва эшитганман. Шу даражадаги қўпол сўзлар Месси каби хотиржам футболчининг оғзидан чиққанига ишонгингиз келмайди».
Албатта, бу 2011 йилдан кейин, Дудек Мадридни тарк этганидан кейин ҳам давом этган. Шундай ҳолатлардан бири 2017 йилнинг ёзида оммавий ахборот воситаларида кенг ёритилди. Месси жарима зарбасини тепишга ҳозирлик кўраётганди, бироқ Рамос тўпни унга оширмади. Шунда Лео Серхиони қўпол сўзлар билан ҳақоратлади.
Дарвоқе, Лео нафақат «Реал» футболиларини ҳақоратлаган. Қуйида Месси ўз ҳурматини йўқотган яна бир-нечта эпизод:
«Ливерпул»нинг собиқ ҳимоячиси ва британиялик телеэксперт Жейми Каррагер: "Эфирларнинг бирида мен Мессининг трансфери «ПСЖ» учун яхши сармоя эмаслигини айтдим. Шундан сўнг мен ижтимоий тармоқларга кириб, Лионелдан хабарни кўрдим. Мен матнни тўлиқ келтирмайман, лекин у мени хайвон деб атади. Лео, сен тарихдаги энг буюк футболчисан, сен билан солиштирганда, мен майдонда хайвон бўлишим мумкин. Гапларингдан хафа бўлмайман”.
«Малага»нинг собиқ ҳимоячиси Велингтон: Месси мени жуда ёмон сўзлар билан хақорат қилган. Шунинг учун мен унинг оғзини ёпмоқчи бўлганман”.
Месси «Барселона»нинг «Реал»га қарши ўйинида Алехандро Хосе Эрнандес ҳакамига: “Сен ахмоқсан! Сен ҳар доим шундай қиласан, ахмоқ. Биз лигада ғалаба қозониб бўлдик ва энди бу ўйинни уларга олиб беришинг шарт эмас”.
Месси «Атлетик» футболчисига ҳам жуда қўпол сўзлар билан мурожаат қилган.
Месси - «Гимнастика» футболчиси Рибельесга: "Мени тепишни бас қил, аҳмоқ".
Тўғри бундай холатлар ҳар қандай футболчида учрайди. Аммо Лео ёки Криштиану каби юлдуз футболчиларнинг гап-сўзлари дарров омма эътиборига тушиб, уларнинг "хейтер"ларига ас қотади. Бундай воқеалар футболчиларнинг буюклигига жиддий таъсир ўтказмайди. Ўйиндаги воқелик кутилмаган ҳодисаларга сабаб бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
