Бизга маълум бўлишича, Ўзбекистон миллий терма жамоаси аъзоси Улуғбек Бақоев иккинчи давра бошидан “Насаф” жамоаси сафида фаолият кўрсатиши мумкин.
Ҳа, “Насаф” жамоасида ҳам ўз олдига ҳужум чизиғини янада кўчайтиришни асосий мақсад қилиб қўйган кўринади. Бизга маълум бўлишича, “Насаф”нинг ҳужум чизиғида фаолият кўрсатган бир нечта ўйинчилар жамоани тарк этиши мумкин. Шунинг учун “Насаф” жамоаси бош мураббийи Усмон Тошев ушбу ҳужумчилар ўрнига бошқа ҳужум чизиғида ўйнадиган футболчиларни қидираётганига ўхшаяпти. Энди “Бухоро” футбол мактабининг тарбияланувчиси Улуғбек Бақоев “Насаф” жамоаси аъзосига айланиши мумкин. Эслатиб ўтамиз, ушбу хабар “Насаф” ПФК томонидан расман эълон қилинмаган.
Ўйинчи ҳақида умумий маълумотлар:
Исми шарифи: Улуғбек Истамович Бақоев
Тўғилган санаси: 28 ноябрь 1978 йил
Тўғилган жойи: Бухоро шаҳри
Дастлабки ўқув юрти: Бухоро болалар ва ўсмирлар мактаби тарбияланувчиси
Профессионал карьераси: катта футболда фаолиятини 1996 йил “Бухоро” футбол жамоасида бошлаган, кейин Москванинг “ЦСКА”, «Торпедо-ЗИЛ» (ҳозирги «Москва» ФК), Нижнекамск шаҳрининг “Нефтехимик” жамоаларида ўйнаган. 2004-2007 йиллар Қозоғистоннинг “Тобол” жамоасида ўйнаб бир мавсумда 22 та гол урган, 2008-2009 йиллар Тошкентнинг “Қурувчи” (ҳозирги “Бунёдкор”) жамоаси таркибида бўлган, бу жамоада ҳужум чизиғида кучли рақобат бўлгани учун бор йўғи 5 ўйинда майдонга тушган ва кейин Самарқанднинг “Динамо” жамоасига кўчиб ўтган. Сўнгра ушбу ўйинчи яна Қозоғистоннинг “Тобол” жамоасига ўтган ва 16 марта дарвозаларни ишғол этиб, бомбардир бўлган. 2011 йили Қозоғистоннинг энг яхши ўйинчиси деб тан олинган. 2011 йили январ ойидан яна бир Қозоғистоннинг жамоаси “Жеттису” жамоасига ўтади. Ушбу жамоа сафида 29 ўйинда майдонга тушиб, 18 марта гол муаллифи бўлган. 2011 йили октябрь ойида БААнинг “Дубай клуб” жамоаси билан шартнома имзолаган. Ушбу жамоа сафидаги фаолиятидан сўнг у яна Қозоғистонга қайтиб келади.
Улуғбек Бақоев ҳозирги пайтда Павлодарнинг (Қозоғистон) “Иртиш” жамоаси ва Ўзбекистон миллий терма жамоаси аъзоси ҳисобланади. Эсингизда бўлса, 2011 йили бўлиб ўтган Осиё Кубоги мусобақаларида бир ўйинда 2 марта гол муаллифи бўлиб, миллий терма жамоамизнинг Иордания устидан эришган ғалабасига катта ҳисса қўшган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
