Ноябрь ойида кўплаб жамоалар жаҳон чемпионатига тайёргарлик кўраётган бўлса, Россия терма жамоаси Тожикистонга қарши ўртоқлик ўйини ўтказади - РФУ келишувни эълон қилди.
Ўйин 17 ноябрь куни Душанбе шаҳридаги “Марказий Республика” стадионида бўлиб ўтади.
Эрон ва Боснияга қарши Россия майдонга тушиши керак эди. Уларга нима бўлди?
Уларнинг амалга ошиши даргумон. Бекор қилиш расман эълон қилингани йўқ, аммо ҳамма нарса шунга қараб кетмоқда. Sport-express бу муаммони шундай тушунтиради:
• Жаҳон чемпионати олдидан Эроннинг тақвими жуда тиғиз – улар мусобақа олдидан терма жамоани зўриқтирмасликка қарор қилишди;
• Босния ва Герцеговина жавобни кечиктирмоқда. Босния футбол федерацияси ижроия қўмитасининг ўйин бўйича қарор қабул қиладиган йиғилиши фақат 31 октябрь куни бўлиб ўтади.
Босниялик етакчи футболчилар, жумладан Миралем Пянич 19 ноябрь куни Санкт-Петербургда ўтказилиши режалаштирилган ўртоқлик учрашувига қарши чиқишди.
Эҳтимол, Босния ўрнига бошқа рақиб танланади – ҳозирча Ўзбекистон асосий номзод деб қаралмоқда, деб хабар берди Metaratings. Тахминий сана ва учрашув жойи 20 ноябрь Тошкентдаги «Пахтакор» стадионида бўлиши мумкин.
Тожикистон терма жамоаси савияси ҳақида.
Тожикистон ФИФА рейтингида 108-ўринни эгаллаб турибди. Таққослаш учун: Қирғизистон (ҳозирча Россияга 2022 йилдаги ягона учрашувда майдонга тушган жамоа) 95, Ўзбекистон 77-ўринда.
Бошқа томондан, ЖЧ-2022 саралашида Тожикистон терма жамоаси қирғизлардан яхшироқ ўйин кўрсатди. Иккала жамоа ҳам бир гуруҳдан жой олганди: тожикистонликлар Япониядан сўнг, иккинчи ўринни эгаллади.
Аммо иккинчи ўриндаги учта энг ёмон жамоалар орасида бўлгани учун якуний саралаш босқичига йўл олмади. Дарвоқе, Ўзбекистон ҳам ўз гуруҳида иккинчи бўлди ва саралашдан қуруқ қолди.
Россиянинг бўлажак рақиби ҳали Осиё кубокларида ўйнамаган. Аммо ёзда у саралашдан муваффақиятли ўтди: Қирғизистон, Мянма ва Сингапур билан бир гурухдан жой олиб ғолиб чиқди. Демак, келаси йили жамоа тарихдаги илк йирик турнирда иштирок этади.
Муваффақият муаллифини мураббий деб аташ мумкин - 56 ёшли хорватиялик келиб чиқиши немис бўлган Петар Шегрт. У Германияда катта ном қозонмаган, фақатгина Клаус Топмеллернинг ёрдамчиси бўлиб ишлаган («Байер»нинг собиқ мураббийи - 2002).
Сўнгги йилларда Шергт Осиёда мураббийлик қилган: аввал Индонезия клубларида, кейин Афғонистон ва Мальдив ороллари терма жамоаларида (у билан Жанубий Осиё футбол федерацияси кубогида ғолиб чиққан). Тожикистонни 2022 йилнинг январига қадар ўзбекистонлик мураббий Усмон Тошев ўрнига бошқарган.
Сентябрь ойида яна бир яхши натижа қайд этилди – Тожикистон терма жамоаси Таиландда қирол кубогини қўлга киритди. Тринидад ва Тобаго ҳамда Малайзияни мағлуб этди.
Асосан Тожикистон терма жамоаси футболчилари маҳаллий чемпионат ёки Ўзбекистон суперлигасида тўп суради. Баъзан улар Эрон ёки собиқ МДҲ мамлакатларидаги клубларга ташриф буюришади. Масалан, Шахрон Самиев (Беларуснинг «Торпедо-БелАЗ»да пайдо бўлган) ва «Краснодар-2»дан ёш Алижони Айний бор.
Аммо бундан ташқари яна бир нечта лигеонерлар ҳам мавжуд. Мисол учун, ҳимоячи Сиявуш Асроров Бангладешда, ярим ҳимоячи Амирбек Жўрабоев эса "Филиппин Юнайтед"да тўп суради.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
