Ўн учта ўйин, ўн уч гол. “Торино” чемпионатнинг биринчи даврасида ўртача кўрсаткичдан ҳам ёмон ўйин намойиш қиляпти. Шу сабабли, қишки трансфер бозорини инобатга олган ҳолда, “анорранглилар” раҳбарияти бош мураббий Юричга яхши футболчиларни сотиб олиб бериш ҳақида ўйламоқда. Ва ўйланган трансфер узоқда эмас, айнан Италиянинг ўзида.
Шомуродов Туринга кетадими?
Tuttosport хабарига кўра, январ ойида “Торино” яна Элдор Шомуродовни ўз сафига қўшиб олишга уриниб кўради. Ўтган ёзда ҳам спорт директор Вагнати уни Римдан чақириб олишга уриниб кўрди, аммо шартнома борасида бўйича келишув якунланмай қолди: турикликлар уни бир мавсумга ижара олишмоқчи эди, римликлар эса тўлиқ трансферни расмийлаштирмоқчи эди. Охир-оқибат, ўзбекистонлик футболчига А Сериядан бошқа таклифлар бўлганига қарамай, у пойтахтда қолди. Шу ҳафтадан сўнг жаҳон чемпионати учун танаффус бошланади, яъни мусобақада қандай давом этишни аниқлаш учун вақт етарли бўлади. Яъни Юрич жамоасини кучайтириш учун марказий ҳужумчи олиб келиш учун ажойиб вақт келади.
Шомуродов Турин клубида ўйнаса, ўзи учум ҳам яхши бўлади, дейиш мумкин. Чунки янги мавсумда у деярли "Рома" таркибида майдонга туширилмай қўйди. Ҳар ҳолда терма жамоамиз сардори захира ўриндиғида эмас, майдонда тер тўкиши фойдалироқ бўларди.
Турин клубининг ҳозирги ҳужуми чизиғини ҳеч қандай ҳолатда ҳам мукаммал, деб бўлмайди. Пеллегри ва Санабрия марказий ҳужумчилар сифатида кўп нарсага қодир эмаслиги жамоанинг ўйинларини кузатган мухлисларга маълум бўлиши керак. Шу сабабдан жамоада ҳужумкор ярим ҳимоячиларнинг яхшироқ ўйин кўрсатиши бежиз эмас. Биринчи ўринда Влашич, кейин Миранчук, кейин эса Радонич.
Демак, туринликларга иқтидорли, муҳим вазиятларда гол ура оладиган ҳужумчи керак. Шомуродов "Торино"га муносиб ўйинчи бўлиш учун барча хусусиятларга эга. У соф ҳужумчи ёки ёлғон тўққизлик позицияларида бемалол ҳаракат қила олади. Биз буни "Ростов" ва "Женоа"даги ўйинлар орқали ҳам кўрганмиз. Шомуродов Римда қолиб ўз вақтини кутадими ёки бошқа клубга кетадими, буни тез орада билиб оламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
