Премьер-лигада интригалар жуда кўп. Шулардан бири, шубҳасиз, мавсум давомида энг кўп гол урган футболчига тақдим этиладиган "Олтин бутса" совринидир. Бунга эришиш мақсадида АПЛ ҳужумчилар қарийб 10 ой мобайнида тинмай ҳаракат қилишлари керак. Яқин тарихда ушбу мақомга Муҳаммад Салоҳ, Сон, Роналду, Кейн ва Обамеянг каби юлдузлар эриша олган. Хўш, янги мавсумнинг бу фронтида ишлар қандай кетмоқда?
Кўпчилик бу йил ҳам "Ливерпуль" юлдузи Муҳаммад Салоҳнинг "Олтин бутса" учун даъвогарлик қилишини тахмин қилган эди. Аммо амалда бу эҳтимол унчалик ҳам тўғри бўлиб чиқмади. Салоҳ бу мавсумда катта рақобатга дуч келди. Ҳозир "Манчестер Сити"нинг янги гол машинаси бўлган Холанд, "Тоттенхжм" юлдузи Харри Кейн ва Сон, шунингдек, "Арсенал" ҳужумчиси Габриэл Жезуслар тўпурарлик учун асосий номзодлар саналади. "Ливерпуль" бу мавсумда Дарвин Нуньесни олиб келди. У ҳам "Олтин бутса"га эга чиқишни истайди. Хуллас, номзодлар талайгина. Уларнинг ҳар бири жиддий номлар.
Демак, мавсумнинг айни ҳозирги қисмига келиб, тўпурарлар жадвали қуйидагича кўриниш олди:
1. Эрлинг Холанд ("Манчестер Сити") - 18
2. Харри Кейн ("Тоттенхэм") - 11
3. Айван Тоуни ("Брентфорд") - 10
4. Александр Митрович ("Фулхэм") - 9
5. Родриго Морено ("Лидс") - 9
6. Мигель Альмирон ("Ньюкасл") - 8
7. Леандро Троссард ("Брайтон") - 7
8. Роберто Фирмино ("Ливерпуль") - 7
9. Фил Фоден ("Манчестер Сити") - 7
10. Жеймс Меддисон ("Лестер") - 7
11. Муҳаммад Салоҳ ("Ливерпуль") - 6
12. Мартин Эдегор ("Арсенал") - 6.
АПЛнинг ўтган ҳафта бўлиб ўтган баҳсларида "Брентфорд" ҳужумчиси Тоуни "шаҳарликлар" дарвозасига 2 та тўп киритди. Шунингдек, рўйхатда номлари келтирилган Кейн, Морено, Фирмино, Фоден ва Меддисонлар ҳам биттадан гол уришга муваффақ бўлган. Қолаверса, "Арсенал" Мартин Эдегорнинг дубли эвазига ўзининг етакчилигини янада мустаҳкамлаган ("Вулверхэмптон"га қарши).
Ўтган мавсум сўнгида Сон ва Салоҳ турнирнинг энг яхши тўпурари мақомини олиб, "Олтин бутса"га эришган. Тақдирлаш маросимидан кейин Сон шундай деганди:
"Жамоадаги ҳар бир футболчи мени қўллаб-қувватлаб турди. Улар доимо менга ишонишини айтишади. Мен ўйинларда қулай вазиятларни кўкка совуришим мумкиндир. Лекин қийин вазиятларни омадли якунлайман. Бугунги соврин ёлғиз менинг эмас, бутун жамоанинг саъй-ҳаракатлари сабабли қўлга киритилди. Уларсиз ҳеч нарса қила олмасдим. Жамоадошларимни жуда ҳам қадрлайман. Ўйлайманки, бу ҳали ҳаммаси эмас".
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
