Футболда рекордлар кўп қайд этилади. Айрим кўрсаткичларни янгиласа ёки бузса бўлади. Аммо шундай статистикалар ҳам борки, уни такрорлаш тугул, янгилаш ҳам имконсиздек туюлади. Қуйида мундиаллар тарихидаги бир нечта рекордлар ҳақида сўз боради.
Бир ўйинда энг кўп гол урган – Олег Саленко (5 та)
Бутун фаолияти ва машҳурлиги фақат битта ўйинга боғлиқ бўлган футболчилардан бири Олег Саленко эди. У дастлаб, Совет Иттифоқи шарафини ҳимоя қилади. Давлат парчалангач эсая бир муддат Украина термасида ўйнайди. Саленко 1994 йилги АҚШдаги мундиалга яна руслар байроғини тақиб боради. У Камерунга қарши баҳсда 5 та гол уриб, янги рекордга муаллифлик қилган. Саленко жамоаси гуруҳда қолиб кетиб, лекин Жаҳон чемпионати тўпурари бўлган тарихдаги илк ва сўнгги футболчи эди.
Энг қария гол муаллифи – Роже Милла (42 ёш, 39 кун)
Милла ҳам Россия ва Камерун ўйинида майдонга туширилган эди. Аммо унинг голи 4 йил олдин урилган. У 1990 йилда, 38 ёш-у, 34 кунлигида Колумбия билан баҳсда гол киритган. Ҳозиргача, ҳеч ким, ҳаттоки, Криштиану Роналду ҳам бу рекордни янгилай олгани йўқ.
Энг қария ўйинчи – Эссам Ал-Хадори (45 ёш, 161 кун)
Миллани энг қария футболчи экан деб ўйласангиз, адашасиз. Ундан ҳам қария футболчи мавжуд. У Миср терма жамоаси дарвозабони Ал-Хадоридир. Дарвозабон ўзининг профессионал фаолиятини, Милла 1994 йилда рекорд ўрнатганда бошлаган. У 2018 йилда терма жамоа сафида ўзининг 159 ўйинини ўтказиш билан рекорд ўрнатганди.
Энг кўп вақт давомида майдонда бўлган – Паоло Мальдини (2216 дақиқа)
Гарчанд тарихда кўплаб футболчилар Жаҳон чемпионатига Мальдинидан кўра кўпроқ чиққан бўлсада, уларнинг ҳеч бири италиялик ярим ҳимоячи каби майдонда кўп ҳаракат қила олмаган. Паоло Мальдининг бу борадаги энг яқин таъқибчиси бўлган Лотар Маттеусдан 171 дақиқага кўпроқ кўрсаткичга эга. Кучли бешликда Роналду (1644) ва Месси (1625) ҳам бор. Мальдини эса 1990, 1994, 1998 ва 2002 йилги мундиалларда қатнашган эди.
Турнир финалининг энг ёш гол муаллифи – Пеле (17 ёш, 249 кун)
Пеленинг Жаҳон чемпионатлари билан бўлган муносабатлари жуда ҳам яхши. У бу турнирда энг ёш тўпурар, энг ёш хет-трик муаллифи ва энг ёш ассистент футболчига айланган. Шунингдек, бразилиялик афсона учта Жаҳон чемпионатида ғалабага эришган ёлғиз футболчидир. Бу рекордни бузиш эса имконсиз ишдир.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
