2022 йил – Хоакин Месси
Ҳа, бу унинг ҳақиқий исми. 19 ёшли аргентиналик футболчи шундай деб номланади. У Лионель Мессининг собиқ клуби "Олд Бойз"нинг ёшлар жамоасида ҳаракат қилади. Хоакин у ерда 10 рақамни олган. Унинг айтишича, агарда Месси бир куни ўз жамоасига қайтгудек бўлса, унга 10 рақамни қайтариб беради. Янги Месси ҳозирча асосий жамоада дебют қилмади. Аммо унинг келажаги ёрқин бўлиши кутилмоқда.
2021 йил – Ансу Фати
Фати "Ла Масия"дан чиққан. У илк бор "Барселона" сафида 2019-2020 йилги мавсумда ҳаракат қилганди. Ўшанда ёш ҳужумчи 33 та баҳсда 8 та гол урган. Кейинги йили эса у учун катта ўсиш даври бўлди. Фати Испания терма жамоасига чақирилди. У "Барса"да Мессининг рақамини олди. Айни дамда Хави Фати билан янги давр бошлашга ҳаракат қилмоқда.
2020 йил – Дарио Сармьенто
Сармьенто Мессининг ватанида таваллуд топган. У 16 ёшида "Эстудиантес" клубида дебют қилади. Дарионинг дрибблинг қобилияти кўпчилик учун ҳайратланарли ҳолат эди. Сармьенто 2021-22 йилги мавсумни "Жирона"да ижара асосида ўтказди. Ундан олдин эса "Манчестер Сити" томонидан сотиб олинганди. Айни дамда эса "ёш Месси"нинг жойи Уругвайнинг "Монтевидео Сити" клубида.
2019 йил – Тьяго Альмада
Альмада 2019 йилда "Манчестер Сити" устози Пеп Гвардиоланинг назарига тушади. Чунки унинг ўйинлар ўта ёрқин эди. Аргентиналик ҳужумчи "Аталанта Юнайтед" таркибига қўшиб олинади. У бу орқали МЛС тарихидаги энг қиммат футболчига айланди. Альмада ўзининг биринчи мавсумида 7 ўйинда 2 та гол уришга эришган.
2018 йил – Пьетро Пеллегри
2017 йилнинг май ойида "Женоа"нинг 16 ёшли футболчиси ХХI асрда туғилиб, А серияда гол урган илк футболчига айланади. Унинг исми Пеллегри эди. Ўшанда "Женоа" раҳбари "бизда энди янги Месси бор" деганди. 2018 йилда италиялик талант "Монако"га трансфер қилинади. 25 миллион фунтга сотилганига қарамасдан, Пеллегрининг Франциядаги ишлари жароҳат сабаб юришмади. Бир муддат "Милан"да тўп сурган ҳужумчи, айни дамда "Торино" сафида ҳаракат қилмоқда.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).