6 декабрь куни Қатарда бўлиб ўтаётган жаҳон чемпионатининг 1/8 финал босқичи ўйинлари якунланди ва Five Thirty Eight суперкомпьютери жаҳон чемпионати учун курашда жамоаларнинг имкониятларини баҳолашда давом этади. Эслатиб ўтамиз, компьютер жамоаларнинг ҳужум ва ҳимоядаги кучини акс эттирувчи Soccer Power Index деб аталадиган кўрсаткичга асосланади. Жаҳон чемпионатининг чорак финалига саккизта жамоа чиқди: Нидерландия, Аргентина, Франсия, Англия, Хорватия, Бразилия, Марокаш ва Португалия. Суперкомпьютерга кўра, ғалабага асосий даъвогарлар бразилияликлардир.
1. Бразилия – 33%
1/8 финалда пентакампеонлар Жанубий Корея терма жамоасини 4:1 ҳисобида мағлуб этишди. Гуруҳ босқичида бразилияликлар олти очко жамғаришди: улар Сербия (2:0) ва Швейцарияни (1:0) мағлуб этишди, сўнгги турда Камерунга (0:1) имкониятни бой беришди.
2-3. Португалия - 14%
Плей-оффнинг биринчи ўйинида асосий таркибда Криштиану Роналдусиз Португалия терма жамоаси Швейцарияни янчиб ташлади - 6:1. Гуруҳ босқичини пиренейликлар иккита ғалаба билан бошладилар - Гана (3:2) ва Уругвай (2:0), шундан сўнг муддатидан аввал 1/8 финал йўлланмасини қўлга киритиб, Жанубий Корея термасига имкониятни бой беришди. (1:2).
2-3. Англия - 14%
Футбол юрти вакиллари Сенегални 3:0 ҳисобида мағлуб этиб, 1/8да ҳеч қандай муаммога дуч келишмади. Гуруҳда ҳам рақибларидан яққол кучлироқ бўлиб, тўққизта имкониятдан етти очко жамғарган.
4. Аргентина – 13%
Плей-оффнинг биринчи ўйинида Лионел Скалони шогирдлари Австралия термасидан кучлироқ эди – 2:1. Аргентина турнирни Саудия Арабистонидан сенсацион мағлубият (1:2) билан бошлаган бўлса, кейинчалик гуруҳдаги қолган ўйинларда - Мексика ва Полша устидан бир хил 2:0 ҳисобида зафар қучди.
5. Франция – 12%
1/8 финалда амалдаги жаҳон чемпионлари полшаликларни ишончли тарзда мағлуб этишди (3:1). Франция гуруҳдан муддатидан аввал чиқди. Дастлабки икки ўйинда Дидье Дешам Австралия ва Данияни мағлуб этди (4:1 ва 2:1), шундан сўнг Тунисга имкониятни бой берди (0:1).
6. Нидерландия – 7%
Плей-оффнинг илк ўйинида “апельсинлар” АҚШ термасини мағлуб этишди (3:1). Улар турнирни Сенегални мағлуб этиш (2:0) билан бошлаган бўлса, шундан сўнг Эквадор билан дуранг ўйнади (1:1), Қатарни мағлуб этди (2:0).
7. Хорватия – 4%
1/8 финалда хорватлар Япония терма жамоасини пенальтилар сериясида мағлуб этишди (1:1, 3:1 пен.). Гуруҳда жаҳоннинг амалдаги вице-чемпионлари фақат битта ўйинда, аниқроғи, 2-турда Канадага қарши ўйинда (4:1) ғалаба қозонишган. Бундан ташқари, иккита голсиз дуранг қайд этилди - Марокаш ва Белгия билан.
8. Марокаш – 3%
Африка термаси плей-оффнинг биринчи ўйинида испанларни сенсацион тарзда мағлуб этди - асосий ва қўшимча вақтларда 0:0, пенальтилар сериясида 3:0. Марокашликлар турнирни Хорватия термаси билан 0:0 ҳисобида бошлашди, шундан сўнг Белгия (2:0) ва Канадани (2:1) мағлуб этишди.
Қатар-2022 жаҳон чемпионати чорак финал тақвими
9 декабрь
20:00. Хорватия - Бразилия
00:00. Нидерландия - Аргентина.
10 декабрь
20:00. Марокаш - Португалия
00:00. Англия - Франция.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
