Хорватларнинг муваффақиятини Москвадаги финал туфайли тушунтириш осонроқ, гарчи плей-оффнинг биринчи босқичида, бошқачароқ тўқнашувни кутган бўлсакда. Испания ва Германиянинг гуруҳдан чиқишини Япониядан кўра кўпроқ кутишган эди. Бразилияга қарши эса Хорватия мутлақ аутсайдер эдилар. Маҳорат ва характери бор аммо, аутсайдер ҳисобланган жмоаларнинг ярим финалга етиб келиши кутилмаган ҳолат. Аммо Хорватия ва Марокашнинг потенциал финалини "футболнинг деградацияси" деб атасак, адашамиз. Айниқса, бу жамоаларнинг услубини "автобус" деб аташнинг ўзи катта хато. Чунки, 100 фоиз ҳимояда турадиган жамоа ва вазиятлар бўлиши билан ҳужумга чиқиб гол ура оладиган услуб бу умуман автобус эмас. Футболда натижани эслаб қолишади. Ярим финалда хорватлар ва айниқса, марокашликларнинг пайдо бўлиши катта сюрприз бўлсада, жаҳон чемпионати тарихида бундай холатлар доим кузатилган.
Жаҳон чемпионати 2018. Испания ва Бразилиянинг ўрнида Хорватия
Модрич бошчилигидаги жамоа вақти-вақти билан тарихни қайта ёзди. Аммо Россияда Далич жамоасининг муваффақиятидан ташқари кўплаб кутилмаган ҳодисалар бўлди. Немислар гуруҳда охирги ўринни эгаллашди. Россия Испанияни мағлуб этди. Хорватия финалга чиқди, аммо бразилияликлар ярим финалга ҳам етиб кела олмаган эди – улар ўша куни Куртуаси бор Бельгияни таслим эта олишмаганди.
Жаҳон чемпионати 2014. Испания ва Португалиясиз плей-офф
Бразилиядаги мундиалда кўплаб фаворитлар гуруҳлардан чиқа олмади. Немислар финалда Мессини мағлуб этган турнир "футболнинг деградацияси" бўлганми? Бразилия Чили билан пенальтилар сериясигача борган. Жазоир немисларга бош оғриқ бўлиб, қўшимча таймни ҳам ўйнган. Кучли саккизликдан Коста-Рика, бу йили саралашдан ўта олмаган Колумбия ҳам бор эди. Дарвоқе, Бразилиядаги мундиал гуруҳларида нафақат португаллар, итальянлар, англияликлар ва испанларгина эмас, хорватлар ҳам ўз юришларни тугатган эди.
Жаҳон чемпионати 2010. Уругвай сенсацияси, Италия ва Франция омадсизлиги
Жанубий Африкада эса собиқ жаҳон ва Европа чемпионлари бўлмиш француз ва италияликлар гуруҳларда сўнгги ўринни эгаллади. Плей-оффда Уругвай, Жанубий Корея, Гана, АҚШ, Словакия, Япония ва Парагвай терма жамоалари иштирок этишди. Рўйхатдаги сўнггилар деярли бўлажак чемпион - Испанияга қарши ўйнашди. Уругвай эса аввалига кореяликларни, кейин эса Ганани айнан ўша ўйинда Луис Суареснинг "қаҳрамонлик"лари билан ортда қолдирди. Ўн икки йил ўтгач, ҳикоянинг давоми бор эди. Африкаликлар Лотин америкаликларини ўзлари билан бирга гуруҳда қолиб кетишига сабабчи бўлди.
Жаҳон чемпионати 2002. Кучли тўртликда Жанубий Корея ва Туркия
Осиёдаги чемпионат сенсацияларга бой бўлиб чиқди. 2002 йилда олдиндан айтиб бўлмайдиганлик апофеози содир бўлди. Футболда такрорий ҳолатлар бўлмагани учун, ҳакамлик ҳақида гапирадиган бўлсак, бу турнир энг кўп норозиликка сабаб бўлган эди. Жанубий Корея ярим финалга чиқди ва фаворитлар уйларига йўл олишди. 2002 йилги жаҳон чемпионатида улар греклар кейинчалик Европа чемпионатида қўллайдиган тенденцияни ўрнатдилар - уюшган аутсайдер фаворитдан унга нисбатан кам баҳо берди. Сенегал ҳам Франция билан ҳам шундай қилди. Африкаликлар ярим финалга аллақачон бир қадам қолганди, аммо Туркияга имкониятни бой беришди.
Давом этаётган мундиалда Модрич, Месси, Мбаппе ва Зиеш медаллар учун курашади ва финалнинг ҳар қандай конфигурацияси аҳамиятли бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Нефтчи
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
