Мустафо Хаджи - Марокаш футболи тарихидаги рамзий футболчи. У миллий терма жамоада 11 йил (1993 йилдан 2004 йилгача) ўйнаган ва иккита жаҳон чемпионатида иштирок этган - 1994 ва 1998 йилларда. У Спорт Экспресс нашрига берган эксклюзив интервьюсида жаҳон чемпионати ярим финалигача етиб келган Марокаш терма жамоасининг феноменини тушунтирди.
«Хорватияликлар шоҳсупага қайтишди. Аммо Марокаш учун бу жаҳон чемпионатини қаҳрамонликка айланди дейиш мумкин. Бу авлод билан биз дунёни лол қолдирамиз!», дейди Хаджи.
- Марокашнинг учинчи ўрин учун баҳсдаги ўйини сизда қандай таассурот қолдирди?
Бундан бироз ҳафсаламиз пир бўлди. Афсуски, кўплаб жароҳатлар йиғилиб қолганди - жамоа Хорватия билан ўйинни умуман номинал марказий ҳимоячиларсиз якунлади. Лекин бу турнирда футболчилар максимал даражада ҳаракат қилишди ва бор кучларини бериб ўйнади. Бельгия, Испания, Португалиядан ўтишимизни ҳеч ким кутмаганди. Марокаш терма жамоаси ўзини бутун дунёга эълон қилди! Муваффақиятимиз сири оддий - кийим алмаштириш хонасида оилавий муҳит ҳукм сурди. Футболчилар бир мақсад йўлида бирлашиб, майдонда ҳам, майдон ташқарисида ҳам бир-бирига ёрдам беришди.
Албатта, бронза медалларини қўлга киритишни хоҳлаганман. Лекин, яна, жароҳатлар таъсири... Бу барчада содир бўлади. Йигитлар ҳали зўр формада, характер кўрсатишди. Шу билан бирга, Марокаш термасининг 80 фоизини ёшлар ташкил этиши муҳим жиҳат. Бу жамоанинг келажаги ҳақида гапиради. Шундай авлод билан биз дунёни остин-устун қилишга қодирмиз!
- 1998 йилги жаҳон чемпионатида Марокаш қаҳрамони бўлгансиз. Ўша жамоа билан бу жамоани солиштириш мумкинми?
- Уларни бир-бирига ёрдам берувчи мустаҳкам оила бирлаштириб турибди. Қатарда хорватлар билан бўлган илк ўйиндаёқ худди шундай ҳолатга гувоҳ бўлдим.
Албатта, Волид Реграгини ҳурмат қилишимиз керак - айнан у Зиешни, Мазрауини терма жамоага қайтарган. У ўзига хос ўйин услубини сингдирди ва футболчиларни мураббийни ҳурмат қилишга ўргатди. Тўғри, унинг обрўси унчалик ҳам кучли бўлмаслиги мумкин, бироқ натижа барчасини исботлади. У йигитлар учун катта акадек бўлиб қолди!
Яна бир муваффақият омили - мухлислар. Қатарда мухлисларимиз яратган муҳитни олдин ҳеч қачон кўрмаганман. Бу ақл бовар қилмас нарса! Бизда яхши жамоа бор, лекин ўйлайманки, мухлислар барча ишни уддалашди: айнан улар Марокашни ярим финалга тортиб чиқаришди.
- Франция билан ўйин олдидан финалга чиқишингизга ишондингизми?
Албатта ишондик! Айниқса, Бельгия, Хорватия, Испания, Португалия устидан қозонилган ғалабаларни кўрган бўлсангиз, савиямизга шубҳа қилмайсиз. Биз Франция билан кўп бора тўқнаш келганмиз, шу боис бу жамоа бизга бегона эмас. Уларнинг услуби бироз бизникига ўхшаб кетади.
Мағлубиятга учраганимиз ачинарли. Агар Франция дарвозасига тезкор гол урмасангиз, бу жуда қийин бўлади. Ўшанда улар ҳали ҳам амалдаги жаҳон чемпиони эдилар ва мотивацияси анча юқори эди. Шунга қарамай, биз жуда обрўли кўриндик ва уларга кўп муаммоларни келтириб чиқардик. Менинг фикримча, Марокаш терма жамоаси французлар учун даҳшатли тушга айланди, бизни камситмаслик кераклигини ҳамма тушунди. Қатардан бошимизни баланд кўтариб кетамиз. Биз ишлашда давом этишимиз ва кейинги жаҳон чемпионатига қадар тайёр бўлишимиз керак.
- Криштиану Роналдуни мусобақадан чиқариб юборганингиз ҳақида нима дея оласиз?
У ҳар қандай ҳолатда ҳам энг буюк футболчи бўлиб қолади. Роналду учун афсусдаман - бу турдаги одамларнинг йиғлашини кўриш ҳар доим ҳам оғир бўлган. Мен уни футболчи сифатида ҳурмат қиламан! Ҳа, Криштианунинг термадаги фаолияти якуни қайғули бўлиб чиқди.
- Марокашдаги ҳар бир ўйиндан сўнг барча мухлислар ғалати ҳаракатлар ва ноодатий тартибсизликларни келтириб чиқарди. Бу ҳақидаги фикрларингиз?
Марокашда иккита дин бор: Ислом ва футбол. Бунга одатий ҳол сифатида қараш керак. Биз қаерда бўлишимиздан қатъи назар ватанимизни севамиз. Биз Марокашнинг исталган вакилининг ҳар бир муваффақиятини нишонлаймиз, хоҳ у теннисчи, хоҳ футболчи бўлсин. Қолгани муҳим эмас!
Испанияда, Францияда кўчага чиқиб, ғалабаларни нишонлаган кўплаб танишларим бор. Лекин биз ҳеч қачон тажовузкорлик кўрсатмаганмиз, бошқа давлат вакилларини ҳамиша ҳурмат қилганмиз. Мисол учун, мен Францияда ўсганман ва агар биз уларни ярим финалда мағлуб қилсак, мен бу муваффақиятдан роҳатланаман.
Бельгия, Португалия ва бошқа мамлакатларда Марокашнинг жаҳон чемпионатидаги ғалабаларидан хурсанд бўлган ватандошларимизни кўриш жуда ёқимли. Ҳа, ёқимсиз воқеалар бўлган - биз ҳаммамиз инсонмиз ва баъзида айрим нарсаларни кечириш керак.
- Навбатдаги жаҳон чемпионати учта давлатда бўлиб ўтади: АҚШ, Мексика ва Канада...
- Мен 1994 йилда АҚШда бўлиб ўтган жаҳон чемпионатида ўйнашга муваффақ бўлдим - у ерда ажойиб таассуротлар қолган! Қатарда америкаликлар, канадаликлар ва мексикаликлар яхши иштирок этишди. Уларнинг жамоаларини кузатиш ёқимли бўлди. Навбатдаги жаҳон чемпионатига келсак, тўлиқ ишонч билан айта оламанки, Марокаш терма жамоаси Қатардаги муваффақиятини такрорлашни мақсад қилган ва ҳозирданоқ ЖЧ-2026 йўлланмасини мақсад қилиб қўйган», — дейди Хаджи.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
