Беш карра «Олтин тўп» соҳиби Криштиану Роналду «Ан-Наср» билан шартнома имзолади ва бу уни тарихдаги энг кўп маош олувчи футболчига айлантирди. Португалия терма жамоаси сардори 2022 йилги жаҳон чемпионатига келганида эркин агент эди ва араб клубига камида 2025 йилгача муддатда бўлган мега шартнома асосида қўшилишга рози бўлди. Роналду мавсумни «Манчестер Юнайтед» билан Премьер-лигада бошлади ва у ерда битта гол урди. Бироқ, Пирс Морган билан бўлган интервью ва Эрик тен Хаг танқид қилингач, унинг шартномаси ўзаро келишув асосида бекор қилинди. Роналдуни келажакда нима кутмоқда? У қанча даромад олади ва нега «Юнайтед»ни тарк этди?
«Катта тарих ёзилишига яқин турибмиз. Бу нафақат клубимизни янада катта муваффақиятларга эришишга илҳомлантиради, балки лигамизни, миллатимизни ва келажак авлодларни, ўғил-қизларни энг яхши футболчи олдида илҳомлантиради. Криштиану, янги уйингга хуш келибсан!», — дейилади клуб расмий саҳифасида.
Хўш, «Ан-Наср» қандай клуб?
«Ан-Наср» 2015 йилда ташкил топган «Қирол Сауд университети» стадионида ўйнайди. 2021 йили «Бока Хуниорс» ва «Барселона» ўртасидаги баҳс айнан шу аренада бўлиб ўтган. Стадион турли поп-концертларга мезбонлик қилди. «Ан-Наср» сариқ ва кўк рангдаги либосларда ўйнайди. Жамоани Руди Гарсия бошқаради, у аввалроқ «Рома», «Марсель» ва «Лион» клубларига устозлик қилган. Роналду энди Саудия Арабистони пойтахти Ар-Риёдда жойлашган энг муваффақиятли клублардан бирида ўйнайди. 37 ёшли футболчи Саудия Арабистони футбол пирамидасининг юқори дивизиони ҳисобланган Про-лигада иштирок этади. Роналдунинг УЕФА Чемпионлар Лигасидаги иштироки қоронғу бўлиб кўринаётган эрсада, у Осиёдаги ЧЛда ўйнаши мумкин.
«Ан-Наср» тарихи, совринлар, собиқ футболчилар
«Ан-Наср» 1955 йилда ташкил топган ва кубоклар кабинетида Роналдунинг собиқ клублариники каби ютуқлар тўлиб кетган. Улар Премьер-лиганинг тўққиз чемпионлиги, олти марта Қирол кубоги, валиаҳд шаҳзода кубоги, уч марта Федерация кубоги ва икки марта Саудия Арабистони Суперкубогини қўлга киритган. Клуб ўтган сафарги форс кўрфази кубогида икки марта ғолиб чиқди ва 1998 йилги Осиё кубок эгалари кубоги ва Осиё Суперкубогини қўлга киритиб, дубл қайд этди. Бу уларни 2000 йилги клублар ўртасидаги Жаҳон чемпионатига олиб чиқди, унда «Реал Мадрид»га 3:1 ҳисобида мағлуб бўлишди. Роналду «Ан-Наср»да ўйнаган биринчи «Олтин тўп» соҳиби эмас. Болгариялик афсонавий Христо Стоичков 1998 йилда икки ўйинлик шартнома асосида клубга келиб қўшилди ва Осиё Суперкубогида ярим финал ва финал учрашувларида ҳал қилувчи рольни ўйнади.
Роналдунинг «Юнайтед»даги фаолияти тугашига қисман УЕФА Чемпионлар Лигасида ўйнаш истаги сабаб бўлган деб тахмин қилинади, аммо унга бу имкониятни берадиган клублардан таклифлар тушмади. Жамоадаги легионер футболчилар анчайин машҳур. «Ницца», «Арсенал» ва «Наполи» клубларининг собиқ дарвозабони Давид Оспина мухлислар учун энг таниш бўлган исм, Луис Густаво эса 2014 йилги Жаҳон чемпионатида Бразилия терма жамоаси сафида мунтазам ўйнаган. Шунингдек, клуб 2022 йилги ЖЧда Бразилияга қарши ўйинда ғалаба тўпини киритган камерунлик ҳужумчи Винсент Абубакар билан фахрланади. Бразилиялик Андерсон Талиска бир неча йилни «Бенфика»да ўтказди ва испаниялик Алваро Гонсалес Марселга кўчиб ўтишдан олдин ўз ватанида «Вильярреал»да ўйнади.
«МЮ»да Криштиану Роналдуга нима бўлганди?
Роналду 2021/22 йилги мавсум бошланишидан олдин «Ювентус»дан ҳайратланарли тарзда «Юнайтед»га қайтди ва Премьер-лиганинг 13 карра ғолиблари учун жуда кўп гол урди. «Юнайтед»нинг янги бош мураббийи Эрик тен Хаг жорий мавсум бошида Роналдудан унумли фойдаланмади ва «Тоттенхэм» устидан қозонилган ғалабадан олдин «Олд Траффорд»ни бир ўзи тарк этганидан сўнг у билан ишламаслигини айтди.
22 ноябрь куни «Юнайтед» Роналду ўзаро келишув асосида кетганини эълон қилди ва унга клубга қўшган ҳиссаси учун миннатдорчилик билдирди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
