Саудия Арабистонининг «Ан-Насср» клуби Криштиану Роналду билан икки йиллик шартнома имзолади. Бу ҳақда расмий ҳабарлар аллақачон чиқиб улгурган. 37 ёшли ҳужумчининг шартонмаси ва қанча пул ишлаб топиши маълум бўлиб улгурди. SBS Sport хабарига кўра, португалиялик футболчи ҳар мавсумда 70 миллион евро олади (Маrса маълумотларига кўра, йилига 200 миллион евро). Шундан сўнг Криштиану Роналду Саудия Арабистонинг мундиалдаги элчиси вазифасини бажаради. Афтидан, ҳужумчи Яқин Шарқда зерикмайди. "Ан-Насср" яна икки нафар суперюлдузни жамоага таклиф қилмоқчи.
Испаниялик ҳимоячи Серхио Рамос 2021 йилнинг ёзида "ПСЖ"га ўтганди. Ўшандан бери у клуб сафида 34 та ўйин ўтказиб, 3 та гол ва битта голли узатмани амалга оширди, Франция чемпиони ва мамлакат Суперкубоги соҳибига айланди. Ҳаммаси яхши бўлиши мумкин эди, аммо ҳозир Рамос жароҳатга жуда мойил: 2021/2022 йилги мавсумда у учта жароҳат олган, шу сабабли у 33 учрашувни (197 кун) ўтказиб юборган. Унинг "ПСЖ" билан шартномаси 2023 йилнинг ёзида тугайди ва уни узайтирилмаслиги мумкин.
"Ан-Насср" раҳбарияти Серхио Рамос билан учрашиб, унга лойиҳа ҳақида гапириб бермоқчи. Тез орада испаниялик исталган жамоа билан музокара олиб бориши мумкин бўлади. Маrса хабарига кўра, Саудия Арабистони клуби Криштиану Роналдудан кейин 36 ёшли ҳимоячини сотиб олмоқчи. Бундан ташқари, "Ан-Насср" мавсум охирида лондонликлар билан шартномаси тугайдиган "Челси" ярим ҳимоячиси НЪГоло Кантени ҳам текинга қолга киритмоқчи. Бу ҳақда Foot Mercato хабар бермоқда.
Шу тариқа, Саудия Арабистони клуби 2030 йилги жаҳон чемпионати мезбонлик қилиш истагини улар орқали (Греция ва Миср билан биргаликда.) илгари суриш мақсадида бир қанча кучли футболчиларни олиб келишни режалаштирган. Эндиликда "Ан-Насср" таркибида 8 нафар хорижлик футболчи бор, Саудиа Арабистони чемпионатида эса лигеонерларга қўйилган чеклов бор ва бр клубда бошқа давлат фуқаролари еттитадан ошмаслиги керак. Криштиану Роналдунинг трансфери учун камида иккита футболчини сотиш керак бўлади, 2023 йилнинг ёзида Канте трансфер қилинган тақдирда бошқа лигеонерлар ҳам кетиши керак бўлади. Қизиқ, саудияликлар "ПСЖ" ва "Челси" юлдузларига қанча маош таклиф қилишга тайёр экан?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
