"Манчестер Юнайтед" "Аякс" футболчиларини сотиб олишда давом этаганга ўхшайди. Эрик тен Хаг аллақачон Нидерландия клубидан Антони (95 миллион евро) ва Лисандро Мартинесни (57,37 миллион евро) сотиб олган ва энди эътиборни Юрриен Тимбер, Девин Ренс ва Кеннет Тейлорга қаратган. "Манчестер Юнайтед"да бундан ташқари Нидерландиядан 3 нафар футболчи бор булар: Тирелл Маласиа, Донни ван де Бек ва Воут Вегхорст.
Нега Эрик тен Хагга яна учта “Аякс” футболчиси керак?
Тhe Sun нашри хабарига кўра, "Манчестер Юнайтед" бош мураббийи европалик скаутларга 12 дан ортиқ нидерландиялик ёш футболчилар рўйхатини бериб, уларни кузатиб боришлари кераклигини буюрган. Тен Хаг таркибни ҳамюртлари билан ёшартирмоқчи. Номзодлардан бири Юрриен Тимбер. "Манчестер Юнайтед" бу 21 ёшли марказий ҳимоячини ёзда ўз сафига қўшиб олмоқчи эди ва энди у 52 ёшли мураббий рўйхатида биринчи ўринни эгаллаб турибди. Тимбер "Аякс" билан учинчи мавсумини ўтказмоқда. Тransfermarkt томонидан 45 миллион еврога баҳоланган ҳимоячи евро-2020 олдидан терма жамоасида дебют қилди. Турнирда у учта ўйин ўтказди ва 2022 йилги Жаҳон чемпионатида у етакчилардан бирига айланди.
Девин Ренс ўнг қанот ҳимоясида ўйнайди. У 19 ёшда. У ҳам “Аякс”даги учинчи мавсумини ўтказяпти. Футболчи терма жамоадаги дебютини 2021 йилнинг сентябрида ЖЧ-2022 саралаш босқичида ўтказган ва Туркия билан учрашувда голли узатмани амалга оширган. Бу ўйин ҳозирча унинг учун терма жамоадаги ягонаси бўлиб турибди. Унинг ҳам Тимберники каби шартномаси 2025 йилнинг ёзига қадар мўлжалланган. Кеннет Тейлорга келсак, уни қўлга киритиш “МЮ” учун осон бўлмайди. 20 ёшли ярим ҳимоячи ҳар мавсум яхшиланиб бормоқда. У Эредивизиянинг 14 та ўйинида 5+3 натижага ва 2027 йилнинг ёзига қадар тузилган шартномага эга.
Вазиятга яқин манба тен Хагнинг ватандошларига бўлган қизиқишини қуйидагича изоҳлайди: "Эрик "Юнайтед" бу футболчилар учун курашда ташаббусни қўлга олишига қатъий ишонади ва скаутларга клуб Нидерландияда ҳам, Германияда ҳам ишни фаоллаштириши кераклигини айтди".
Қизиғи шундаки, "Манчестер Юнайтед" учаласини ҳам сотиб олса, қанча пул тўлаши мумкин. Афтидан, сумма 100 миллион евродан ошади. Юрриен Тимбер энг муҳим футболчи ҳисобланади. Ёзда унга қизиқиш нафақат "Манчестер Юнайтед"дан бўлади. Шундай қилиб, улар ҳозирдан ушбу ёш юлдузни ўзиники қилмоқчи.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
