Ёшлар лигаси ўйинларига негадир журналистлар ҳамда ёшлар ва ўсмирлар термаларимиз мураббийлари боришмайди. Кўп бора бунга гувоҳ бўлганман. Мана ҳозирда Евстафеев Ўзбекистон U22ни қабул қилиб олган. Нимагадир бу термага 3 ёш кичкиналарни жалб қилмоқда. Жуда ҳайрон қолдим. Нима мундиалда Мексика қаҳрамонлари ўзидан 3 ёш катталардан зўр ўйнай олишадимикан? Билмадим, натижани ўзингиз кўрдингиз. Энг осон гуруҳдан базўр чиқишди!
Непалга кетган таркибга қарар эканман, Ёшлар лигаси юлдузларини кўрмадим! Омад Тайлоқов, Шаҳзодбек Нурматов йиғинларга жалб этилганди, голлар ҳам уришганди. Омад Тойлоқов “Динамо”да ёшлар жамоасида, Олий лигада ҳам ўйнаб келмоқда. Бу футболчи “Баркамол Авлод”да ҳам яхши паслари билан ҳаммани ўзига жалб қилганди. Ёшлар лигасида тўлиқ ўйнамоқда диспетчер! Шаҳзод Нурматов “Метталург”нинг асосий таркибда ўрнини топди, голлар урмоқда. Бу бола “Динамо”да ўйнаб юрган пайтлари ҳам унда бир нима борлигини билардим. Ўзига хос бомбардир ва манимча, ўз тенгилари орасида энг зўр хужумчи!
Турғун Қобилов — универсал футболчи. Ҳимоя ва ярим ҳимояда бирдек ўйнай олади. Асосий таркибда ўз ўрнини топишга ҳаракат қилмоқда. Куни кеча ҳам “Локомотив” дарвозасини ишғол қилипти.
Искандар Холмирзаевга ўтган йили Убайдулаев асосий таркибда имкон бераётганди. Бу йил эса балким рақобат кучлилигидандир асосийга кира олмаяпти. Бу йил ёшлар лигасида анча ўйинлари очилган.
Фаррух Сайфиев. Ўтган йили Ёшлар лигаси чемпиони бўлган бу футболчи вазиятга қараб позициясини ўзгартиради. Баъзида ўнг қанот, баъзида марказда диспетчерлик билан банд бўлади.
Салим Мустафоев – мен тавсия этаётган футболчилар орасида энг таниқлиси бўлса керак. Чап қанот қиролида ўзига бўлган ишонч жуда катта. Хуллас, Ёшлар лигасида бу футболчилар жуда чиройли голлар уришмоқда. Бу футболчлар Осиё чемпионатига бориши шарт! Евстафеев Мексика қаҳрамонларини ёшига мос келадиган U19га тўлиқ юборса ҳам бўлади. Зеро айнан U19 — Аҳмад Мусаев жамоаси кейинги Олимпиада учун курашади!
Энди бош жамоамизга тўхталсам. Абрамов кетгани яхши бўлди. Лекин ўрнига Қосимов... билмадим. Агарда Жанубий Кореяга уйда ютқазиб қўйсак, ўз жойини Убайдуллаевга бўшатиб бериши, керак деб ўйлайман. Чунки айнан Убайдуллаевнинг ҳимоявий тактикаси билан мундиалга бора оламиз. Ўзбекистондан бошқа номзод мутахассисларни кўрмаяпман. Убайдуллаев дейишимга бир қанча сабаблар бор. Лондон Олимпиадасида 3 ва 4-ўринларни эгаллаган Жанубий Корея ва Япония бундан 3 йил олдин ўтказилган 19 ёшгача бўлган ёшлар ўртасидаги Осиё чемпионатида финалга чиқа олмаганди. Ўша чемпионатда Убайдуллаев жамоаси вице-чемпион бўлганди. Ўшанда ҳамма футболчиларимиз ўринбосарлар таркибида ўйнашарди. Абрамов эса асосий таркибга ўтган ўйинчилар билан ҳатто кучли тўртликка ҳам кира олмади.
Ҳурматли “абрамовчилар”. Россия-2018 га ҳам айнан Убайдуллаев шогирдлари курашишса керак. Хуллас, Аҳмад Убайдуллаев Ўзбекистон миллий терма жамоаси бош мураббийи бўлиши керак!
Жасур Қосимов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
