Пойтахтимизда ўтказилган «CAFA Womenʼs Futsal Championship 2023» мусобақаси якунига етди. Сўнгги турда ғолиблик учун Ўзбекистон ва Эрон аёллар терма жамоалари майдонга чиқишди.
Қизларимиз 4-дақиқадаёқ ҳисобни очишга муваффақ бўлишди. Эронликлар эса танаффусга қадар 3та гол уриб, олдинга ўтиб олишди.
Ўзбекистонликлар иккинчи бўлимни жуда кучли бошлашди ва баҳснинг 33-дақиқасига қадар 3та гол уриб, 4:3 ҳисобида олдига ўтиб олишди.
Учрашувда иккита гол муаллифига айланган Людмила Карачик сўнгги дақиқаларда 2та хатога йўл қўйиши оқибатида терма жамоамиз ўз дарвозасидан 2 та тўп олиб чиқишди.
Вакилларимиз сўнгги 2 дақиқани ўйновчи-дарвозабон била ўтказишди ва гол уриш учун яхши имконият яратишди, аммо Карачикнинг зарбасига аниқлик етишмади.
Шу тариқа, Эрон терма жамоаси ҳал қилувчи ўйинда 5:4 ҳисобида ғалаба қозониб, мусобақа ғолибига айланди. Ўзбекистон эса 6 очко билан 2-ўринни қўлга киритди. Учинчи поғона Тожикистонга насиб этди. Улар 3-турда Қирғизистон устидан 4:2 ҳисобида ғалаба қозонишди.
«CAFA Womenʼs Futsal Championship 2023», 3-тур
Қирғизистон - Тожикистон - 2:4
Ўзбекистон - Эрон - 4:5 (1:3)
Голлар: Гулзода Амирова 4ʼ, Сара Ширбеги 8ʼ, 16ʼ, Маҳса Камали 11ʼ, Людмила Карачик 23ʼ, 26ʼ, Умида Зоирова 33ʼ, Ферештеҳ Карими 35ʼ, Маҳса Камали 36ʼ.
Матнда хатолик топсангиз, ўша хатони белгилаб, бизга жўнатинг (Ctrl + Enter).