“Тошкент дерби”сидаги дуранг натижа энди кубок баҳсларига ҳам кўчди. Лекин финалга фақат бир жамоа йўл олиши керак. Демак, жавоб баҳсида дуранг натижа қайд этилмайди. Қайд этилса ҳам, пенальтилар тепилади.
Жамоалар майдонга юқори иштиёқ ва чоғланиш билан чиққан бўлсалар-да, дарвозалар олдида чинкам хавфли вазият ўйиннинг 20-дақиқасида содир этилди ва гол билан якунига етди. Ойбек Қиличев майдон марказидан тўпни қабул қилиб олдинга қариб интилди ва икки ҳимоячини алдаб ўтиб, тўпни Абдухолиқовга етказиб берди. Темурхўжа зарба бераётган пайтда эса унинг оёғи остига “подкат” ташлаган Артём Филипосяннинг қўлига тегди. Буни қанот ҳаками Жаҳонгир Саидов кўра олди ва ўз ишораси билан Эрматовга маълум қилди. Равшан унинг ишораси билан “Бунёдкор” дарвозасига пенальти белгилади. Ушбу мавсумда “Пахтакор”нинг “штат”даги пенальтичисига айланиб қолган Станислав Андреев “стандарт”дан адашмади — 1:0.
Майдон эгалари майдон марказидан бошлаган ҳужумдан ҳисобни тенглаштиришлари мумкин эди. Акмал Шораҳмедов томонидан ўнг қанотдан етказиб берилган тўпга Анвар Солиев бош билан зарба берди. Лобанов тўғри жой танлагани учун тўп дарвозага бориб тушмади.
“Бунёдкор” бўлим тугаши арафасида ҳисобни чиройли комбинация орқали тенглаштирди. 42-дақиқагача ишончли ҳаракат қилаётган меҳмонлар ҳимояси айнан шу дақиқада панд бериб қўйди. Марказий ҳимоячи Клецков Ҳасанов томон узатилаётган тўпни оёқлари остидан ўтказиб юборди ва Жасур янада қулайроқ вазиятда турган Солиевни тўп билан таъминлади. Анвар бўш қолган дарвозани осонгина ишғол қилди.
Иккинчи бўлимни “Пахтакор” анча шиддатли бошлади. Ярим ҳимояда Ойбек Қиличев (алмаштирилгунига қадар), ҳужумда Абдухолиқов анча фаол ҳаракат қилишди. Бир неча вазиятларда Игнатий Нестеров жамоасини голдан қутқарди.
Бўлим ўрталарига бориб, ўйин сурати тенглашди. Уюштирилган ҳужумлар асосан бурчак тўплари ва аутлар билан якунланган бўлсада, стандарт вазиятларда ҳимоячи ва дарвозабонлар яхши ҳаракат қилишди. Бир вазиятда Шавкат Саломовнинг юқори бурчакка йўллаган зарбасини Лобанов майдон ташқарисига чиқариб юборди. Владимир Козакнинг зарбаси эса бироз ноаниқ бўлди.
Ўйин дербига хос бўлди – кескин ва муросасиз. Финал масаласи тақдири жавоб учрашувига қолди.
Ўзбекистон кубоги. Ярим финал. Дастлабки учрашув
“БУНЁДКОР” – “ПАХТАКОР” – 1:1 (1:1)
Голлар: Анвар Солиев (42) — Станислав Андреев (21-пен.)
Огоҳлантиришлар: Ян Козак (16), Анвар Ғофуров (58) — Ойбек Қиличев (17), Александр Клецков (55), Шерзодбек Каримов (78)
“Бунёдкор”: Игнатий Нестеров, Акмал Шораҳмедов, Хайрулла Каримов (Камолиддин Мурзоев 81), Анвар Ғофуров, Эавлон Иброҳимов, Лутфулла Тўраев), Артём Филипосян, Жасур Ҳасанов, Анвар Солиев, Виктор Карпенко (Саҳоб Жўраев 66, Ян Козак (Шавкат Саломов 60).
“Пахтакор”: Александр Лобанов, Егорь Кримец, Кахи Махарадзе, Темурхўжа Абдухолиқов (Шаҳбоз Эркинов 74), Александр Клецков, Шерзодбек Каримов, Даврон Ҳошимов, Илҳом Суюнов, Станислав Андреев (Акбар Исматуллаев 66), Владимир Козак, Ойбек Қиличев (Аббос Махсталиев 57).
Ҳакамлар: Равшан Эрматов, Абдуҳамидулло Расулов, Жаҳонгир Саидов, Шуҳрат Пўлатов
Назоратчи: Владимир Валицкий
2012 йил 22 август. Тошкент. “Жар”. 5000 томошабин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
