Бугун Ўзбекистон кубогининг ярим финали илк учрашувида қаршилик футболчилар ўз майдонларида ишончли ғалабага эришишди.
Учрашув тенг курашлар остида бошланди. Бўлимнинг дастлабки ярмида ҳар иккала жамоа аъзолари эҳтиёткорлик билан ҳаракат қилишди. Гарчи майдон эгалари ҳисобни очиш учун бир неча бор ҳужумлар ташкил этишларига қарамай, голга тортадиган вазият ярата олишмади. 22-дақиқада ҳимоячи Мақсуд Каримовнинг қўпол хатосидан кейин бухороликлар ҳужумчиси Воҳид Шодиев яқин масофдан туриб тўпни Муроджон Зуҳуров қўриқлаётган дарвозага йўллашди адашди. 28-дақиқага келиб стадионга йиғилган мухлислар мавсумнинг энг чиройли голларидан бирига бевосита гувоҳ бўлишди. Жамоадошларидан тўпни қабул қилиб олган ўнг қанот ҳимоячимиз Алишер Юсупов чамаси 40-метрлар масофадан ўта кучли зарбаси билан тўпни Қобулжонов қўриқлаётган дарвозанинг “тўққиз”лигига йўллади-1:0. Умуман Юсупов шу куни учрашувнинг энг яхши ўйинчиларидан бири бўлди деб бемалол айта оламиз. У нафақат ҳимояда ишончли ҳаракат қилди, балки ҳужумда ҳам самарали иштирок этди. Иккинчи бўлимда ҳам икки бор дарвоза тўсини ва устуни Алишернинг кучли зарбаларига ғов бўлди. Дастлаб чамаси 35 метрлардан жаримадан йўллаган зарбаси тўсинга тегиб қайтган бўлса, кейинчалик Юсупов томонадин берилган яна бир “замбарак ўқи” устунга тегиб қайтди. Умуман қаршилик футболчилар амалда биринчи бўлимда ўйин тақдирини ҳал қилишди. 42-дақиқада Иван Бошковичнинг ўнг қанотдан жарима майдони ичига ошириб берган тўпини Артур Геворкян тўхтатмасдан дарвозанинг юқори чап бурчагига жойлаб қўйди-2:0.
Умуман иккинчи бўлимда майдон эгаларида ҳисобни йириклаштириш учун кўплаб имкониятлар бўлди. 70-дақиқада бухоролик ҳимоячилар ўз жарима майдончалари ичида Фозил Мусаевга нисбатан ўйин қоидасини бузишди. Владимир Шишелов томонидан амалга оширилган зарбани “Бухоро” посбони тўп йўналишини топа билди. Шу тариқа ярим финалнинг илк ўйинини қаршилик футболчилари ишончли ғалаба билан якунлашиб, финал сари дадил қадам ташлашди.
Ўзбекистон кубоги. Ярим финал. 22.08.2012.
“Насаф”- “Бухоро” 2:0 (2:0)
Қарши. “Марказий” стадион. 1232 томошабин.
Ҳакамлар: Ҳасан Рўзиев, Евгений Закутилин, Алишер Усмонов, Зокир Қодиров.
Назоратчи: Ғайрат Каримов.
“Насаф”: Муроджон Зуҳуров, Мақсуд Каримов, Ботир Қораев (с), Андрей Переплёткинс (Шоҳруҳ Гадоев, 81), Иван Бошкович (Кенжа Тўраев, 69), Алишер Юсупов, Артур Геворкян (Неъматов, 90), Фозил Мусаев, Александр Петрович, Илҳом Юнусов, Владимир Шишелов.
“Бухоро”: Сардор Қобулжонов, Наоя Шибамура, Дэвид Ония, Гиорги Квесиешвили, Шахзод Сулаймонов, Алишер Саноев (Азизбек Муратов, 65), Воҳид Шодиев, Отабек Нарзуллаев (Баҳриддин Ваҳобов, 46), Алексей Николаев, Жасур Ҳасанов (с), Асқар Муҳиддинов (Акмал Холмуродов, 81).
Голлар: Алишер Юсупов, 28-1:0, Артур Геворкян, 42- 2:0.
Амалга оширилмаган пеналти: В.Шишелов (72)
Огоҳлантиришлар: Нарзуллаев (10), Петрович (17). М.Каримов (31), Шишелов (76).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
