"Манчестер Юнайтед" АПЛнинг навбатдаги турида ўз уйида "Лидс Юнайтед"ни қабул қилади. Жамоа ушбу учрашувда ғалаба қозона олса, уй баҳсларида кетма-кет 14 ғалабасини қўлга киритиши мумкин. Шунингдек, ғалаба Эрик тен Хаг жамоасини "Манчестер Сити"га очколар борасида тенглашиб олиш имкониятини беради. Боз, устига "Лидс" душанба куни ўз бош мураббийи Жесси Маршни ишдан бўшатган эди. Шу сабабли бу ўйинга меҳмонлар вақтинчалик мураббий кўмагида келади. "Қизил иблислар" учун ноябрдан бери лигада ғалаба қозона олмаётган рақибни мағлуб этиш, унчалик ҳам қийинчилик туғдирмайди ҳисобланмоқда.
"Манчестер Юнайтед" рақиб олдида қанчалик ишончли кўринмасин, жамоа ичида муаммолар бисёр. Шулардан бири, ярим ҳимоядаги йўқотишлардир. Хусусан, шу кунларда энг яхши футболчи сифатида эътироф этилаётган Каземиро қизил карточка сабаб АПЛнинг учта ўйинини ўтказиб юборадиган бўлди. Қолаверса, тен Хаг яна бир ярим ҳимоячи – Скотт Мактоминейнинг жароҳати борлиги, майдонга туша олмаслигини маълум қилган. Кристиан Эриксен аллақачон тўпиғидан жароҳат олиб, майдонни бир ойга тарк этганди. Ҳатто, доимий захирада ўтирадиган Донни ван де Бекда ҳам тизза билан боғлиқ муаммо мавжуд. Ҳужумчи Антонининг ҳолати яқин орада очиқланиб, бразилиялик вингер майдонга тушиши сўроқ остида қолгани билдирилган эди.
Бундай муаммолар фонида Эрик тен Хаг "Бавария"дан ижарага олинган Марсель Забитцерни асосий таркибга киритишга мажбур бўлади. У билан таянч ярим ҳимоясида Фред ҳамкорлик қилади.
Майдон марказидан ташқари бошқа чизиқларда ҳам танлов имконияти унчалик ҳам катта эмас. Хусусан, Давид Де Хеа, Люк Шоу, Лисандро Мартинес ва Рафаэль Варанлар асосий таркибга киритилади. Ундан ташқари, жамоа сардори Харри Магауйрга ҳам асосий таркибдан жой ажратилиши айтилган. Ўнг қанотда Диегу Далотдан кўра Эрон Уан-Биссака варианти маъқулроқ кўрилади.
Бруну Фернандеш доимгидек ҳужумкор ярим ҳимоячи вазифасини бажаради. Маркус Рэшфорд эса ҳозирги ажойиб спорт формасида чап қанотни "ёндириш"га ҳаракат қилади. Вaут Вегхорст марказий ҳужум зонасини эгаллаган ҳолда, чапда Алехандро Гарначо жойлашади. Негаки, чап учун танлов деярли қолмаган. Жумладан, Антони ва Марсьялларда жароҳат мавжуд ва улар қайдномага киритилмаслиги тен Хаг томонидан тасдиқланди. Гарначо вариантидан ташқари, тен Хагда Жейдон Санчони майдонга ташлаш имкони ҳам бўлади.
Эслатиб ўтамиз, "Манчестер Юнайтед" ва "Лидс Юнайтед" ўртасидаги баҳс чоршанба куни тунда, Тошкент вақти билан соат 01:00да старт олади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
