Маркус Рэшфорд мавсумнинг иккинчи қисмини ёндирмоқда - Европа лигаси 1/16 финалининг "Барса"га қарши биринчи ўйинида (2:2) у 7 дақиқада иккита голда иштирок этди. Аввалига Тер Штегеннинг яқин бурчагига кучли зарба билан тўпни жойлаб қўйган бўлса, кейин эса Рафиньяни бурчак ёнида ажойиб финт орқали орта қолдириб, Кунденинг ўз дарвозаси ишғол қилишида асосий ишни бажарди.
Биз статистика ва тақвимга қараб унинг кўрсатаётган натижасидан ҳайратга тушамиз. Февраль ойининг иккинчи ярмига келиб, Рэшфорд 2019/20 йилги мавсумда киритган голлари сонидан бу мавсум кўпроқ гол урди.
• Рэшфорд 338 та ўйиндан 241 тасида асосий таркибда майдонга тушган. Агар унинг ўйин вақтини 90 дақиқалик тенг сегментларга айлантирсак, биз 248 та тўлиқ ўйинни оламиз. Бу кўрсаткич Маркуснинг 90 дақиқалик ўртача кўрсаткичи контекстида муҳим, яъни ҳар бир ўйин учун фойдали ҳаракатлар 0,67.
• 2022/23 йилда Рэшфорд ўзида бош билан яхши ўйнаш ва шерикларига голли вазиятлар яратиб бериш ҳислатларини ривожлантирди. Февраль ойи ўрталаригача Маркус боши билан тўртта гол урди. Бунгача бир мавсумда унда иккитадан ортиқ бош билан бўлмаган.
• Рэшфорд - жамоанинг энг яхши тўпурар футболчиси (29). Иккинчи ўринда Бруну Фернандеш - 13.
Роналдунинг "Манчестер Юнайтед"дан кетишини изоҳлар экан, Майкл Оуэн шундай деди: "МЮ"да голлар билан боғлиқ муаммо бор. Тен Хагнинг айтишича, Рэшфорд бир мавсумда 20 та гол кирита олади.
Рэшфорд “бир мавсумда 20 та гол” вазифасини уддасидан чиқди, энди Маркус яна битта топшириқни бажаришни мақсад қилгани аниқ – кузда Тен Хаг Премьер-лигада ҳужумчи 20 та гол уришини башорат қилганди.
Афтидан, имкониятлар бор - Маркус асосий гол кўрсаткичлари бўйича лига пешқадамлари қаторида ва мавсум якунига қадар яна 15 та ўйин бор.
• Маркус нафақат ҳужумларни ажойиб якунлайди, балки юқори даражадаги паслар билан хавф туғдиради. Жаримага тўп узатиш бўйича энг яхшилар рўйхатида у кучли ўнталикдан жой олган, юқорида эса Де Брюйне, Эдегор ва Бруну кабиларнинг ундан олдиндалиги табиий.
***
GOAL нашри мунтазам равишда 2023 йилги Олтин тўп учун потенциал даъвогарлар рўйхатини эълон қилади. Январь ойидаги янгиланишда Рэшфорд биринчи марта кучли 10 таликка кирди, аниқроғи олтинчи ўринни эгаллади. Албатта, Месси ва Мбаппе билан рақобатлашиш қийин бўлади (ҳозирча биринчи ва иккинчи ўринлар), лекин кўриниб турибдики, Рэшфорднинг ҳозир кўрсатаётган ўйини шунчаки ажойиб.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
