Бугун, 31 август - Европада ёзги трансферларнинг энг сўнгги куни. Марказий Европа вақти билан (GMT+1) соат 23:59да ёпилади. Шунинг учун бугун трансферлар энг қизийдиган кун, энг кўп трансферлар амалга оширилади.
Буни инобатга олган ҳолда, бугун амалга оширилаётган трансферларни сайтимиз орқали онлайн тарзда ёритиш боришга қарор қилдик.
Трансферлар борасида берилган онлайнимизнинг биринчи қисми якунланди. Энди иккинчи қисмини мана шу бўлим орқали кузатиб боришингиз мумкин. Демак БОШ-ЛА-ДИК!
Фаолиятининг сўнгги йилларида АПЛда ижарама ижара саргардон бўлган Йосси Бенаюн бу йили "Вест Ҳэм"да қўним топди. Албатта, яна ижарада. Лондонликлар расмий сайтида футболчининг бир йилга ижарага олингани ҳақида маълумотлар пайдо бўлди.
Лондоннинг бошқа бир жамоаси, "Фулҳэм"нинг расмий сайти ташриф буюрувчилар сонининг ҳаддан зиёд ошиб кетгани учун, очилмай қолган. Сабаби маълум - Димитар Бербатов, бироз аввал "Фулҳэм" билан икки йиллик шартномага имзо чекди!!
Франциянинг "Лион" клуби президенти Жан Мишель Олас, клуб дарвозабони Уго Льорис аллақачон Лондонга учиб кетганини ва у ерда "Тоттенҳэм" тиббий кўригидан ўтишини маълум қилди. Трансфер бозорида анча жонбозлик кўрсатаётган "Тоттенҳэм" Франция терма жамоаси сардори ҳисобланган дарвозабон билан бугун шартнома имзолаши кутилмоқда.
Лондондан яна бир хабар. "Фулҳэм" ҳамюртимиз Виталий Денисовнинг жамоадоши Дерек Боатенгни ўз сафига қўшиб олишга яқин турибди. Маълумотларга кўра, "Днепр" ушбу ҳимоячини Лондонга қўйиб юборишга тайёр.
Испанияни унутибмиз. "Эспаньол"нинг 21 ёшли ҳужумчиси Альваро Васкес 5 миллион евро эвазига "Хетафе"га кўчиб ўтди.
Димитар Бербатов "Фулҳэм"га ўтганидан қанчалик ҳурсанд эканини мана бу суратда кўриш мумкин. Бироз ҳафами??!
Инглизларнинг "ёқимтойи" бўлган Жоуи Бартон ўзининг "Твиттер"ида яна фанатларни устидан кулишни бошлади. Франциянинг "Марсель" клубига кўчиб ўтган жанжалкаш футболчи "хаётдан хурсанд" эканини яширмаяпти. Афсуски унинг "твиттер"ига жойланган сўнгги суратни бу ерга қўя олмаймиз!
Бир қатор Италия ОАВ Марко Борьеллонинг "Женоа"га ўтгани, Алберто Жилардино эса ижара асосида "Болонья"га кўчиб ўтгани ҳақида бонг уришмоқда. Аммо, бу маълумотлар ҳали расман тасдиқлангани йўқ.
Дарвоқе, Лондоннинг "Челси" клубидан янгилик. Лондонликлар Андре Шюрлее борасида "Байер"дан қатъий рад жавобини олишгач, энди бор эътиборларини "Марсель" ҳужумчиси Лоик Ремига қаратишди. Айни пайтда франциялик ҳужумчи борасида лондон клуби вакиллари музокараларни бошлаб юборишди.
Уго Льорис масаласи ҳал бўлди. "Тоттенҳэм" 10 миллион еврони ҳозирнинг ўзида "Лион"га санаб берадиган бўлди. Яна 5 миллион эса мавсум оҳирида тўланади. Шунда ҳам, Льорис янги клуби сафида муваффақиятли иштирок этса.
"Тоттенҳэм" мухлислари жонланиб қолишди. Сабаби, Жоау Моутиньонинг "Тоттенҳэм"га трансфери амалга ошмай қолиши мумкин. Томонлар футболчининг шахсий шартномаси борасида бир тўхтамга кела олишмаяпти. Португалиялик футболчи кўпроқ сўраб юборган шекилли. Клуб фанатлари Андре Виллаш-Боашнинг ўз ҳамюрти билан тил топа олишига ишонишмоқда. Кутамиз.
Германияда расман трансфер ойнаси ёпилгани ҳақида хабарлар тарқалди.
Оббо, Йосси Бенаюн яна сарсон бўладиган кўринади. Уни ўз сафига қўшиб олиш учун "Ливерпуль" ҳам даъвогарлар орасига қўшилди. Исроиллик футболчи эндигина "Вест Ҳэм" билан шартнома тузиб турган бир пайтда, "Ливерпуль"дан бўлган қўнғироқ ҳаммасини барбод қилди. У собиқ жамоасига бориб қўшиладими, ёки уни рад этадими, бироздан сўнг билиб оламиз...
"Ливерпуль" фанатлари жамоа бош мураббийи Брендан Рожерснинг трансфер ойнаси пайтида жонбозлик кўрсатмаётганидан ғазабланмоқдалар. Рожерс клубга яна бир ҳужумкор ярим ҳимоячи ёки ҳужумчини қўшиб олиш кераклигини бот-бот такрорлаётган бўлсада, айни пайтда жим. "Ливерпуль"нинг асосий трансфер мақсади бўлиб турган Клинт Демпси айни пайтда "Астон Вилла" ва "Арсенал"нинг таклифларини кўриб чиқмоқда.
Дарвоқе, Майкл Оуэн ўзининг жонажон клуби, "Ливерпуль"га қайтиши мумкинлиги ҳақида хабарлар тарқалди. Наҳотки? Кутамиз!
Англияда бир неча дақиқалик сукут. Италияда эса бошланмоқда. "Наполи" бир йўла икки футболчини сафга қўшиб олганлигини расман тасдиқлади. Жандоменико Место "Женоа" билан хайрашиб Неапольга йўл олди. Бразилия ёшлар терма жамоаси аъзоси Бруно Увини ҳам жонажон "Сан Пауло"сини ташлаб "Наполи"га келди.
"Ливерпуль" мухлислари учун қувончли хабар бор. Батафсил 2 дақиқадан сўнг!
"Ливерпуль" ниҳоят Клинт Демпси борасида "Фулҳем"га расмий таклиф билан чиқишди. Кузатамиз!
"Челси" бош мураббийи Роберто Ди Маттео жамоа раҳбариятидан зудлик билан яна бир ҳужумчи қўшиб олишни талаб қилмоқда. Хабарларга кўра, "Кўклар" Лоик Реми учун "Марсель"га 16 миллион фунт тўлашга тайёр!
Расман: Никлас Бендтнер "Ювентус" футболчисига айланди. Бироздан сўнг даниялик ҳужумчи клуб базасида мухлисларга таништирилади.
Ўтган мавсум Италия "А" сериясининг энг яхши ассистентларидан бири бўлган ва ушбу ёзги трансфер мавсумида кўп бора тилга олинган "Болонья" ярим ҳимоячиси Гастон Рамирес Англияга кўчиб ўтишга яқин. Уругвайли истеъдодли футболчи учун "Ливерпуль", "Тоттенҳэм", "Милан", "Интер" каби бир қатор гранд клублар кураш олиб борганига қарамай, футболчи бу йили премьер-лигага қайтган "Саутгемптон" билан шартнома имзолаш арафасида. Кутилмаган трансфер, очиғи! "Саутгемптон" клуби 14 миллион фунт эвазига футболчини сотиб олишга "Болонья" келишиб олган.
Анча жимиб қолган "ПСЖ" яна бир трансферни расмийлаштиришга яқин турибди. Грегори Ван дер Виль "Аякс"ни "ПСЖ"га алмаштириш арафасида. Савол: "ПСЖ"нинг заҳира ўриндиғида бўлса ҳам жой қолганмикин?!
Кўпчиликнинг ёқимтойига айланишга улгурган "Суонси" "Валенсия"дан Пабло Эрнандесни сотиб олди. Шартнома уч йилга тузилган. Испаниялик футболчининг Трансфер суммаси эса 5.5 миллион фунтга баҳоланган. Испан футболчилари "Суонси"га киришиб кета олишлари мумкинлигини, Микаель Лаудруп амалда кўрсатмоқчи.
Шу мавсумда яна премьерога қайтган "Депортиво" "Болтон" ҳужумчиси Иван Класнични қўшиб олишга ҳаракат қилаётганини айтмаса, Испания томонларда негадир жимлик ҳукмрон.
"Саутгемптон" клуби ўз тарихидаги энг қиммат трансферни амалга оширди. Юқорида таъкидлаганимиз, Гастон Рамирес сотиб олинди. Клуб тарихидаги энг қиммат қанчага тушганини биласизми? 15 миллион евро!
Италия тарафларда жонланиб қолишди жамоалар. Расман: Жилардино "Болонья"га ўтди. Борьелло эса энди "Женоа" футболчиси!
"Қария" Лука Тони ўзининг собиқ клуби "Фиорентина"га қайтди.
Италияда трансфер ойнаси ёплишига 10 дақиқа вақт қолди. Кака "Милан"га келмаслиги энди аниқ!
Лондондан бир йўла иккита ёмон хабар. "Тоттенҳэм" Жоау Моутиньо билан шахсий шартнома шартларини ҳеч келиша олмаяпти. Виллаш-Боаш ҳам собиқ шогирдини тилини топа олмай овора. Бу кетишда шартнома амалга ошмаслиги ҳам мумкин. "Порту" эса келишилганидек 22 миллион фунтдан қуруқ қолиши мумкин.
"Фулҳэм" ҳам "Лион" билан Мишель Бастос борасида келиша олмади. "Лион" футболчини ижарага бермаслигини, фақат сотишини таъкидламоқда. "Фулҳем"нинг эса сотиб олишга пули қолмади, шекилли. Хуллас, лондонликларнинг футболчини ижарага олиш бўйича таклифи рад этилди.
Италияда трансфер ойнаси якунига етди!
Молиявий муаммолардан боши чиқмай қолган ва трансфер мавсуми пайтида бир қатор етакчиларидан айрилган "Малага" ЕЧЛда бир амаллаб иштирок этиш учун ўз сафини бир қатор футболчилар билан тўлдирмоқда. Ҳозиргина "Спортинг"дан америкалик ҳимоячи Оньеву олиб келинди. Текинга...
Бир пайтлар "Челси" УЕФА томонидан 2 йил муддатга трансферларда иштирок этишдан четлатилгани ёдингиздадир?! Уларнинг ўшанда четлатилишларига сабаб бўлган футболчи ҳам эсингизда бўлса керак! Гаэль Какута Голландиянинг "Виттес" клубига ижарага бериб юборилди.
Айни пайтда Англияда энг кўп тилга олинаётган футболчи бу - Клинт Демпси бўлиб турибди. Бу ҳарид бугуннинг энг катта ҳаридларидан бирига айланиши кутилмоқда. Ҳозиргина олинган маълумотларга қараганда, футболчи учун курашга "Тоттенҳэм" ҳам қўшилди. "Ливерпуль" мухлисларининг жиғибийрони чиқмоқда.
Москванинг "Спартак" клуби "Шальке" ярим ҳимоячиси Хосе Мануэль Хурадони бир йил муддатга ижарага олганини расман тасдилқади. "Спартак" мавсум якунлангач, испаниялик футболчининг трансфер ҳуқуқини тўлалигича сотиб олиш ҳқуқини ўзида қолдирди. Шартнома суммаси ошкор этилмаяпти.
Дарвоқе, Майкл Эссьен "Атлетико"га қарши бўлиб ўтадиган Европа суперкубоги учун учрашув қайдномасига киритилмади. Эрталаб авж олган миш-мишлар ҳақиқатга айланиши ҳам мумкин. "Челси" Эссьенни "Арсенал"га ижарага беришга розими?! Кутайликчи.
"Ливерпуль" Майкл Оуенни қўшиб олиши ҳақидаги хабарлар тасдиғини топмади. Ҳужумчини "Рединг" клуби базасида кўриб қолишган. Маълумотларга қараганда, "Рединг" Оуэнни қўлга киритиш учун асосий даъвогарга айланди.
Sky Sports нинг айтишича, "Фулҳэм" Клин Демпси борасида "Ливерпуль"нинг таклифини рад этган. Ана бўлмасам! Ён қўшниларидан "бошқачароқ" таклиф тушган кўринади...
Даниель Старриджнинг "Ливерпуль"га ижарага берилиши ҳақидаги маълумотлар ҳам ўз тасдиғини топмади. Старридж "Атлетико"га қарши суперкубок ўйинини заҳира ўриндиғида бошлади.
"Ливерпуль"га ҳеч ким футболчи бергиси келмаётгандек...
Роке Санта Круз "Малага" футболчисига айланди. Бир неча дақиқа олдин парагвайлик ҳужумчи янги клуби билан бир йиллик шартномага имзо чекди. "Сити" ҳужумчини бир йилга ижарага берган.
Санта Круз ЕЧЛда ўйнашни жуда истаётган эди. Орзуси амалга ошадиган бўлди!
Испания нашрларининг ёзишича, "Реал" футболчиси Лассана Диарра Россиянинг "Анжи" клубига ўтишга яқин турибди. Расмий хабарларни кутамиз.
"Эвертон" ўз сафига "Копенгаген" футболчиси Брайан Овьедо шартнома имзолаганини маълум қилди. Коста-рикалик футболчи 4 йил давомида бу жамоа шарафини ҳимоя қилади.
Рақамлар: Англия клублари ушбу трансфер мавсумида жами 422 миллион фунт сарфллашди. 500 минглик маррани забт эта олишармикин? Бунинг учун уларда бир ярим соат вақт бор. Таҳминлар бисёр. "Сити"нинг заҳирасида яна камида иккита трансфер бор. "Тоттенҳэм"да эса яна бир трансфер учун вақт ва имконият бор. Балки "Челси" ҳам биргина трансфер бўлсада, амалга оширишга улгуриб қолар...
Бу ёқда эса, "Ливерпуль"нинг ишлари чатоқ. Мерсисайдликлар Клинт Демпсидан буткул умидларини узишди. "Фулҳем" футболчини "Ливерпуль" таклиф этган 4 миллион фунт эвазига сотмаслигини қатъий равишда эълон қилди. Дарҳақиқат, Демпси ушбу суммадан кўпроғига арзийдиган футболчи эканлигини ўтган бир неча мавсумдаги ўйинлари билан исботллаб берди. "Тоттенҳэм"да уни илиб кетиш учун вақт бор. Кутамиз.
Кутилмаган бурилиш!!!! "Челси" ярим ҳимоячиси Майкл Эссьен трансфер ойнаси ёпилишига саноқли соатлар қолганда, "Реал" футболчисига айланиши мумкин. Айни пайтда, ганалик футболчи Лондонда. Уни ортга қайтариш учун курашаётган унинг собиқ клуби "Лион" ортга чекинишга ммжбур. Сабаби, "Реал" унга анча қулай шартнома таклиф қилаяпти. Испаниянинг Marca нашри эса, ҳаммани ишонтиришга тушди - Эссьен Мадридга келади!
Мана буни янгилик деса бўлади. "Ливерпуль" мухлислари учун ёқимсиз хабар. Уларнинг трансфер бозоридаги асосий нишони бўлган "Фулҳем" футболчиси Клинт Демпси "Тоттенҳэм" сафига ўтмоқда. Айни пайтда футболчи "Тоттенҳэм" клуби офисига ташриф буюрган ва шартнома деталлари борасида музокара ўтказмоқда.. Тафсилотларни кутамиз!!!!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
