Сўнгги вақтларда "Локомотив" жамоасининг миллий чемпионатимизда муваффақиятли иштирок этишида тажрибали Дилшод Жабборовнинг ҳам ўзига хос улуши бор. Уч мавсумдирки темирйўлчилар шарафини ҳимоя қилаётган Дилшод бир нечта позицияда бемалол тўп сура олади. Шунинг учун бўлса керак клубни қайси мураббий бошқаришидан қатъий назар у асосий таркибда ўз ўрнига эга бўлиб қолмоқда.
Жорий мавсум аввалида уни Хорен Оганесян ҳимоя марказида синаб кўрган ва Жабборов ўзи учун янги бўлган позицияда ёмон таассурот қолдирмаган эди. Мавсумнинг иккинчи ярмидан у яна аввалги жойида ҳаракат қилмоқда ва жамоа ютуқларига муносиб ҳиссасини қўшмоқда. Биз Дилшод Жабборовдан клуб сайти учун қисқача интервью олдик.
- Дилшод, мавсум аввалида ҳимоя чизиғида ҳаракат қилаётган эдингиз. Ҳозир эса ярим ҳимояда ўйнаяпсиз. Умуман, сизга қайси позицияда тўп суриш ёқади?
- Профессионал футболчи жамоа бош мураббийи қайси жойни лозим топса ўша позицияда бемалол ўйнаб кетиши керак, деб ҳисоблайман. Жамоамиз мураббийлари мени мавсумнинг биринчи ярмида кўпроқ ҳимоя чизиғида синаб кўришди. Тўғри, ҳимояда тўп суришнинг ҳам ўзига яраша гашти бор. Бироқ, фаолиятимнинг асосий қисмида ярим ҳимояда ўйнаганим учунми, менга майдон марказида ўйнаш ёқади.
- Яқин вақтгача жамоада аксарият жарима зарбаларини сиз ижро этардингиз. Аммо, кейинги пайтларда камдан-кам ҳолларда жарима тўпларига яқинлашмоқдасиз...
- Бунинг сабаби оддий. Авваллари жамоада жарима зарбаларини тепадиган футболчилар камчиликни ташкил этарди. Ҳозир эса жамоада бир қатор жарима зарбаларининг моҳир ижрочилари бор. Садриддин Абдуллаев, Жора Оганесян, Ислом Тўхтахўжаев, Дилшод Раҳматуллаев... Яқинда жамоамизга келиб қўшилган Акмал Холматов ҳам стандарт вазиятлардан самарали фойдаланади. Хуллас, бу борада жамоамизда танлов анча ошган ва бу ҳолни ижобий баҳолайман. Бу ўз навбатида рақобатни оширади. Рақобат бор жойда эса табиийки ўсиш бўлади.
- Мавсум аввалида "Локомотив" жамоаси олдига Ўзбекистон кубогида муваффақиятли қатнашиш ҳамда миллий чемпионатда кучли тўртлик сафидан жой олиш вазифаси қўйилган эди. Афсуски, кубок баҳсларида курашни тўхтатдик. Чемпионатда ўз олдимизга қўйилган вазифани уддалаш мумкинми?
- Албатта. Кўп нарса олдимизда турган иккита ўйинга боғлиқ (Бу ерда гап "Андижон", "Металлург" клублари билан бўладиган ўйинлар ҳақида кетмоқда, - муаллиф.). Агар мана шу учта ўйинда муваффақиятга эриша олсак, ўйлайманки чемпионатни кучли тўртликда якунлай оламиз. Кейин эса бизни кучли олтиликдан жой олиб турган бешта жамоага қарши кечадиган қийин ўйинлар кутиб турибди. Аммо, хавотирга тушиш керак эмас. 1-даврада ўша "Бунёдкор" билан ҳам, "Пахтакор" билан ҳам тенгма-тенг ўйнай олишимизни исботладик.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
