Австралия терма жамоаси яримҳимоячиси Дэвид Карни Тошкентнинг "Бунёдкор"клуби Осиё чемпионлар Лигасининг чорак финалида шу ойнинг охирида Австралиянинг "Аделаида Юнайтед" клубига қарши учрашуви ҳақида ўз фикрларини билдириб ўтди.
"Бунёдкор" ва "Аделаида" учрашуви тарихи 2008 йилда бошланган ва унда ярим финалда "Аделаида" икки ўйин натижасига кўра финал йўлланмасини қўлга киритганди. Ушбу мавсумда иккала жамоа гуруҳ босқичида тўқнаш келишди. Унда Тошкентдаги дастлабки учрашувида "Бунёдкор" мағлубиятга учраган (1:2) Австралиядаги учрашувда эса ҳисоб очилмаганди. Аммо Дэвид Карни 19 сентябрь куни бўладиган учрашувда тошкентликларнинг ғалаба қозонишига ишонмоқда.
"Гуруҳ босқичидаги "Аделаида"га қарши учрашув бизнинг мавсумдаги дастлабки учрашуви бўлганди. Биз энг биринчи расмий учрашувни ўтказган бўлсак, "Аделаида" мавсумни якунлаётганди. Шунинг учун ҳам бизга бу учрашув қийин бўлганди", дейди Испаниянинг "Алкоркон" клубидан "Бунёдкор" клубига келиб қўшилган Карни.
"Ана энди барчаси тескариси бўлади. "Аделаида" мавсумни энди бошлаганида бизда эса мавсумнинг сўнгги қисмлари ўтаётган бўлади".
"Бунёдкор" 2009 йилдан бери биринчи марта Осиё чемпионлар Лигасининг чорак финалига қайтди. Олдинги мавсумларда жамоа нимчорак финалдан ортга қайтаётганди. Агар жамоа энди "Аделаида Юнайтед" тўсиғидан ўтадиган бўлса, Жанубий Кореянинг "Ульсан Хёндэ" ва Саудиянинг "Ал-Ҳилол" жуфтлиги ғолибига қарши финал йўлланмаси учун кураш олиб бориш имкониятига эга бўлади.
"Минтақанинг энг кучли саккизта жамоаси мусобақани давом эттирмоқда. Кучсиз жамоанинг ўзи бу ерда қолмаган. Биз ҳар бир рақибга қарши ўз уйимизда ҳам ўйнаймиз ва айнан мана шу учрашувлардан унумли фойдаланиб қолишимиз керак" дейди Осиё кубоги финалчиси.
"Чемпионлар Лигасини қўлга киритиш нафақат менинг орзуим, балки бутун бошли жамоадошларимнинг ҳам орзуси саналади. Агар биз ОЧЛда ғалаба қозонадиган бўлсак, клуб тарихидаги навбатдаги босқичга кўтарилиш бўлиши шубҳасиз. "Бунёдкор" кучли жамоа ва ўйлашимча, Осиё чемпионлар Лигасида ғалаба қозониш учун жамоада барча имкониятлар етарли. Агар биз буни уддалай олсак, бу Ўзбекистон тарихидаги дастлабки ОЧЛ бош соврини бўларди", дейди Карни ОФК расмий сайтига берган интервьюси чоғида.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
