Месут Ўзил футболчилик фаолиятини якунлаганини эълон қилди. "Реал Мадрид", "Арсенал" ва Германия терма жамоасининг собиқ ярим ҳимоячиси олти ой ёки бир йил олдин қилиши керак бўлган ишни қилди. 34 ёшли футболчи ўзининг ёрқин фаолияти якунида майдондаги ютуқларидан кўра кўпроқ жанжаллари билан ёдда қолган ва кўпчилик уни аллақачон гаолиятини якунлаган бўлса керак, деб ўйлаган.
Ўзил ҳавас қилса арзийдиган мартабага эришди. Унинг энг катта ютуғи Германия терма жамоаси билан 2014 йилги Жаҳон чемпионатидаги ғалаба эди. Бундан ташқари, Месут “Реал Мадрид” билан Испания чемпионлиги, кубоги ва суперкубогини, “Арсенал” билан эса уч марта Англия кубоги ва Суперкубогини қўлга киритди. Ҳужумкор ярим ҳимоячи "Вердер" сафида ҳам мамлакат кубогини ютган.
Ўзил кўплаб индивидуал совринларни ҳам тўплади: у Чемпионлар лигаси (2010/2011 йилги мавсум), УEФА кубоги, ЖЧ-2010, Евро-2012, Бундеслига, Ла лига ва Премьер-лигада энг яхши ассистенти бўлган. У беш марта Германияда йилнинг энг яхши футболчиси деб топилган. Месут барча мухлисларга ҳақиқий афсона бўлиб ёдда қолади, балки баъзи турклардан ташқари…
Ўзил учун Туркияга бориш омадсизлик бўлди. Умуман олганда, унинг фаолиятидаги пасайиш, эҳтимол терма жамоани тарк этганидан кейин бошлангандир.
"Арсенал"даги сўнгги мавсумида (2020/2021) Ўзил Лондон клубидан садоқат учун 8 миллион фунт олгани билан эсда қолади. У умуман ҳеч қандай турнир учун қайдномага киритилмаган эди! Месутнинг шартномаси 2021 йилнинг ёзига қадар амалда эди, аммо январ ойида томонлар ўзаро келишувга кўра шартномани бекор қилишди. Шундай қилиб, немис ярим ҳимоячиси эркин агентга айланди. Ва бир неча кундан сўнг у “Фенербахче” билан шартнома имзолади. Ўзил ушбу Истанбул клубида ўйнаш унинг болаликдаги орзуси эканини тан олди. Ўшанда "Фенербахче" 520 млн евро қарзи билан ёмон молиявий аҳволда эди, аммо шунга қарамай Ўзилга катта маош таклиф қилди (уч ярим йилга 15 млн евро).
Месут “Фенербахче”да муваффақиятсизликка учради. Дастлабки олти ойда ярим ҳимоячи 11 учрашувда атиги битта голли узатмани амалга оширган. Кейинги мавсум ўйин кўрсаткичи бўйича яхшироқ бўлди (26 ўйинда 9+2), аммо Ўзил барибир умидларни оқлай олмади.
2021 йилнинг сентябрида Ўзил "Фенербахче"даги ўрнидан норози ва клубини ўзгартирмоқчи эканлиги ҳақида маълумот пайдо бўлган эди. Ўйинлардан бирида у иккинчи бўлимда майдонга тушмаслигини билгач, бош мураббийи Витор Перейра билан тортишиб қолди. 2022 йилнинг март ойида эса Месут Перейранинг ўрнига келган Исмоил Картал томонидан жамоадан четлатилди.
Ўша йили ёзда у 1+1 схемаси бўйича шартнома имзолаб, эркин агент сифатида “Истанбул Башакшехир”га кетди.
Лекин Истанбулга аслида Ўзил керак эмас эди. Аввалига германиялик ярим ҳимоячи формага кириши учун узоқ вақт керак бўлди ва сентябрдан январгача яна бир бел жароҳатини даъволади. Месут янги жамоада бор йўғи еттита, асосий таркибда эса атиги иккита ўйинда майдонга тушди. Ўзил учун сўнгги баҳс Туркия чемпионатининг “Кайсериспор”га (0:1) қарши ўйинининг танаффусдаги алмаштирилиши бўлди. Мухлислар Месутни ўйин савияси пастлиги учун танқид қилишди ва эртаси куни у шунчаки машғулотларга келмади.
Ўзил ниҳоят тушунди ва шартномани бузди. Бу содир бўлганлиги жуда ачинарли, чунки Месут, шубҳасиз, ёрқин карерасининг чиройли якунига лойиқ эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
