Ўйинчининг бозор қийматига бир қанча омиллар таъсир қилади, жумладан, уларнинг ёши, ҳозирги ҳолати, позицияси, шартнома ҳолати ва жамоа ичидаги рақобат даражаси. Қўшимчасига, улар футболчининг салоҳиятига эътибор беришади, жароҳатлар сони, майдон ташқарисида ўзини тутиши ҳам унинг қийматига таъсир қилиши мумкин.
Келинг, 2023 йил март ойидаги дунёнинг энг қиммат етти нафар футболчисини кўриб чиқайлик
Педри (20 ёш, Барселона) – 100 млн евро
Педри 2020 йилда «Барселона»га келиб қўшилди ва тезда асосий ярим ҳимоячига айланди. У ёш бўлишига қарамай, техник қобилияти, майдонни кўра билиши ва хотиржамлиги билан кўпчиликни ҳайратда қолдирди.
Педри Евро-2020 турнирининг «Энг яхши ёш футболчиси» деб топилди. Уни ёрқин келажак кутаётганига шубҳа йўқ.
Унинг «Барса» билан шартномаси 2026 йилнинг июнига қадар тузилган ва трансфер бозорида 100 миллион еврога баҳоланган.
Фил Фоден (22, «Ман Сити») – 110 миллион евро
Фил Фоден «Манчестер Сити» тарбияланувчиси ва болалигидан бу клубда ўйнаб келмоқда. У 2017 йилда жамоадаги дебютини ўтказди ва шундан сўнг муҳим футболчига айланди. Ярим ҳимоячи ўзининг ажойиб техникаси, креативлиги ва гол уриш қобилияти билан машҳур. «Манчестер Сити»да жаҳон даражасидаги ҳужумчилар бор ва Фоден ўзини кучли рақобат муҳитида топди. Аммо у ўзини кўрсатишда давом этмоқда, шунинг учун ҳам 22 ёшли футболчи дунёнинг энг қиммат футболчиларидан бири ҳисобланади. У 110 миллион еврога баҳоланмоқда.
Букайо Сака (21, Арсенал) – 110 млн евро
Букайо Сака ўзини Премьер-лиганинг энг яхши вингерларидан бири сифатида кўрсатди.
Сака жамоадошларига голли вазиятлар яратиш ва умуман рақибнинг режаларига тўсқинлик қилишдан ташқари, анча ишончли тўпурар ҳам ҳисобланади. Унинг трансфер нархи 110 миллион еврога баҳоланмоқда.
Жуд Беллингем (19, Боруссия Дортмунд) – 110 млн евро
Жаҳон даражасидаги янги авлоднинг кучли инглиз ўйинчиларидан. Фоден ва Сака билан бир қаторда Дортмунднинг «Боруссия» клуби ярим ҳимоячиси Жуд Беллингем жуда ёшлигиданоқ ўзининг жозибали ўйини билан эътиборни тортди.
19 ёшли футболчи ҳозир дунёнинг энг кўп эътибор қаратилган футболчиларидан бири ва Дортмунднинг «Боруссия» клуби бу ёзда ундан катта пул ишлаб олмоқчи. Беллингем етакчилик фазилатларини намойиш этувчи ва техник жиҳатдан жуда қобилиятли бўлган прогрессив марказий ярим ҳимоячи.
Винисиус (22, «Реал») – 120 миллион евро
Винисиус ўз номини футбол тарихига ёзиб қўймоқда. Ҳужумчининг ўйин услуби унинг ажойиб дриблинг қобилияти, тўпни назорат қилиш ва ҳимоячилардан ўзиб кетишда тезлаша олиши билан ажралиб туради. Мадрид клубининг жорий мавсумдаги энг яхши тўпурари 120 миллион евро бозор баҳоси билан сайёрадаги энг қиммат футболчилардан бири бўлса ажаб эмас.
Эрлинг Холанд (21, «Ман Сити») – 170 миллион евро
Эрлинг Холанд эндигина 21 ёшда, аммо ҳозир у сайёрадаги энг яхши марказий ҳужумчи ҳисобланади.
Холанд ўтган ёзда «Манчестер Сити»га келиб қўшилган эди ва шундан бери унинг акциялари сезиларли даражада ошди. У жорий мавсумда «Сити» сафида барча мусобақаларда олтита хет-трик қайд этди. У 170 миллион еврога баҳоланмоқда.
Килиан Мбаппе (24, ПСЖ) – 180 млн евро
Килиан Мбаппе футболнинг янги шаҳзодаси ва келажакда бир нечта «Олтин тўп»ни қўлга киритиши мумкин. Франциялик форвард ўзининг тезкорлиги, аниқлиги ва тезкор қарор қабул қилиши билан эътиборга лойиқ катта кучдир.
Мбаппе бутун Европа бўйлаб ҳимоячиларни қўрқитишда давом этмоқда. Ҳозирда футболнинг энг йирик юлдузларидан бири 24 ёшда бўлишига қарамасдан аллақачон кўп ютуқларга эришганлиги ажабланарли.
Килиан Мбаппе 180 миллион еврога баҳоланган ва бугунги кунда дунёнинг энг қиммат футболчиси ҳисобланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
