"Реал Мадрид" бир неча миллион долларлик трансферларни тежаш учун ёш футболчилар билан шартнома имзолаб, келажакка сармоя киритмоқда. Ихтисослашган порталларнинг баҳоларига кўра, энг қимматлилари айнан мадридликлар уларни ҳали ҳеч ким танимаган пайтда ҳолда пул тикишган футболчилардир.
Келинг, "Реал Мадрид"нинг бугунги кундаги энг қиммат 9
ўйинчисини кўриб чиқайлик!
Винисиус - 120 миллион евро
Бразилиялик футболчининг “Реал”даги энг қиммат футболчиси эканлиги энди ҳеч кимни ажаблантирмайди. У икки мавсумни жамоа етакчиси сифатида ўтказди ва ривожланишда давом этмоқда.
Федерико Вальверде - 100 миллион евро
Федерико - тезкор, кучли, кўп қиррали ва фидойи футболчи. Карло Анчелотти бошчилигидаги ўтган ва жорий мавсумда Феденинг қиймати 100 миллион еврога кўтарилди. У уругвайлик энг қиммат футболчи ҳам ҳисобланади.
Аурелиен Тчуамени - 90 миллион евро
Тчуамени ўтган ёзда "Монако"дан Мадридга келиб қўшилган эди ва у дастлаб Каземиронинг ўринбосарига ўхшаб кўринса-да, Аурелиен асосий жамоа футболчисига айланди. "Реал" уни 80 миллион еврога сотиб олди.
Родриго - 80 миллион евро
Рўйхатдаги иккинчи бразилиялик "Реал Мадрид" томонидан ҳали вояга етмаганида олиб келинган. Унинг муваффақиятини инкор этиб бўлмайди ва ҳали глобал суперюлдуз бўлмаганига қарамай, Родриго ҳам клуб, ҳам терма жамоа даражасида юлдуз бўлиш йўлида.
Эдер Милитао - 70 миллион евро
Айримлар Милитаони дунёнинг энг яхши марказий ҳимоячиси деб билишади. Тезлиги, кучи ва аниқ узатмаси туфайли унинг бозор қиймати 70 миллион еврони ташкил этади, бу атиги тўрт йил аввал “Реал Мадрид” Португа тўлаганидан 20 миллион еврога кўп.
Тибо Куртуа - 60 миллион евро
Ўтган мавсумда Чемпионлар лигасидаги муваффақияти Тибони ёши 30 дан ошганига қарамай, ушбу рейтингда олтинчи ўринга кўтарди. Илгари “Атлетико” ва “Челси”да ўйнаган белгиялик футболчи фаолияти давомида ҳеч қачон бунчалик юқори бозор қийматига эришмаган.
Эдуардо Камавинга – 60 миллион евро
2021 йил ёзида 35 миллион евро эвазига имзоланган Камавинга “Реал Мадрид”ни потенциал юлдузга эга барча клублардан олдинга олиб чиққан яна бир ҳаракат эди. Камавинганинг кўп қирралилиги, унга ярим ҳимоячи ёки ҳатто вингер сифатида ўйнаш имконини беради, келажакда унинг қийматини янада ошириши мумкин.
Антонио Рюдигер – 40 миллион евро
Немис футболчи ўтган ёзда "Челси"дан "Реал"га текинга келган ва Премьер-лиганинг энг яхши марказий ҳимоячиси эди. Руди янги клубига мослашишда давом этмоқда, улар ҳали ҳам ўзининг энг яхши футболини кўрсатишига аминлар.
Карим Бензема - 30 миллион евро
Рўйхатни “Олтин тўп”нинг амалдаги ғолиби якунлайди. Унинг футбол оламидаги кексалиги (35 ёш) французга Мадриднинг энг қиммат футболчиларидан бири бўлишига тўсқинлик қилмайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
