Transfermarkt интернет портали футболчиларнинг янгиланган трансфер нархлари ҳақида маълумотлар тақдим этишда давом этмоқда. Бугун биз Ла Лига пешқадами "Барселона"нинг айрим нархи пастлаган юлдузлари ҳақида тўхталиб ўтишга ҳаракат қиламиз.
Эрик Гарсия - 18 миллион евродан 12 миллион еврога
Мавсумнинг дастлабки ярмида нисбатан асосий таркибда кўпроқ майдонга тушган Эрик Гарсия Испания термаси билан ЖЧ-2022'даги иштирокидан сўнг деярли бошланғич таркибда кўринмай қолди. Бу албатта унинг нархи пастлашига олиб келади. 22 ёшли ҳимоячининг статистикасига эътибор берадиган бўлсак, у жорий мавсумда жами 21 та ўйинда 1 та гол уриб, 2 та голли узатма берди. Transfermarkt унинг нархини нақд 6 миллионга пасайтириб, 18 дан 12 миллион еврога туширди.
Маркос Алонсо - 9 миллион евродан 7 миллион еврога тушди
Маркоснинг нархининг тушишига асосий сабаб ёш билан боғлиқ бўлса керак. Ҳар ҳолда 32 ёшли чап қанот ҳимоячиси каталонияликлар сафига келиб қўшилганидан сўнг марказий ҳимояда ҳам қанот ҳимоясида ҳам ўйнай олишини кўрсатди. Тўғри, у кўпинча захирадан ўйинни бошлайди, аммо фавқулодда вазиятларда майдонга тушиб Тер Штеген қўриқлаётган дарвоза олдидаги хавфларни бартараф этишга тайёр. Transfermarkt порталига 9 миллион евродан 7 миллионга нархи туширилган Алонсо бу мавсумда 27 та ўйинда 3 та гол уришга эришди.
Франк Кессиэ - 35 миллион евродан 28 миллион еврога тушди
Ўтган ёзда "Милан"ни эркин агент мақомида тарк этиб, "Барселона"га ўтган Кессиэ "кўк-анорранглилар"нинг асосий таркибида мунтазам ўрин эгаллай олмаяпти. У асосан "ўт ўчирувчи" вазифасида ҳаракат қилмоқда. Айниқса, Педрининг жароҳати Кессиэга ўзини кўрсатиш учун катта имкониятлар очди. У сўнгги "класико"да "Реал" дарвозасига гол уриб, каталониялик мухлисларга қувонч баҳш этди. Transfermarkt томонидан 28 миллион еврога нархи туширилган (аввал - 35) Кессиэ ёзда молиявий муаммолар сабаб "Барса"ни тарк этиши мумкин.
Роберт Левандовски - 45 миллион евродан 40 миллион еврога тушди
Польшалик форвард мавсум аввалида муҳим голлар киритиб, жамоанинг ғалабаларини таъминлаётган эди. Аммо Жаҳон чемпионатидан сўнг Левандовскида бироқ чарчоқ аломатлари сезилмоқда. У айни вақтда майдонда алдамчи тўққизлик позициясида шерикларига гол уриш учун имкониятлар яратиб бериш билан банд. 34 ёшли ҳужумчининг янги нархи 5 миллион еврога арзонлаб, 40 миллионни кўрсатмоқда.
Ансу Фати - 50 миллион евродан 35 миллион еврога тушди
Каталониялик мухлислар учун Мессининг вориси бўлишга умид учқунларини ёққан Фати бугунги кунда захира ўриндиғининг асосий футболчиларидан бири ҳисобланади. У кетма-кет жароҳатлар сабаб бироз тушкунликка тушиб қолди ва бу ўз-ўзидан унинг ўйини ва статистикасига ҳам таъсир қилди. 20 ёшли Ансу бу мавсумда 38та ўйинда 6 та гол уриб, 3 та голли узатмага муаллифлик қилди. Transfermarkt унинг нархини нақ 15 миллионга пастлатиб, 35 миллион евро қилиб белгилади.
Ферран Торрес - 35 миллион евродан 30 миллион еврога тушди
"Манчестер Сити"дан 55 миллион еврога сотиб олинган Ферран бу нархни тўлиқ оқлади дейиш мушкул. У ҳам ҳозирда асосий таркибда мунтазам ўйин амалиётига эга эмас, Дембеле жароҳат олганига қарамай у рақобатда Рафиньяга ютқазмоқда. Бу эса кутилганидек испан вингерининг нархининг пастлашига сабаб бўлди. Ҳозирда Ферран 30 миллион еврога баҳоланган (аввалги нарх - 35 миллион евро).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Андижон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
