Англия Премьер-лигаси узоқ йиллардан бери кўплаб дунё таниган юлдуз футболчиларга макон бўлиб келмоқда. Уларнинг айримлари кўплаб хет-трик голлар эгаси ҳисобланади. Масалан, бу мавсумни олсак. Эрлинг Холанд деб аталмиш "махлуқ", Алан Ширернинг ягона мавсумда қайд этган 5 та хет-трикли рекордини янгилашга яқин турибди. У илк мавсумидаёқ 4 та хет-трикка эришди.
Умуман олиб қараганда, "Ньюкасл"нинг собиқ ҳужумчисида 11 та АПЛ хет-триги мавжуд ва бу борада Ширер яқин-яқингача рекордчи ҳисобланарди. У 1995-96 йилги мавсумда "Блэкберн" сафида 5 та хет-трик қайд этиб, жами 31 та голга муаллифлик қилган. Шунга қарамай, Ширер ўз ўрнини Серхио Агуэрога бўшатиб беришга мажбур бўлган. Аргентиналик ҳужумчи АПЛдаги фаолияти давомида жами 12 та хет-трик қайд этади. У "Манчестер Сити"нинг энг яхши тўпураридан бирига айланган. Агуэро "шаҳарликлар" сафида жами 260 та голга муаллифлик қилди. Бу эса клуб тарихидаги энг яхши кўрсаткич саналади. Ҳужумчининг 12 та хет-тригининг учтаси "Арсенал" ва "Челси"га қарши киритилгани ҳам эътиборга молик натижадир. Агуэро ҳақида Пеп Гвардиола шундай фикрлар билдириб ўтганди:
"Серхио алмаштириб бўлмас футболчи эди. Негаки, бир клубда 360 дан ортиқ ўйин ўтказиб, 250 дан ортиқ гол уриш ҳамманинг ҳам қўлидан келмайди. Шундай экан, Агуэро - тирик афсона. У клубдаги энг яхшиси ва асрлар давомида шундай бўлиб қолади. Балки майдонда у алмаштирилгандир. Аммо Агуэро номи бизнинг, мухлисларнинг, у билан ишлаган мураббий ва футболчиларнинг қалбида ўзгармас бўлиб қолаверади".
Рўйхатнинг яна бир вакили Харри Кейн саналади. "Тоттенхэм" ҳужумчиси ўз номига ҳозирга қадар 8 та хет-трик ёздириб қўя олган. Шунингдек, у Алан Ширернинг АПЛ рекордига энг яқин футболчи саналади. Кейн 260 талик довонга етиши учун 56 та гол керак.
Тьерри Анри ва Майкл Оуэн каби номлар ҳам 8 тадан хет-трикка эга. Улар АПЛнинг энг яхши тўпурарлари сафида, кучли ўнликка киради. Уэйн Рунида эса юқоридаги номларга қараганда 1 та кам. Аммо Руни фаолияти ўта ёрқин эди. Унинг энг машҳур хет-триги 2011 йилда "Арсенал"га қарши ўйинда киритилган (8-2). Хуллас, номлар жуда ҳам кўп. Қисқа ва аниқ қилиш учун биз 14 та АПЛ ўйинчилари номини жамладик. Уларнинг ҳар бири 1992 йилдан бери кўплаб хет-трикларга муаллифлик қилган.
1. Серхио Агуэро – 12 та
2. Алан Ширер – 11 та
3. Робби Фаулер – 9 та
4. Харри Кейн – 8 та
5. Майкл Оуэн – 8 та
6. Тьерри Анри – 8 та
7. Уэйн Руни – 7 та
8. Луис Суарес – 6 та
9. Робин ван Перси – 5 та
10. Энди Коул – 5 та
11. Димитр Бербатов – 5 та
12. Рахим Стерлинг – 5 та
13. Руд ван Нистелрой – 5 та
14. Иан Райт – 5 та.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
