«Ливерпуль» 7 йил ичида биринчи марта Чемпионлар лигасини ўтказиб юбориши мумкин. Бу нимага олиб келиши ҳақида фикр юритамиз.
Охирги 6 мавсум давомида «Ливерпуль» доимий равишда АПЛнинг кучли тўртталигига киришни уддалаган, Чемпионлар лигасига йўлланма олиб келган. Чемпионатнинг жорий мавсумида мерсисайдликларнинг тўртликдан четда қолиш хавфи бор. Энди улар йўқотилган очколар бўйича еттинчи ўринни эгаллаб турибди. Шу билан бирга, марра чизиғидаги кураш қизғин бўлиши кутилмоқда:
Чемпионлар лигасига чиқмаслик «Ливерпуль» учун жиддий қийинчиликларга айланиши мумкин. Бу биринчи навбатда клубга молиявий таъсир қилади. Ўтган йили ЕЧЛ финалига чиққан «Ливерпуль» тахминан 122 миллион доллар ишлаб топган бўлса, бу йил аллақачон 42 миллион долларга эга ва турнир якунида яна 37 миллионни телевидение ҳуқуқини тарқатиш учун олади. Охирги олти йил ичида «Ливерпуль» Чемпионлар лигасидан 700 миллион доллардан кўпроқ даромад олди. Шундай қилиб, Чемпионлар лигасисиз ўтадиган бир мавсум молиявий қийинчиликларни кучайтириши мумкинлигини ҳисоблаш осон.
«Ливерпуль» банкрот бўлмаслиги аниқ, унга клуб савдосини ташкил қилиш керак бўлмайди. Бироқ, мерсисайдликлар совринлар учун курашаман деса, трансферлар ойнасида фаол бўлиши керак. Масалан, жамоа ёзги трансферда 130 миллион доллардан кўпроққа тушадиган Жуд Беллингемни қўлга киритишни орзу қилмоқда. Бироқ, иқтисодий режимда бундай харидни амалга ошириш жуда муаммоли бўлади. Албатта, «Ливерпул»да етарлича маблағ бўлишини инкор этмаслик керак. Бироқ, савол Беллингем Чемпионлар лигасисиз жамоага ўтишга тайёрми ёки йўқми? Матбуот хабарларига кўра, энди «Реал» ва «Манчестер Сити» Дортмунднинг «Боруссия» клуби ярим ҳимоячиси учун янада жозибадорроқ вариантларга ўхшайди.
Шу билан бирга, «Ливерпуль» жиддий натижаларга эришиш учун жамоани тубдан қайта қуришга муҳтож. Мерсисайдликлар ўрта чизиқни тубдан янгилашлари керак. Жеймс Милнер, Алекс Окслейд-Чемберлен ва Неби Кейтанинг шартномалари тугамоқда (уни узайтириш пул талаб қилади, унутмайлик), Жордан Хендерсон, Фабиньо, Тиаго Алькантара, Кертис Жонс, Харви Эллиот ва Фабио Карвальюга камдан кам ҳолларда асосий таркибдан жой берилади. Албатта, бу уларнинг ҳаммаси кетади, дегани эмас. Бироқ, «Ливерпуль» камида иккита янги ярим ҳимоячи сотиб олиши керак.
Янги трансферлар билан ҳам муаммолар бир хил бўлса керак. «Ливерпул»га керак бўлган футболчилар катта пулга арзийди ва улар Чемпионлар лигасида ўйнашдан манфаатдор. Потенциал харидлар орасида «Вест Хэм»дан Деклан Райс, «Брайтон»дан Мойзес Кайседо ва Алексис Мак Аллистер, «Челси»дан Мэйсон Маунт, «Интер»дан Николо Барелла бор. Уларнинг ҳар бири 100 миллион евро атрофида туради. Шу билан бирга, уларнинг ҳар бири Чемпионлар лигасида ўйнайдиган клубга ўтишни афзал кўради.
«Ливерпул»га келаси мавсумда Чемпионлар лигасига йўл олиш учун яхши футболчилар кераклигини тушуниш керак. Агар шу ёзда мерсисайдликлар кучсиз футболчилар билан шартнома имзолашса, муаммолар янада кучаяди.
Алоҳида масала - Юрген Клоппнинг келажаги. Унга имкон бериш керакми? Клоппнинг ўзи ёмон мавсумдан кейин кетишни хоҳлайдими? Агар у қолса, «Ливерпул»ни аввалги даражага қайтара оладими? Клубда муҳокама қилинадиган саволлар кўп. Шу билан бирга, немиснинг узоқ муддатли шартномаси бекор қилинганда жиддий жарима назарда тутилади, бу ҳам молиявий зарба бўлиши мумкин.
Шуни унутмангки, айни пайтда Fenway Sports Group «Ливерпул»ни сотиш вариантини кўриб чиқди. Чемпионлар лигаси даромади бўлмаган тақдирда ўйинчилар билан харажат кўпга тушиши мумкин.
«Ливерпуль» учун ҳозир энг ёмони, Чемпионлар лигасини ўтказиб юборганлиги сабабли жамоа кучсизланиб қолганлигида. Эсингизда бўлса, «Арсенал»га ҳозирги ҳолатига эришиш учун вақт, мураббийга ишонч ва муваффақиятли трансфер сиёсати керак эди. «Манчестер Юнайтед» сўнгги йилларда тинмай топ тўртлик остонасида қолиб кетди, бироқ узоқ вақт давомида чемпионлик ёки Чемпионлар лигасида ғалаба учун даъвогардек кўринмади. Шу сабабли, мерсисайдликлар энди кучлилар тўртлигига қайтиш учун ҳамма нарсани қилишлари керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
