Келинг, спорт директорлари, скаутларнинг фикрига кўра, 21 ёшгача бўлган энг истиқболли ёш футболчилар ҳақида гаплашишни давом эттирамиз. Бундеслигада йсоҳ умидли ва ҳозирдан ўзини ижобий томондан кўрсатиб улгурган юлдуз футболчилар етарлича топилади. Бугун улардан энг яхшиларини кўриб чиқамиз.
Жуд Беллингем ("Боруссия Дортмунд", 19 ёш, 120 млн евро)
Англиялик ярим ҳимоячи ажойиб жисмоний, техник ва руҳий фазилатларга эга, бу эса уни мукаммал ярим ҳимоячига айлантиради. У майдондаги вазиятни ўзига хос етук тасаввурга эга, вазиятни ўқийди.
Жуднинг ўйинидан унинг 19 ёшда эканлигини аниқлашнинг иложи йўқ. У мудофаа чизиғини бузади, ҳужумларнинг давомини топади ёки ўзи уларнинг якунловчиси бўлиб чиқади. Шу билан бирга, Беллингем мудофаа ишларида жуда фойдали бўлиб қолмоқда, бу эса уни одатда бундай рўйхатларда биринчи ўринда турадиганлардан ажратиб туради.
Жамол Мусиала (Бавария, 20 ёш, баҳоси 110 миллион евро)
"Бавария" меъёрлари бўйича Бундеслигада баҳсли ўйин кўрсатганига қарамай, Мусиала Мюнхеннинг асосий жамоасидаги энг ёш ўйинчи учун барча кутганидан яхши ўйин кўрсатмоқда. Жамол жуда кўп қиррали ва турли позицияларда ўйнай олади, ҳар доим жуда кўп фойда келтиради. У ҳужумларни бошқаришда яхши техникага эга, тўп йўқолганда эса ҳимояда яхши ишлайди. Бу ерда прессинг ва дриблинг маҳоратининг ўзига хос комбинацияси мавжуд.
Бундан ташқари, Мусиала мунтазам равишда гол уради. Замонавий универсал футболда Мусиалада камчилик деярли йўқ. Ўйиннинг тўлиқ 90 дақиқасига юқори суръатда бардош бера олиши учун у фақат тажриба ва хотиржамликни, шунингдек, жисмоний чидамлиликни ошириши керак.
Флориан Виртц (“Байер”, 19 ёш, баҳоси 85 млн евро)
У тўққиз ойга сафдан чиққан жароҳатидан сўнг, Виртц аввалги даражасига қайтишга муваффақ бўлди. Гарчи ёшликдаги бундай зарбалар жиддий равишда давом этиши мумкин. Балки Виртц ҳозир ўз авлодидаги энг истиқболли немис футболчисидир. Бу тўлақонли ҳужумкор ярим ҳимоячи, бу ролда деярли ҳамма нарсани қила олади.
Йошко Гвардиол (“Лейпциг”, 21 ёш, баҳоси 75 млн евро)
Унинг Хорватия билан жаҳон чемпионатидаги ўйинини Аргентина билан тўқнаш келгунча ёмон дейиш қийин. Аммо чемпионатда ҳам, еврокубокларда ҳам Гвардиол ўзининг етуклигини қайта-қайта исботлади. Шу боисдан топ-клублар хорватиялик футболчига қизиқиш билдирмоқда. У яхши тезлик ва узоқ масофага тўп узатиш қобилиятига эга.
Карим Адейеми (“Боруссия Дортмунд”, 21 ёш, баҳоси 35 млн евро)
Ўтган ёзда "Залцбург"дан 35 миллион еврога кўчиб ўтганидан кейин Бундеслигага мослашиши учун унга бироз вақт керак бўлди. Аммо Адейеми аста-секин ўз салоҳиятини ва ўсишини кўрсатмоқда. У яхши темп, дриблинг, яккама-якка курашда рақибни алдаб ўтиш қобилиятига эга. Бу ҳужумчи тезлик ва техник имкониятлар билан таъминланган. Лекин баъзида унинг тезлиги тўп назоратига зарар келтиради. Ва бунинг устида ишлаш керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
